ប្រទេសខ្លាសេដ្ឋកិច្ចមួយនៅអាស៊ីនឹងសាងសង់ ព្រលានយន្តហោះ អណ្ដែតលើទឹកដំបូងបំផុត

កូរ៉េខាងត្បូងគ្រោងនឹងសាងសង់ព្រលានយន្តហោះថ្មីលើទឹកដីទីក្រុង Busan ដែលជាទីក្រុងធំទី ២ ហើយវាជាព្រលានយន្តហោះអណ្ដែតលើទឹកដំបូងបំផុតរបស់ប្រទេសក្នុងការវិនិយោគសរុបចំនួន ១៣.៧ ពាន់ពាន់លានវ៉ុន ។

ក្រសួងដែនដី ហេដ្ឋារចនាសម្ព័ន្ធ និងដឹកជញ្ជូនបាននិយាយកាលពីថ្ងៃពុធថា បន្ទាប់ពីពិនិត្យមើលជម្រើសចំនួន ៥ សម្រាប់ព្រលានយន្តហោះថ្មីនៅលើកោះ Gadeok ដែលជាកោះដ៏ធំបំផុតរបស់ទីក្រុង Busan, ទីបំផុតក្រសួងបានសម្រេចចិត្តសាងសង់ព្រលានយន្តហោះអន្តរជាតិថ្មីក្នុងរចនាសម្ព័ន្ធអណ្តែតទឹកនៅសមុទ្រ ដើម្បីចៀសវាងមានសំឡេងរំខានដល់តំបន់ផ្សេងៗ ។

ទន្ទឹមនោះ ផែនការសាងសង់ព្រលានយន្តហោះដែលមានឈ្មោះថា Gadeok-do ក៏រួមបញ្ចូលទាំងផ្លូវរត់របស់យន្តហោះប្រវែង ៣,៥០០ ម៉ែត្រផងដែរ ហើយការសាងសង់ព្រលានយន្តហោះថ្មីត្រូវបានគេរំពឹងថានឹងចាប់ផ្តើមនៅឆ្នាំ ២០២៥ ហើយមានរយៈពេលរហូតដល់ ៩ ឆ្នាំ ៨ ខែ ពោលនឹងសាងសង់ហើយជាផ្លូវការ និងបើកដំណើរការនៅខែមិថុនា ឆ្នាំ ២០៣៥ ។

ស្របពេលជាមួយគ្នានេះ ក្រសួងបានព្យាករថា កូរ៉េខាងត្បូងនឹងមានអ្នកដំណើរចំនួន ២៣.៣៦ លាននាក់ ហើយទំនិញប្រហែល ២៨៦,០០០ តោន នឹងកើតចេញពីអាកាសយានដ្ឋានថ្មីនេះនៅឆ្នាំ ២០៦៥ ៕

ប្រែសម្រួលដោយ ៖ ជីវ័ន្ត

ប្រភព ៖ Bangkok Post

ចុចអាន ៖ មកដឹងប្រវែងតុដែលលោក Putin តែងដាក់ចរចាជាមួយមេដឹកនាំកំពូលៗ