សម្ដេចតេជោ ហ៊ុន សែន ៖ ឥឡូវខ្ញុំជានាយករដ្ឋមន្ត្រី ហើយខ្ញុំមានសង្ឃឹមថា ខ្ញុំក៏នឹងក្លាយទៅជាឪនាយករដ្ឋមន្ត្រីទៀត

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា សម្ដេចនាពេលបច្ចុប្បន្ននេះ ជានាយករដ្ឋមន្ត្រី ហើយនាពេលខាងមុខនេះ​សម្ដេចសង្ឃឹមថា នឹងក្លាយជាឪពុកនាយករដ្ឋមន្ត្រី និងជីតានាយករដ្ឋមន្ត្រីថែមទៀត។

សម្ដេចតេជោ ហ៊ុន សែន បានថ្លែងក្នុងពេលអញ្ជើញទទួលសញ្ញាបត្របណ្ឌិតកិត្តិយសផ្នែកអភិវឌ្ឍន៍ ពីសាកលវិទ្យា ល័យភូមិន្ទភ្នំពេញ នៅព្រឹកថ្ងៃទី ៥ ខែសីហានេះថា សម្ដេចរាល់ថ្ងៃ ជាឪពុករបស់បណ្ឌិតរួចទៅហើយ និងសង្ឃឹមថា ក្លាយជាជីតាបណ្ឌិតបន្តទៀត។

ជាមួយនេះសម្ដេចតេជោ ហ៊ុន សែន បានថ្លែងបន្តថា នាពេលបច្ចុប្បន្ន សម្ដេចជានាយករដ្ឋមន្ត្រី ហើយសម្ដេចសង្ឃឹមថា នឹងក្លាយជាឪពុករបស់នាយករដ្ឋមន្ត្រី ផងដែរ។ សម្ដេចតេជោនាយករដ្ឋមន្ត្រី បានថ្លែងបន្តថា «ឥឡូវខ្ញុំជានាយករដ្ឋមន្ត្រី ហើយខ្ញុំមានសង្ឃឹមថា ខ្ញុំក៏នឹងក្លាយទៅជាឪនាយកដ្ឋមន្ត្រីទៀត….អាចៅខ្ញុំមួយ ឥឡូវចប់ឆ្នាំទីមួយហើយ ខ្ញុំប្រាប់ថា ២០ឆ្នាំទៀត ចៅឯងត្រូវប្រជែងយកតំណែងនាយករដ្ឋមន្ត្រី ដាក់គោលដៅឲ្យហើយ អត់​មានឲ្យថយក្រោយទេ»៕