ស្រ្តីម្នាក់រៀបរាប់អាការចម្លែកៗក្រោយជាសះស្បើយពីជំងឺកូវីដ១៩

ស្រ្តីម្នាក់ឈ្មោះ Sarah Gowye មកពីទីក្រុង Whitstable នៃប្រទេសអង់គ្លេសបានត្អូញត្អែរអំពីផលវិបាកចម្លែកក្រោយជាសះស្បើយពីជំងឺកូវីដ១៩។

យោងតាមស្ត្រីរូបនេះបានឲ្យដឹងថា បន្ទាប់ពីមានជំងឺនេះ អារម្មណ៍នៃការដឹងក្លិននិងរសជាតិរបស់នាងត្រូវបាត់បង់។ ដូច្នេះរាល់មុខម្ហូបដែលនាងចូលចិត្តចាប់ផ្តើមក្លាយទៅជាម្ហូបបែបផ្សេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីអង់គ្លេសរូបនេះបានប្រៀបធៀបរសជាតិសាច់ទៅនឹងសាប៊ូដុសខ្លួន ថ្នាំដុសធ្មេញទៅនឹងប្រេងសាំងហើយក្លិនកាហ្វេទៅនឹងផ្សែងបំពង់ស៊ីម៉ាំងឡានឬផ្សែងថ្នាំជក់។

នាងបានប្រាប់សារព័ត៌មាន Daily Record ថា “ប្រសិនបើខ្ញុំដើរចូលក្នុងផ្ទះរបស់នរណាម្នាក់ដដែលកំពុងរៀបចំម្ហូបអាហារ ខ្ញុំនឹងធុំក្លិនដូចរោមឆ្កែដែលសើមនិងទឹកស្អុយ”។

ទន្ទឹមនោះដែរ Gowye បានកត់សម្គាល់ថា នាងនៅតែអាចញ៉ាំឈីស ត្រី ផ្លែបឺរនិងបង្គាបានប៉ុន្តែទោះបីជាបែបនេះក៏ដោយ នាងនៅតែបន្តសម្រកទម្ងន់។

ស្ត្រីអង់គ្លេសរូបនេះក៏បានបង្កើតក្រុមគាំទ្រមួយនៅលើបណ្តាញសង្គមសម្រាប់អ្នកដែលទទួលរងនូវផលវិបាកស្រដៀងគ្នានេះផងដែរ។ អ្នកប្រើប្រាស់ជាងបួនពាន់នាក់មកពីទូទាំងពិភពលោកបានចូលរួមរួចទៅហើយ៕

ប្រែសម្រួលដោយ៖ Vann Vann

ប្រភព៖ RIA

ចុចអាន៖ ដោយសារកំហុសមួយ វ៉ាក់សាំងកូវីដជិត៥០០ដូសត្រូវបោះចោលទទេៗ

ចុចអាន៖ បន្ទាប់ពីរកឃើញការឆ្លងថ្មី១៥៥ករណី ថៃព្រមានថា មួយថ្ងៃអាចមានអ្នកឆ្លងកូវីដឡើងដល់ទៅខ្ទង់ម៉ឺន