៣ ឈុតពី ងិន ម៉ារ៉ាឌី នៅ Miss Universe ធ្វើឲ្យអ្នកគាំទ្រសរសើរមិនដាច់ពីមាត់

ការប្រកួតវគ្គបឋម Miss Universe បានបញ្ចប់តែអ្នកគាំទ្រកញ្ញា ងិន ម៉ារ៉ាឌី និងអ្នកគាំទ្រវិស័យបវរកញ្ញា បានលើកសរសើរកញ្ញាមិនដាច់ពីមាត់ មិនថាសមត្ថភាព និងឈុតទាំង ៣ ដែលកញ្ញាបានគ្រងកាលពីយប់មិញនេះ។

អ្នកគាំទ្រកញ្ញា ងិន ម៉ារ៉ាឌី Miss Universe Cambodia និងអ្នកគាំទ្រវិស័យបវរកញ្ញាជាច្រើន បាននិងកំពុងកោតសរសើរពីសម្រស់ដ៏ស្រស់ស្អាតកាលពីយប់មិញ ក្នុងការគ្រងឈុតទាំង ៣ របស់កញ្ញា មិនថាក្នុងឈុតមួយណាក៏ស្រស់ស្អាត និងសាកសមជាមួយ ម៉ារ៉ាឌី។ ក្នុងការបង្ហាញខ្លួនវគ្គប្រកួតបឋម Miss Universe របស់កញ្ញា ងិន ម៉ារ៉ាឌី បានគ្រង ៣ ឈុត ទី១. ឈុតហែលទឹក, ទី២. ឈុត Evening Gown និងទី៣. ឈុតតំណាងជាតិ វប្បការិកាចត្តានិមិត្ត។ ម៉ារ៉ាឌិ ពិតជាធ្វើបានល្អ ក្នុងការប្រកួតកាលពីយប់មិញនេះ ជាពិសេសភាពជឿជាក់ ទេពកោសល្យ សមត្ថភាព ក្លាហាន បូករួមជាមួយសម្រស់របស់នាង បើទោះបីជាមានកំហុសខុសឆ្គងតិចតួច ក្នុងពេលបង្ហាញឈុតតំណាងជាតិ តែម៉ារ៉ាឌី នៅតែគ្រប់គ្រងស្ថានការបានល្អ និងបង្ហាញពីភាពខ្លាំង និងមិនចុះចាញ់របស់ស្រ្ដីខ្មែរនៅលើឆាកដដែល។

គួររំលឹកផងដែរថា កញ្ញា ងិន ម៉ារ៉ាឌី ជា Miss Universe Cambodia 2021 ដែលកំពុងធ្វើការប្រកួតនៅប្រទេសអ៊ីស្រាអែល។ ដូច្នេះសូមឲ្យបងប្អូនខ្មែរ និងអ្នកគាំទ្រវិស័យបវរកញ្ញា បន្តគាំទ្រនិងលើកកម្លាំងចិត្តដល់កញ្ញា និងបោះឆ្នោតគាំទ្រតាមដែលអាចធ្វើទៅបាន ដើម្បីឲ្យម៉ារ៉ាឌី បានឈានទៅរកភាពជោគជ័យ និងដើម្បីលើកមុខមាត់កម្ពុជាផងដែរ៕

សូមទស្សនាវីដេអូ៖

អត្ថបទ៖ ផានិត