ព័ត៌មានអន្ដរជាតិ
ចិន ព្រមានវាយបក អាមេរិក ចំពោះការដាក់ទណ្ឌកម្ម “មិនប្រុងប្រយ័ត្ន”
ប្រទេសចិនបានព្រមានសហរដ្ឋអាមេរិកថា ខ្លួននឹងវាយបកវិញ ជាការឆ្លើយតបទៅនឹងសកម្មភាព “មិនប្រុងប្រយ័ត្ន” ហើយជំរុញឲ្យទីក្រុងវ៉ាស៊ីនតោន ដកទណ្ឌកម្មនាពេលថ្មីៗនេះ ដែលសំដៅលើបុគ្គល និងអង្គភាពពាក់ព័ន្ធទៅនឹងការរំលោភសិទ្ធិមនុស្ស ដែលប្រព្រឹត្តដោយទីក្រុងប៉េកាំង។
សហរដ្ឋអាមេរិកបានដាក់ទណ្ឌកម្មពាក់ព័ន្ធនឹងសិទ្ធិមនុស្សទ្រង់ទ្រាយធំកាលពីថ្ងៃសុក្រ ប្រឆាំងមនុស្សនិងអង្គភាពរបស់ចិន ដោយបន្ថែមបុគ្គល និងអង្គភាពដែលជាប់ពាក់ព័ន្ធនឹងប្រទេសមីយ៉ាន់ម៉ា កូរ៉េខាងជើង និងបង់ក្លាដែស។
ទោះបីជាយ៉ាងណាក៏ដោយ អ្នកនាំពាក្យក្រសួងការបរទេសចិន លោក Wang Wenbin បានថ្កោលទោសការដាក់ទណ្ឌកម្មនេះថាជា “សកម្មភាពខុសឆ្គង”។
លោក Wang បាននិយាយក្នុងអំឡុងសន្និសីទសារព័ត៌មាននៅទីក្រុងប៉េកាំងកាលពីថ្ងៃចន្ទថា “យើងសូមជំរុញឲ្យសហរដ្ឋអាមេរិក ដកការសម្រេចចិត្តខុសជាបន្ទាន់ ហើយឈប់ជ្រៀតជ្រែកកិច្ចការផ្ទៃក្នុងរបស់ចិន និងធ្វើឲ្យប៉ះពាល់ដល់ផលប្រយោជន៍របស់ចិន។ ប្រសិនបើអាមេរិកប្រព្រឹត្តដោយមិនប្រុងប្រយ័ត្ន នោះប្រទេសចិននឹងចាត់វិធានការប្រកបដោយប្រសិទ្ធភាពដើម្បីវាយបកយ៉ាងម៉ឺងម៉ាត់”។
លោក Wang បានប្ដេជ្ញាថា ទីក្រុងប៉េកាំងមិនងាករេក្នុងការប្ដេជ្ញាចិត្តរបស់ខ្លួន ក្នុងការការពារអធិបតេយ្យភាព សន្តិសុខ និងផលប្រយោជន៍អភិវឌ្ឍន៍ជាតិឡើយ។
លោកក៏បានការពារគោលនយោបាយរបស់ប្រទេសចិន ក្នុងការដោះស្រាយជាមួយសហគមន៍មូស្លីមអ៊ុយហ្គ័រនៅក្នុងតំបន់ស្វយ័ត ស៊ីនជាំង ផងដែរ ដោយនិយាយថា ខ្លួនបានប្តេជ្ញាចិត្ត ដើម្បីប្រយុទ្ធប្រឆាំងនឹងអំពើហិង្សា ភេរវកម្ម ការបំបែកខ្លួន និងកងកម្លាំងជ្រុលនិយមសាសនា។
លោកអះអាងថា សកម្មភាពដ៏ច្របូកច្របល់របស់សហរដ្ឋអាមេរិក មិនអាចបំផ្លាញរូបរាងទាំងមូលនៃការអភិវឌ្ឍន៍នៅស៊ីនជាំង បញ្ឈប់ការរីកចម្រើនរបស់ប្រទេសចិន ឬផ្លាស់ប្តូរនិន្នាការនៃការអភិវឌ្ឍន៍ប្រវត្តិសាស្ត្របានទេ៕
ប្រែសម្រួល៖ Vann Vann
ប្រភព៖ Al Jazeera
ចុចអាន៖ ចិន កំពុងក្លាយជា គូប្រជែងមានកម្លាំងស្មើអាមេរិក ហើយផលិតក្បាលគ្រាប់នុយក្លេអ៊ែររាប់ពាន់ ត្រឹមឆ្នាំ២០៣០
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ