ព័ត៌មានជាតិ

ឆ្លងចរន្ដអគ្គីសនីឆេះហាងលក់ស៊ុប ឃូលផាលេស ខូចខាតសម្ភារមួយចំនួនធំ

បានផុស

៥ years មុន

នៅ

ថ្ងៃសៅរ៍ ៩ មករា ២០២១

ដោយ

ហាងលក់ស៊ុបនិងសាច់អាំងយីហោ ឃូលផាលេស ត្រូវបានអគ្គីភ័យឆាបឆេះ អស់សម្ភារមួយចំនួនធំ។

ករណីអគ្គីភ័យនេះបង្កការភ្ញាក់ផ្អើលកាលពីវេលាម៉ោង១៦និង១៥នាទី ថ្ងៃទី០៩ ខែមករា ឆ្នាំ២០២១ នៅចំណុចហាង ឃូលផាលេស ផ្ទះលេខ២១៥ ផ្លូវលេខ១៤៦ក្រុម៣០ ភូមិ១១ សង្កាត់ទឹកល្អក២ ខណ្ឌទួលគោក រាជធានីភ្នំពេញ។

សមត្ថកិច្ចបានឲ្យដឹងថា ម្ចាស់ហាងមានឈ្មោះ នួន សុគន្ធា ភេទប្រុស អាយុ៤០ឆ្នាំ ស្នាក់នៅទីតាំងកើតហេតុ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក ព្រហ្ម យ៉ន នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញបានប្រាប់ឲ្យដឹងថា ករណីអគ្គីភ័យនេះកម្លាំងបានប្រើប្រាស់រថយន្តពន្លត់អគ្គិភ័យរបស់ការិយាល័យចំនួន៦គ្រឿង ដើម្បីចេញជួយអន្តរាគមន៍ ដោយធ្វើការបាញ់ពន្លត់អស់ចំនួន៤គ្រឿង ។

ក្រោយបាញ់ពន្លត់រលត់ជាស្ថាពរ នគរបាលជំនាញបានអោយដឹងថា ករណីអគ្គីភ័យនេះបណ្ដាលមកពីការឆ្លងចរន្ដអគ្គីសនី ហើយដោយសារក្នុងហាងមានការតុបតែងសម្បូរដោយសារធាតុជ័រ ដែលពេលមានភ្លើងឆេះធ្វើឲ្យកម្លាំងមានពិបាកក្នុងការចូលទៅខាងក្នុងដើម្បីបាញ់ពន្លត់ ព្រោះពេលភ្លើងឆេះ តំណក់ជ័របានស្រក់ចុះមកក្រោម និងមានការឆាបឆេះលឿន។

សមត្ថកិច្ចបានបញ្ជាក់ថា ករណីអគ្គីភ័យនេះធ្វើឲ្យខូចខាតសម្ភារមួយចំនួនរួមមាន ម៉ាស៊ីនត្រជាក់៦ គ្រឿង មាស៊ីនព្រីន១គ្រឿង និងសម្ភារភ្លេងមួយកំផ្លេរ៕

អត្ថបទ ៖ សុខុម

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា