ព័ត៌មានជាតិ

ការជួយផ្តល់កម្លាំងចិត្តឲ្យគ្នាទៅវិញទៅមក គឺជាចំណងមិត្តភាពមិនសាបសូន្យ

បានផុស

៦ years មុន

នៅ

ថ្ងៃអង្គារ ១ ធ្នូ ២០២០

ដោយ

ភ្នំពេញ ៖ លោកឧត្តមសេនីយ៍ឯក រ័ត្ន ស្រ៊ាងមេបញ្ជាការរង កងរាជអាវុធហត្ថលើផ្ទៃប្រទេស និង ជាមេបញ្ជាការ កងរាជអាវុធហត្ថរាជធានីភ្នំពេញ បានថ្លែងថា ការជួយផ្តល់កម្លាំងចិត្តឲ្យគ្នា ទៅវិញទៅមក គឺជាចំណងមិត្តភាពដ៏រឹងមាំមិនចេះសាបសូន្យហើយក៍គ្មានថ្ងៃបំភ្លេចបានឡើយ។

លោកឧត្តមសេនីយ៍ឯក រ័ត្ន ស្រ៊ាង ថ្លែងបែបនេះខណៈពេល ចាត់ឲ្យក្រុមការងារ អាវុធហត្ថខណ្ឌកំបូល ចុះសួរសុខទុក្ខគ្រួសារសមាជិកទើបនឹងសម្រាលកូននាពេលម្សិលមិញនេះនៅមន្ទីរពេទ្យខេត្តតាកែវ។

ក្នុងឱកាសសួរសុខទុក្ខនោះផងដែរ ក្រុមការងារ បាននាំយកថវិកាចំនួន ២០០.០០០រៀល (ម្ភៃម៉ឺនរៀល), ទឹកដោះគោឆៅ២យួរ, ទឹកសុទ្ធ១កែស ទៅជូនមិត្ត ជាអំណោយសួរសុខទុក្ខ និងទុកជាការចែករំលែក សម្រាលបន្ទុកគ្រួសារផងដែរ។

គួរបញ្ជាក់ថា ដោយអនុវត្តតាមសកម្មភាពមនុស្សធម៌ដ៏ថ្លៃថ្លារបស់លោកឧត្តមសេនីយ៍ឯក រ័ត្ន ស្រ៊ាងដែលបានអនុវត្តជាច្រើនឆ្នាំមកហើយនោះ ក្រោមពាក្យថា ការជួយយកអាសារគ្នា ការជួយផ្តល់កម្លាំងចិត្តឲ្យគ្នា ទៅវិញទៅមក គឺជាចំណងមិត្តភាពដ៏រឹងមាំមិនចេះសាបសូន្យហើយក៏គ្មានថ្ងៃបំភ្លេចបាន នោះរួចមក អាវុធហត្ថទូទាំងរាជធានីបានយកមកប្រតិបត្តិជារហូតមក។ ជាក់ស្ដែងលោកអនុសេនីយ៍ឯក ទឹម ចន្ថា ជាជំនួយការអាវុធហត្ថខណ្ឌកំបូល ដែលប្រពន្ធគាត់ ទើបនឹងសម្រាលកូន កំពុងសម្រាកថែទាំនៅមន្ទីរពេទ្យបង្អែកខេត្តតាកែវនោះលោកមេបញ្ជាការ អាវុធហត្ថខណ្ឌកំបូល បានចាត់តំណាងចុះទៅសួរសុខទុក្ខគ្រួសារ លោកអនុសេនីយ៍ឯក ទឹម ចន្ថា ជាជំនួយការអាវុធហត្ថខណ្ឌកំបូល ដែលប្រពន្ធគាត់ ទើបនឹងសម្រាលកូន កំពុងសម្រាកថែទាំនៅមន្ទីរពេទ្យបង្អែកខេត្តតាកែវផ្ទាល់នាល្ងាចថ្ងៃទី៣០ វិច្ឆិកា ឆ្នាំ២០២០ ។

លោកឧត្តមសេនីយ៍ឯក រ័ត្ន ស្រ៊ាងបានថ្លែងថា ការផ្តល់ទឹកចិត្តនិងកាយវិកា យកចិត្តទុកដាក់ព្រួយបារម្ភពីមិត្តភក្តិពេលជួបទុក្ខលំបាកឬគ្រោះអាសន្ន ក៏ដូចមិត្តរួមការងារគឺជាសកម្មភាពដ៏ថ្លៃថ្លាមួយមិនអាចសាបសូន្យឡើយ៕
ដោយ ៖ វិមាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា