នយោបាយ

អតីតតំណាងរាស្ត្រ និងមេធាវី នៃអតីតបក្សប្រឆាំង២រូបទៀត ទទួលបាននីតិសម្បទាឡើងវិញ

បានផុស

៤ years មុន

នៅ

ថ្ងៃចន្ទ ២១ កុម្ភៈ ២០២២

ដោយ

លោកស្រី ពត ពៅ អតីតតំណាងរាស្ត្រមណ្ឌលកណ្ដាល និងលោក កែត ឃី ដែលជាមេធាវីការពារក្តីឲ្យអតីតគណបក្សសង្គ្រោះជាតិ (CNRP) ត្រូវបានព្រះមហាក្សត្រត្រាស់បង្គាប់ផ្ដល់នីតិសម្បទាឲ្យធ្វើនយោបាយឡើងវិញហើយ នេះបើយោងតាមព្រះរាជក្រឹត្យ ដែលទើបទទួលបាននៅថ្ងៃទី២១ ខែកុម្ភៈ ឆ្នាំ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ពត ពៅ ដែលជាសមាជិកគណៈកម្មាធិការនាយកផងដែរនោះ ស្ថិតនៅក្នុងលេខរៀងទី៥១ ចំណែកលោក កែត ឃី ជាសមាជិកគណៈកម្មាធិការនាយកផងដែរ ស្ថិតនៅលេខរៀងទី៧៣ ក្នុងចំណោមមន្ត្រីជាន់ខ្ពស់ នៃអតីតគណបក្សសង្គ្រោះជាតិទាំងអស់ចំនួន១១៨ នាក់ ដែលត្រូវបានហាមឃាត់ធ្វើនយោបាយរយៈពេល៥ ឆ្នាំក្រោយពីអតីតគណបក្សនេះត្រូវបានរំលាយដោយតុលាការកំពូល។

គួររំលឹកថា រហូតមកដល់ពេលនេះមន្ត្រីជាន់ខ្ពស់ នៃអតីតគណបក្ស សង្គ្រោះជាតិចំនួន៣២រូបហើយ ដែលទទួលបាននីតិសម្បទានយោបាយឡើងវិញមានដូចជា៖

ទី១, លោក គង់ គាំ អតីតទីប្រឹក្សាជាន់ខ្ពស់គណបក្សសង្គ្រោះជាតិ ទី២, លោក គង់ បូរ៉ា អតីតតំណាងរាស្ត្រគណបក្សសង្គ្រោះជាតិ ទី៣, លោក ស៊ីម សុវណ្ណនី ទី៤, លោក រៀល ខេមរិន្ទ ដែលជាអតីតតំណាងរាស្ត្រ នៃអតីតគណបក្សសង្គ្រោះជាតិ, ទី៥, លោក អ៊ូ ច័ន្ទរ័ត្ន ទី៦, លោកស្រី ទេព សុទ្ធី ទី៧, លោក កង គឹមហាក់ ទី៨, លោក ជីវ កត្តា ទី៩, លោក ច័ន្ទ សិលា ទី១០, លោក សុន ឆ័យ ទី១១, លោក តាវ គឹមឈន ទី១២, លោកវ៉ា សាម៉ុន ទី១៣, លោក ស៊ុន សុភ័ក្រ ទី១៤, លោកស្រី លី ស្រីវីណា ទី១៥, លោក ថាច់ សេដ្ឋា ទី១៦, លោកយ៉ែម បុញ្ញឫទ្ធិ ទី១៧, លោក មុត ចន្ថា ទី១៨, លោក ជុំ ច័ន្ទដាវិន ទី១៩, លោក ទួត ឃឿត ទី២០, លោក ឡាត់ លិតេយ្យ ទី២១, លោក ឡុង គឹមឃន ទី២២. លោកស្រី យ៉ង់ ផាន់ណេត ទី២៣, លោក ប៉ុល ហំម ទី២៤, លោក ផាន់ ច័ន្ទសាក់ ទី២៥, លោក ឃឹម ឡាគី ទី២៦, លោក ម៉ៅ សុផល ២៧.មុត មល្លា ២៨. លោក ស៊ុន ចន្ធី ២៩. លោក ប្រាក់ យីកាន ទី៣០, លោក ចាន់ ចេង ទី៣១, លោកស្រី ពត ពៅ និងទី៣២, លោក កែត ឃី៕

ដោយ ៖ កោះកែវ