ព័ត៌មានអន្ដរជាតិ
ហ្វីលីពីនអនុម័តច្បាប់បង្កើនអាយុយល់ព្រមរួមភេទអាយុ១២ទៅ១៦ឆ្នាំ
ការិយាល័យប្រធានាធិបតីបាននិយាយនៅថ្ងៃចន្ទនេះថា លោកប្រធានាធិបតីហ្វីលីពីន Rodrigo Duterte បានចុះហត្ថលេខាលើច្បាប់មួយដែលបង្កើនអាយុអប្បរមានៃការព្រមព្រៀងរួមភេទពីអាយុ១២ទៅ១៦ឆ្នាំក្នុងគោលបំណងការពារអនីតិជនពីការរំលោភបំពានផ្លូវភេទ។
យោងតាមអង្គការ UNICEF បានឲ្យដឹងថា ឥឡូវនេះ ហ្វីលីពីនជាប្រទេសមួយក្នុងពិភពលោកដែលមានអាយុអប្បរមានៃការព្រមព្រៀងរួមភេទ បន្ទាប់ពីប្រទេសនីហ្សេរីយ៉ាមានអាយុត្រឹម១១ឆ្នាំ។
ការសិក្សារួមគ្នាមួយកាលពីឆ្នាំ២០១៥ដោយ UNICEF និងមជ្ឈមណ្ឌលសម្រាប់ធនធានស្ត្រី ដែលជាក្រុមមិនមែនរដ្ឋាភិបាលក្នុងស្រុកបានបង្ហាញថា ជនរងគ្រោះពីការរំលោភផ្លូវភេទ៧ក្នុងចំណោម១០គឺកុមារនៅក្នុងហ្វីលីពីនគឺកុមារ។
ការសិក្សាបាននិយាយថា ម្នាក់ក្នុងចំណោម៥នាក់ដែលឆ្លើយតបអាយុចន្លោះ១៣ទៅ១៧ឆ្នាំបានឆ្លើយថា ធ្លាប់ទទួលរងហិង្សារំលោភផ្លូវភេទ ខណៈម្នាក់ក្នុងចំណោម២៥នាក់ត្រូវបានចាប់បង្ខំឲ្យរួមភេទកំឡុងពេលកុមារភាព។
ស្ថិតក្រោមច្បាប់ថ្មីត្រូវបានអនុម័តដោយលោក Duterte ដែលអព្យាក្រឹតយ៉េនឌ័រ មនុស្សពេញវ័យដែលមានទំនាក់ទំនងផ្លូវភេទជាមួយក្មេងជំទង់អាយុ១៦ឆ្នាំ ឬក្រោម១៦ឆ្នាំត្រូវបានចាត់ជាការរំលោភ លុះត្រាតែអាយុខុសគ្នា៣ឆ្នាំ ឬតិចជាង និងបង្ហាញថា ការរួមភេទគឺជាការព្រមព្រៀង និងមិនកេងប្រវ័ញ្ច។
លោក Josalee Deinla អ្នកនាំពាក្យសហភាពជាតិនៃមេធាវីប្រជាជនដែលផ្តល់ជំនួយផ្នែកច្បាប់ដល់ជនក្រីក្រ និងជនពិការនៅហ្វីលីពីនថា ៖«យើងខ្ញុំស្វាគមន៍ចំពោះការអភិវឌ្ឍច្បាប់នេះ និងសង្ឃឹមថា វានឹងជួយការពារក្មេងស្រីពីការរំលោភ និងហិង្សាផ្លូវភេទ»។
លោក Lawrence Fortun ដែលឧបត្ថម្ភគាំទ្រច្បាប់នេះជាចម្បងបានចាត់ទុកជាជំហ៊ានដ៏ធំឆ្ពោះទៅមុខ។
លោកបាននិយាយក្នុងសេចក្តីថ្លែងការណ៍មួយថា ៖«ខ្ញុំរីករាយដែលកិច្ចខិតខំប្រឹងប្រែងរួមរបស់យើងក្នុងការជំរុញឱ្យមានការការពារកាន់តែខ្លាំងប្រឆាំងនឹងការរំលោភសេពសន្ថវៈ និងទម្រង់ផ្សេងទៀតនៃការរំលោភបំពានផ្លូវភេទកំពុងរីកចម្រើន»៕
ប្រែសម្រួល៖ វីរបុត្រ
ប្រភព៖ nypost
-
សេដ្ឋកិច្ច៤ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១ ថ្ងៃ agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានអន្ដរជាតិ៤ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៤ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ៤ ថ្ងៃ agoមានការផ្ទុះគ្រាប់បែក ក្បែរសណ្ឋាគារលោក Macron ស្នាក់នៅ អំឡុងដំណើរទស្សនកិច្ច ប្រទេសស៊ីរី
-
សេដ្ឋកិច្ច៣ ថ្ងៃ agoកម្ពុជា ដាក់ទិសដៅធ្វើឱ្យកាន់តែប្រសើរឡើងនូវប្រព័ន្ធភស្តុភារកម្ម ជំរុញកំណើនពាណិជ្ជកម្ម ទាក់ទាញការវិនិយោគ