ចរាចរណ៍

រថយន្តកុងតឺន័រកិនម៉ូតូ បណ្តាលឲ្យបុរសម្នាក់ស្លាប់យ៉ាងអាណោចអាធ័ម

បានផុស

៤ years មុន

នៅ

ថ្ងៃចន្ទ ១០ មករា ២០២២

ដោយ

ភ្នំពេញ ៖ បុរសម្នាក់បានស្លាប់ភ្លាមៗនៅនឹងកន្លែងកើតហេតុយ៉ាងអាណោចអាធ័ម ខណៈកំពុងជិះម៉ូតូត្រូវរថយន្តកុងតឺន័របើកកៀរនិងកិន កាលពីវេលាម៉ោង៧យប់ ថ្ងៃទី១០ ខែមករា ឆ្នាំ២០២២ នៅចំណុចមុខធនាគារABA តាមបណ្តោយផ្លូវជាតិលេខ៤ ក្នុងភូមិព្រៃព្រីងខាងជើង១ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះនៅមិនទាន់ស្គាល់អត្តសញ្ញាណនៅឡើយទេ មានវ័យប្រហែល៥០ឆ្នាំ។ តាមប្រភពព័ត៌មានបានឱ្យដឹងថា មុនពេលកើតហេតុគេបានឃើញបុរសម្នាក់ជិះម៉ូតូម៉ាកហុងដាឌ្រីមសង់ ស៊េរីឆ្នាំ២០១៩ ពណ៌ខ្មៅ ពាក់ស្លាកស្វាយរៀង1N 5511 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានរថយន្តកុងតឺន័រក្រុមហ៊ុនL. M. H ក្បាលពណ៌ស ពាក់ស្លាកលេខភ្នំពេញ3F 1262 បើកមកពីក្រោយហើយបានកៀរនិងកិនបណ្តាលឱ្យអ្នករងគ្រោះបែកក្បាលស្លាប់ភ្លាមៗយ៉ាងអាណោចអាធ័ម។

ក្រោយកើតហេតុតៃកុងរថយន្តបង្កបានចុះពីរថយន្តគេចខ្លួនបាត់បន្សល់ទុករថយន្តនៅកន្លែងកើតហេតុ បន្ទាប់មកសមត្ថកិច្ចបានចុះទៅដល់ចំណុចកើតហេតុនិងទាក់ទងទៅជំនាញការិយាល័យចរាចរណ៍ជើងគោកដើម្បីធ្វើការវាស់វែងយកទៅរក្សាទុករង់ចាំដោះស្រាយតាមច្បាប់ ចំណែកសពត្រូវបានសមត្ថកិច្ចកំពុងស្រាវជ្រាវយកក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើត៕

ដោយ ៖ សុខា

Related Topics:

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា