ព័ត៌មានអន្ដរជាតិ

អង់គ្លេសសម្លឹងឃើញពាណិជ្ជកម្មបៃតង ដើម្បីឲ្យពិភពលោកឈប់ពឹងផ្អែកថាមពលរុស្ស៊ី

បានផុស

៤ years មុន

នៅ

ថ្ងៃពុធ ១៨ ឧសភា ២០២២

ដោយ

កិច្ចព្រមព្រៀងពាណិជ្ជកម្មបៃតងអាចជួយបញ្ឈប់ការពឹងផ្អែករបស់ពិភពលោកលើប្រេង និងឧស្ម័នរុស្ស៊ី និងជាការបញ្ឈប់សេដ្ឋកិច្ចពិភពលោករបស់លោក ពូទីន។ នេះបើយោងតាមសុន្ទរកថារបស់រដ្ឋមន្ត្រីក្រសួងពាណិជ្ជកម្មអង់គ្លេស លោកស្រី Anne-Marie Trevelyan ដែលនឹងថ្លែងនាថ្ងៃពុធ ទី១៨ ខែឧសភានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីរុស្ស៊ី វ្លាឌីមៀរ ពូទីន បាននិយាយកាលពីថ្ងៃអង្គារ៍ម្សិលមិញថា វាមិនអាចទៅរួចទេសម្រាប់ប្រទេសអឺរ៉ុបមួយចំនួនក្នុងការផ្លាស់ប្តូរប្រេងរុស្ស៊ីភ្លាមៗនោះ ខណៈសហភាពអឺរ៉ុបកំពុងស្នើបញ្ឈប់នាំចូល។

ចក្រភពអង់គ្លេសដែលពឹងផ្អែកលើថាមពលរុស្ស៊ីតិចជាងគេបាននិយាយថា វិស័យពាណិជ្ជកម្មបៃតងដែលកំពុងរីកចម្រើនយ៉ាងឆាប់រហ័សអាចជួយប្រទេសដទៃឲ្យកាត់បន្ថយការពឹងផ្អែកលើប្រេង និងឧស្ម័នរុស្ស៊ី។

យោងតាមសុន្ទរកថា លោកស្រី Trevelyan នឹងលើកឡើងថា ៖«ជម្លោះដ៏អាក្រក់នៅអ៊ុយក្រែននេះបានគូសបញ្ជាក់នូវអ្វីដែលអាចសម្រេចបានតាមរយៈវិធីសាស្ត្រសកលដ៏ធំទូលាយ។ វាក៏រម្លឹកពិភពលោកផងដែរថា យើងត្រូវតែលុបបំបាត់សេដ្ឋកិច្ចពិភពលោករបស់លោក ពូទីន»។

សុន្ទរកថាមានខ្លឹមសារទៀតថា ៖«ប៉ុន្មានខែចុងក្រោយនេះបានគូសបញ្ជាក់ពីតម្រូវការក្នុងការពន្លឿនដំណើររបស់យើងជាសហគមន៍សកលឲ្យឆ្ងាយចេញពីអ៉ីដ្រូកាបូន ដើម្បីបង្វែរបង្អែករបស់យើងនៃយុគសម័យឥន្ធនៈពុល និងផ្លាស់ប្តូរទៅជាអនាគតសូន្យសុទ្ធ»។

ក្នុងសុន្ទរកថា លោកស្រីនឹងប្រកាសពីការធានាកម្ចីសម្រាប់អាជីវកម្មបៃតងដែលមានទឹកប្រាក់ ២៣៧.០១លានដុល្លារអាមេរិក ព្រមទាំងពាណិជ្ជកម្ម និងការវិនិយោគបៃតងនៅភាគខាងកើតប្រទេសអង់គ្លេស៕

ប្រែសម្រួល៖ វីរបុត្រ
ប្រភព៖ Reuters

Related Topics:ចក្រភពអង់គ្លេស

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា