សេចក្ដីជូនដំណឹង

ស.ស.យ.ក ផ្ដល់អាហារូបករណ៍ ២០០ កន្លែងសិក្សានៅវិទ្យាស្ថានខ្មែរជំនាន់ថ្មី

បានផុស

៣ years មុន

នៅ

ថ្ងៃអង្គារ ២០ ធ្នូ ២០២២

ដោយ

ដើម្បីរួមចំណែកជាមួយរាជរដ្ឋាភិបាលក្នុងការលើកកម្ពស់វិស័យអប់រំ សហភាពសហព័ន្ធយុវជនកម្ពុជា នឹងផ្ដល់អាហារូបករណ៍ដល់សិស្សានុសិស្ស និស្សិត យុវជន ឱ្យសិក្សាថ្នាក់បរិញ្ញាបត្ររង ថ្នាក់បរិញ្ញាបត្រចំនួន ២០០កន្លែង និងថ្នាក់បរិញ្ញាបត្រជាន់ខ្ពស់ចំនួន ៣០កន្លែង នៅវិទ្យាស្ថានខ្មែរជំនាន់ថ្មី ក្នុងឆ្នាំសិក្សា ២០២២-២០២៣ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ថ្នាក់បរិញ្ញាបត្ររង និងថ្នាក់បរិញ្ញាបត្រ មានមុខជំនាញដូចជា៖

គណនេយ្យ
ធនាគារ និងហិរញ្ញវត្ថុ
ទីផ្សារ
គ្រប់គ្រង
សេដ្ឋកិច្ច
ទេសចរណ៍
អក្សរសាស្ត្រអង់គ្លេស
ភាសាអង់គ្លេសសម្រាប់ការបង្រៀន
វិទ្យាសាស្ត្រកុំព្យូទ័រ
បច្ចេកវិទ្យាព័ត៌មានពាណិជ្ជកម្ម
នីតិសាស្ត្រ
វិទ្យាសាស្ត្រនយោបាយ
រដ្ឋបាលសាធារណៈ

ថ្នាក់បរិញ្ញាបត្រជាន់ខ្ពស់មុខជំនាញដូចជា៖

វិទ្យាសាស្ត្រអប់រំ
រដ្ឋបាល សាធារណៈ
នីតិឯកជន
គ្រប់គ្រង
ការបង្រៀនភាសាអង់គ្លេស

១. លក្ខខណ្ឌនៃការជ្រើសរើស

បេក្ខជនដែលមានជីវភាពខ្វះខាត
បេក្ខជនត្រូវមានសញ្ញាប័ត្របរិញ្ញាបត្រ ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្រជាន់ខ្ពស់
បេក្ខជនត្រូវមានសញ្ញាប័ត្រមធ្យមសិក្សាទុតិយភូមិ ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្រ
បេក្ខជនត្រូវមានលិខិតបញ្ជាក់ធ្លាក់ឬជាប់មធ្យមសិក្សា ទុតិយភូមិ ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្ររង
បេក្ខជនត្រូវឆ្លងកាត់ការប្រកួតប្រជែងជ្រើសរើស ដែលរៀបចំដោយក្រុមការងារកម្មវិធីសាបព្រោះគ្រាប់ពូជនៃសហភាពសហព័ន្ធយុវជនកម្ពុជា រាជធានីភ្នំពេញ។

២. កាលបរិច្ឆេទនៃការទទួលពាក្យ

បេក្ខជនត្រូវស្នើសុំនិងបំពេញទម្រង់បែបបទស្នើសុំអាហារូបករណ៍ ចាប់ពីថ្ងៃជូនដំណឹង ថ្ងៃទី០៣ ខែកុម្ភៈ ឆ្នាំ២០២៣ ជាកំហិត។

៣. លិខិតនៃការស្នើសុំអាហារូបករណ៍

បង្កាន់ដៃទទួលពាក្យស្នើសុំអាហារូបករណ៍
ជីវប្រវត្តិសង្ខេបដែលមានបិតរូបថតថ្មី
សញ្ញាប័ត្របរិញ្ញាបត្រ ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្រជាន់ខ្ពស់
សញ្ញាប័ត្រមធ្យមសិក្សា ទុតិយភូមិ ឬឯកសារបញ្ជាក់ដែលមានតម្លៃស្មើសម្រាប់ការសិក្សាថ្នាក់បរិញ្ញាបត្ររង
ថតចម្លងអត្តសញ្ញាប័ណ្ណ ឬសេចក្ដីចម្លងសំបុត្រកំណើត/សំបុត្របញ្ជាក់ កំណើត
រូបថតក្នុងពេលថ្មីៗទំហំ (៤x៦ ស.ម) ថតពីមុខ គ្មានវ៉ែនតា និងមានផ្ទៃខាងក្រោយពណ៌ស៕

ដោយ៖ ថារី

Related Topics:អាហារូបករណ៍

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា