ព័ត៌មានជាតិ
ពិន័យ ៨០០ បាត ជនជាតិថៃណា លបឆ្លងដែនចេញចូលខុសច្បាប់
ថៃចាប់ផ្តើមពិន័យ ៨០០ បាត លើជនជាតិថៃណាដែលលបឆ្លងដែន ចេញ-ចូលដោយខុសច្បាប់។
យោធា និងតម្រួតថៃ បានចាប់ផ្តើមរឹតបន្តឹង លើការលបឆ្លងដែនរបស់ជនជាតិខ្លួន ទៅធ្វើការនៅក្នុងប្រទេសកម្ពុជា ដោយគ្មានច្បាប់អនុញ្ញាត ទោះចេញ ឬ ចូលក៏ដោយ។
ជាក់ស្តែងកាលពីថ្ងៃទី២៧ កញ្ញា ឆ្នាំ២០២១ កម្លាំងប៉ូលិសកម្ពុជា បានឃាត់ខ្លួនជនជាតិថៃមួយចំនួនដែលបម្រុងឆ្លងដែនចូលទឹកដីថៃវិញ ក្រោយពីគេបានលបចូលមកកម្ពុជាតាមច្រករបៀង ដើម្បីមកធ្វើការនៅក្នុងកាសុីណូអនឡាញ នាក្រុងប៉ោយប៉ែត ឬនៅក្នុងភ្នាល់ល្បែងតាមអនឡាញ នាក្រុងភ្នំពេញដោយពួកគេគ្មានឯកសារអ្វីទាំងអស់ ភាគីកម្ពុជាក៏បាននាំខ្លួនទៅប្រគល់អោយក្រុមតម្រួតថៃដែលឈរជើងនៅចំណុចច្រកអន្តរជាតិខ្លងលឹក ស្រុកអារញ្ញប្រាថេត ខេត្តស្រះកែវ ដើម្បីអនុវត្តតាមវិធានសុខាភិបាល។
ក្រោយពីទទួលបាន ភាគីថៃបានធ្វើការពិន័យជាទឹកប្រាក់ក្នុង១នាក់ ៨០០ បាត ព្រមទាំងបានបញ្ជូនទៅកាន់មណ្ឌលធ្វើចត្តាឡីស័ករយ:ពេល ១៤ ថ្ងៃផងដែរ ទៅតាមការណែនាំរបស់ក្រសួងសុខាភិបាល ដើម្បីទប់ស្កាត់ការរីករាលដាលនូវជំងឺកូវីដ-១៩ ។
ភាគីថៃនៅក្នុងខេត្តស្រះកែវ បានបញ្ចេញតួលេខអំពីចំនួនជនជាតិរបស់ខ្លួនដែលបានលបឆ្លងដែន ចេញទៅធ្វើការនៅក្នុងប្រទេសកម្ពុជា ដោយគ្មានច្បាប់អនុញ្ញាត ចាប់ពីដើមខែកញ្ញា រហូតមកទល់នឹងថ្ងៃទី ២៧ កញ្ញានេះ សរុបមានចំនួន ៣៧៩ នាក់ ដោយនេះគឺជាតួលេខដែលសមត្ថកិច្ចរបស់ខ្លួនចាប់បាន និងភាគីកម្ពុជាប្រគល់អោយ។
ដោយឡែកសម្រាប់អ្នកដែលលបឆ្លងដែនតាមរយ:មេខ្យល់ ហើយសមត្ថកិច្ចមិនបានដឹង គឺអាចនៅមានច្រើនថែមទៀត ៕
អត្ថបទ៖ សោ និយមរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង