ធ្លាប់ឆ្លងកូវីដ អត់ចាក់វ៉ាក់សាំងដូសជំរុញបានទេ?

ប្រទេសជាច្រើននៅលើពិភពលោក រួមទាំងកម្ពុជាផងដែរ កំពុងបើកយុទ្ធនាការ ចាក់វ៉ាក់សាំងការពារជំងឺកូវីដ-១៩ ដូសជំរុញ។ 

យុទ្ធនាការនេះ បានចាប់ផ្តើមបន្ទាប់ពីការរកឃើញថា ប្រសិទ្ធភាពវ៉ាក់សាំង២ដូស​ បានថយចុះក្នុងរយៈពេលប្រហែល២ខែ។

ហើយកាលពីពេលថ្មីៗនេះ ក្រុមអ្នកវិទ្យាសាស្រ្តអង់គ្លេស ក៏បានជំរុញឲ្យមនុស្សទាំងអស់ត្រូវទៅទទួលវ៉ាក់សាំងដូសជំរុញផងដែរ ក្រោយពេលការសិក្សាបានបង្ហាញពីករណីឆ្លងទម្លុះ ចំពោះអ្នកចាក់វ៉ាក់សាំងបាន២ ដូស។

ទោះបីជាយ៉ាងណាក៏ដោយ មានសំណួរមួយថា តើអ្នកដែលធ្លាប់ឆ្លងជំងឺកូវីដ-១៩ អត់ចាក់វ៉ាក់សាំងដូសជំរុញបានដែរឬទេ?

ចម្លើយគឺថា ទេ ត្រូវតែចាក់។ ថ្វីបើវីរុសកូវីដ រួមជាមួយការចាក់វ៉ាក់សាំង ត្រូវបានគេគិតថាបង្កើនការឆ្លើយតបនៃប្រព័ន្ធភាពស៊ាំក៏ដោយ តែវាមិនមានការធានាថា អ្នកត្រូវបានការពារនោះទេ។ អ្នកនៅតែអាចឆ្លង និងចម្លងរាលដាលវីរុស ហើយមានរោគសញ្ញាដែលអាចប្រែក្លាយទៅជា កូវីដរយៈពេលវែង៕

ប្រែសម្រួល៖ Vann Vann

ចុចអាន៖ វ៉ាក់សាំង J&J ដូសជំរុញ ចាក់គម្លាតគ្នា២ខែ បង្ហាញប្រសិទ្ធភាពអស្ចារ្យបំផុត