ព័ត៌មានជាតិ
សម្ដេចតេជោ ហ៊ុន សែន ៖ ប្រជាធិបតេយ្យ និងនីតិរដ្ឋ ត្រូវដើរទន្ទឹមគ្នា
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ដំណើរការប្រជាធិបតេយ្យ ត្រូវដើរទន្ទឹមគ្នានឹងនីតិរដ្ឋ ហើយអ្វីដែលសំខាន់នោះ គឺត្រូវថែរក្សាការពារសន្តិភាព ឲ្យបាន។
ការលើកឡើងរបស់សម្ដេចតេជោ ហ៊ុន សែន បានធ្វើឡើងក្នុងពិធីសម្ពោធដាក់ឲ្យប្រើប្រាស់ជាផ្លូវការនូវអគារថ្មី នៃបណ្ឌិត្យសភាភូមិន្ទយុត្តិធម៌កម្ពុជា និងពិធីប្រគល់សញ្ញាបត្រជូនដល់សិស្សចៅក្រម សិស្សក្រឡាបញ្ជី សិស្សអាជ្ញាសាលា និងសិស្សសារការី នៅបណ្ឌិត្យសភាភូមិន្ទយុត្តិធម៌កម្ពុជាចំនួន១,៨៣៥នាក់ នាព្រឹកថ្ងៃទី ៦ ខែមិថុនា ឆ្នាំ ២០២៣នេះ។
សម្ដេចតេជោ ហ៊ុន សែន បានថ្លែងថា ពីមួយថ្ងៃទៅមួយថ្ងៃ ប្រទេសកម្ពុជា មានការអភិវឌ្ឍរីកចម្រើនជាដំណាក់កាលៗ ហើយកំពុងដំណើរការនូវប្រជាធិបតេយ្យ និងនីតិរដ្ឋ។ ត្រង់ចំណុចនេះ សម្ដេចតេជោ ហ៊ុន សែន ណែនាំឲ្យមានការចងចាំឲ្យច្បាស់ទាំងអស់គ្នា។
សម្ដេចតេជោ ហ៊ុន សែន ថ្លែងបែបនេះថា «ប្រជាធិបតេយ្យដែលគ្មានការគោរពច្បាប់ គឺអាណាធិបតេយ្យ បើគិតតែពីអនុវត្តច្បាប់ដោយមិនបើកសេរីភាព គឺវាផ្ដាច់ការ អញ្ចឹងវាត្រូវអមដំណើរជាមួយគ្នា រវាងប្រជាធិបតេយ្យ នីតិរដ្ឋៗ»។
សម្ដេចតេជោ ហ៊ុន សែន លើកឡើងដែរថា ប្រទេសនានានៅលើពិភពលោក កំពុងអនុវត្តនូវចំណុចខាងលើនេះដែរ ហើយពិភពលោកត្រូវផ្អែកលើច្បាប់។ «នៅលើពិភពលោក ក៏គេកំពុងតែធ្វើអាហ្នឹងដែរ ត្រូវមានការគោរពច្បាប់ ពិភពលោកគឺគោរពច្បាប់ ផ្អែកលើច្បាប់ បើមិនផ្អែកលើច្បាប់ ផ្អែកលើកម្លាំងវាមិនវាយពេញពិភពលោកហើយ»។ នេះជាការលើកឡើងបន្តរបស់សម្ដេចតេជោ ហ៊ុន សែន។
បើតាមសម្ដេចតេជោ ហ៊ុន សែន នៅក្នុងប្រទេសនីមួយៗ ប្រសិនបើមិនមានច្បាប់គ្រប់គ្រងទេ គឺប្រាកដណាស់អ្នកខ្លាំង នឹងទៅបំពានអ្នកខ្សោយ។ ដូច្នេះ ត្រូវដើរទន្ទឹមគ្នារវាងប្រជាធិបតេយ្យ និងនីតិរដ្ឋ ហើយត្រូវថែរក្សាការពារសន្តិភាព ឲ្យបាន៕
-
ព័ត៌មានជាតិ១ សប្តាហ៍ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ ថ្ងៃ ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
KPT+១២ ម៉ោង ago
ខ្លះៗពីទិវាកុហក ១ មេសា ឬ April Fools’ Day
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១ ថ្ងៃ ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ១ សប្តាហ៍ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ១៤ ម៉ោង ago
ក្រុមហ៊ុនអ្នកឧកញ៉ា គិត ម៉េង ប្រកាសបង្កើតតំបន់សេដ្ឋកិច្ចពិសេសថ្មីមួយទៀតនៅខេត្តកណ្តាល