បង្ក្រាបជាក់ស្ដែងករណីជួញដូរ ថ្នាំញៀន៣៨កញ្ចប់ នៅខណ្ឌឫស្សីកែវ

ជនសង្ស័យចំនួន៣នាក់ និងសារធាតុញៀន ជាច្រើនកញ្ចប់ ត្រូវបានសមត្ថកិច្ចខណ្ឌឬស្សីកែវ ធ្វើការបង្រ្កាប នាវេលាម៉ោង ១០នឹង១០នាទី នៅចំណុចក្រុមទី៦ ភូមិ២ សង្កាត់ច្រាំងចំរេះ១ ថ្ងៃទី០២ ខែធ្នូ ឆ្នាំ២០២០។

នគរបាលខណ្ឌឫស្សីកែវ បានឲ្យដឹងថា ជនសង្ស័យទាំង៣នាក់ មានឈ្មោះ ទី១ រូន រ៉ សេត ភេទប្រុសអាយុ២៧ ឆ្នាំ ខ្មែរឥស្លាម មានទីលំនៅផ្ទះលេខ៩០៧ ក្រុមទី៦ ភូមិ ១ សង្កាត់ច្រាំងចំរេះ១ ខណ្ឌឫស្សីកែវ មុខរបរមិនពិតប្រាកដ ទី២ ឈ្មោះ លី យូសុះ ភេទប្រុស អាយុ៣៥ ខ្មែរឥស្លាមមានទីលំនៅផ្ទះលេខ៩៦៣ ក្រុមទី៦ ភូមិ២ សង្កាត់ច្រាំងចំរេះ១ ខណ្ឌឫស្សីកែវ មុខរប កម្មករសំណង់ និងទី៣ ឈ្មោះ ហុង ស្រីកា ភេទស្រី អាយុ២៨ ឆ្នាំជនជាតិខ្មែរ មានទីលំនៅ សង្កាត់ស្រះចក ខណ្ឌដូនពេញ មុខរបរមិនពិតប្រាកដ និងបានដកហូតក្រាមពណ៌ ស ថ្លា ចំនួន៣៨កញ្ចប់តូច ។

ចំពោះមុខសមត្ថកិច្ចជំនាញខណ្ឌ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តតាមនីតិវិធី៕

អត្ថបទ ៖ ឌីរៀ