ជីវិតកម្សាន្ដ

Jiyeon សមាជិកក្រុម T-ara ប្រកាសរៀបការក្នុងថ្ងៃតែមួយ ដូចគូស្នេហ៍ Hyun Bin និង Son YeJin

បានផុស

៣ years មុន

នៅ

ថ្ងៃសុក្រ ១១ កុម្ភៈ ២០២២

ដោយ

ក្រោយគូស្នេហ៍ Hyun Bin និង Son YeJin តួឯករឿង Crash Landing on You បានប្រាប់ដំណឹងរៀបការ ពីម្សិលមិញ ខណៈនៅថ្ងៃដដែលនោះ Park Jiyeon សមាជិកក្រុម T-ara ក៏បានប្រកាស ពីដំណឹងរៀបការរបស់នាងដូចគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅលើ Instagram តារាចម្រៀងរូបនេះ បានបង្ហាញរូបភាពកូនកំលោះ រួមទាំងរូបភាពសំបុត្រសរសេរដៃថា នាងយល់ព្រមរៀបការជាមួយគូស្នេហ៍វ័យក្មេង ដែលនាងស្គាល់តាមរយៈការណែនាំរបស់មិត្តភ័ក្ដិ។

សមាជិកក្រុម បាននិយាយថា មនុស្សនេះ ប្រៀបដូចជាអំណោយក្នុងជីវិត។ មនុស្សម្នាក់ដែលយកចិត្តទុកដាក់ថែរក្សា និងនាំមកនូវសុភមង្គលដល់នាង។ នាងបានសម្រេចចិត្តចែករំលែកជីវិតរបស់នាង ជាមួយមនុស្សម្នាក់នេះ។

ទន្ទឹមនោះ ពិធីរៀបអាពាហ៍ពិពាហ៍ពិពាហ៍របស់គូស្នេហ៍នេះ ត្រូវបានគេកំណត់ពេលសម្រាប់រដូវរងា ឬចុងឆ្នាំនេះផងដែរ។

សូមរំលឹកថា Jiyeon ចូលប្រឡូកក្នុងវិស័យសិល្បៈតាំងពីអាយុ ១៥ ឆ្នាំ ទាំងការបង្ហាញម៉ូដ និងការសម្ដែង។ មុនពេលបង្ហាញខ្លួនជាមួយក្រុម T-ARA ក្នុងឆ្នាំ ២០០៩ និងចេញបទចម្រៀងទោលក្នុងឆ្នាំ ២០១៤ ហើយនាងក៏បានសម្ដែងថ្មីៗបន្ថែមទៀតផងដែរ។

ចំណែក Hwang Jae Gyun អាយុ ៣៤ ឆ្នាំ ជាសមាជិកក្រុម KT Wiz ត្រូវបានប្រជាជនកូរ៉េខាងត្បូងស្គាល់ថា ជាអ្នកលេងបេស្បលអាជីពដ៏ល្បីល្បាញ និងលេងឲ្យក្រុមដ៏ល្បីមួយនៅប្រទេសបារាំង ដែលពីមុនមកជាមួយក្រុមល្បីៗក្នុងប្រទេសដូចជា Hyundai Unicorns, Nexen Heroes, Lotte Giants និង San Francisco Giants Major League Soccer Team សហរដ្ឋអាមេរិក។ គាត់បានជាប់ជម្រើស ជាតិកូរ៉េខាងត្បូង សម្រាប់មេដាយមាស Asian Games ចំនួនពីរក្នុងឆ្នាំ ២០១៤ និង ២០១៨ ៕

ប្រែសម្រួល៖ សាង ស្រីល័ក្ខ

ចុចអាន៖Seungri អតីតសមាជិកក្រុម Big Bang ត្រូវតុលាការបន្ថយទោស ពី ៣ ឆ្នាំ មកត្រឹម ១៨ ខែវិញ

ចុចអាន៖ស្រឡាញ់គ្នាជាង១ឆ្នាំ តួឯករឿង “Crash Landing On You” ប្រកាសរៀបការហើយ