កីឡា

កីឡាករ កីឡាការិនីឆ្នើមៗ ដែលដណ្តើមបានជ័យលាភី នឹងត្រូវបានសហព័ន្ធជ្រើសរើសឲ្យជាប់ជាជម្រើសជាតិកីឡាបាញ់កាំភ្លើង ឆ្នាំ២០២២

បានផុស

៣ years មុន

នៅ

ថ្ងៃចន្ទ ២៤ មករា ២០២២

ដោយ

កីឡាករ កីឡាការិនីឆ្នើមៗ ដែលដណ្តើមបានជ័យលាភី ក្នុងការប្រកួតជើងឯកថ្នាក់ជាតិឆ្នាំ២០២១ នឹងត្រូវបានសហព័ន្ធជ្រើសរើសឲ្យជាប់ជាជម្រើសជាតិ ឆ្នាំ ២០២២ ដើម្បីហ្វឹកហាត់បំប៉នសមត្ថភាពជាមួយគ្រូជំនាញរបស់សហព័ន្ធត្រៀមចូលរួមការ ប្រកួតកីឡាស៊ីហ្គេម លើកទី៣២ ឆ្នាំ ២០២៣ និងការប្រកួតអន្តរជាតិនានា ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក មៀច សុផាន់ណា ប្រធានសហ ព័ន្ធកីឡាបាញ់កាំភ្លើងកម្ពុជា បានថ្លែងបែប នេះ ក្នុងឱកាសបិទការប្រកួតជ្រើសរើសឯកថ្នាក់ជាតិ ឆ្នាំ២០២១ នៅទីបញ្ជាដ្ឋានកងទ័ពពិសេសឆ័ត្រយោង ៩១១ ខណ្ឌកំបូល រាជធានីភ្នំពេញ។

លោកប្រធានសហព័ន្ធកីឡាបាញ់កាំ ភ្លើងកម្ពុជា បានមានប្រសាសន៍លើកឡើងទៀតថា សូមស្នើឲ្យកីឡាករ កីឡាការិនី ត្រូវពង្រឹងសមត្ថភាពត្រៀមដណ្តើមមេដាយស៊ីហ្គេម លើកទី៣២ ឆ្នាំ២០២៣ ដែលជាប្រវត្តិសាស្ត្រលើកដំបូងរបស់ព្រះរាជាណា ចក្រកម្ពុជា ទទួលរៀបចំធ្វើជាម្ចាស់ផ្ទះ។

លោក មៀច សុផាន់ណា បញ្ជាក់បន្ថែមថា ចុះឈ្មោះចូលរួមប្រកួតរបស់កីឡាករ កីឡាការិនីមានចំនួនច្រើនផុសផុលជាងឆ្នាំមុនៗកន្លងទៅ ប៉ុន្តែសហព័ន្ធធ្វើការកំណត់ចំនួនមួយដែលអាចគ្រប់គ្រង់ស្ថានភាពបាន ដើម្បីការពារការឆ្លងជំងឺកូវីដ-១៩។

ជាមួយគ្នានេះដែរ លោកប្រធានសហព័ន្ធក៏បានធ្វើការអំពាវនាវដល់បងប្អូនប្រជា ពលរដ្ឋទូទៅ ដែលនិយមចូលចិត្តកីឡាបាញ់កាំភ្លើង ឲ្យចូលរួមចុះឈ្មោះជាសមាជិករបស់សហព័ន្ធកីឡាបាញ់កាំភ្លើងកម្ពុជា ចូលរួមប្រកួតដែលសហព័ន្ធរៀបចំ ជៀសវាងការប្រើប្រាស់កាំភ្លើងនៅទីសាធារណៈខុសច្បាប់ ដែលធ្វើឲ្យប៉ះពាល់ដល់សន្តិ សុខសង្គម។

ទន្ទឹមនេះ លោកក៏បានកោតសរសើរ និងវាយតម្លៃខ្ពស់ផងដែរ ចំពោះគណៈកម្ម ការទាំងអស់ ដែលបានខិតខំប្រឹងប្រែងអស់ពីកម្លាំងកាយចិត្ត ធ្វើឲ្យប្រកួតជើងឯកឆ្នាំ២០២១ បានផ្តល់ឱកាសដល់កីឡាករ-កីឡាការនី អាចធ្វើការប្រកួតបញ្ចេញសមត្ថភាពដណ្តើមយកជ័យលាភី ប្រកបដោយមិត្តភាពនិងសាមគ្គីភាពគ្នា។ លោកប្រធាន ប្រធាន ក៏បានថ្លែងអំណរគុណដល់វិស័យឯកជន ដៃគូសហការមួយចំនួនដែលបានជួយឧបត្ថម្ភគាំទ្រសហព័ន្ធកីឡាបាញ់កាំភ្លើងកម្ពុជានាពេលកន្លងមក។

សូមបញ្ជាក់ថា ការប្រកួតជ្រើសរើសជើង ឯកថ្នាក់ជាតិឆ្នាំ២០២១ ដំណើរការប្រកួតរយៈពេល២ថ្ងៃ ដោយធ្វើការប្រកួតលើ២ វិញ្ញាសា មានកីឡាករ កីឡាការិនីចូលរួមប្រកួតប្រជែងចំនួន៤៤នាក់ ក្នុងនោះកីឡាការនី៦នាក់។

ជាលទ្ធផល វិញ្ញាសា កាំភ្លើងខ្លី ៩ មីលីម៉ែត្រ ចំណាត់ថ្នាក់លេខ១ កីឡាករ វុធថា ដាវណ្ណ មកពីក្លឹប ង ៧០ លេខ២ កីឡា ករ អាន កក្កដា ក្លឹប បូកគោ លេខ៣ កីឡាករ ថាវវៈ ម៉ារ៉ាឌី ក្លឹប ង ៧០ វិញ្ញាសា កាំភ្លើងវែង២២ឡុង ៥០ម៉ែត្រ ចំណាត់ថ្នាក់លេខ១ កីឡាករ ប៉ុក សុផាន់ណូ ក្លឹបកីឡាកាំភ្លើង លេខ២ កីឡាករ ស៊ីម សែន ក្លឹប ៩១១ លេខ៣ កីឡាករ ឡាង ចាន់ធារ៉ា ក្លឹប កងរាជអាវុធហត្ថ៕

ដោយ ៖ វិសិទ្ធ