អ្នកជំនាញសុខភាពព្រមានគ្រោះថ្នាក់នៃការត្រាំខ្លួនក្នុងទឹកកកដូចជា Hailey Bieber

យោងតាមសារព័ត៌មាន New York Post បានឲ្យដឹងថា Hailey Bieber បានបង្ហោះវីដេអូដែលខ្លួនរបស់នាងត្រាំក្នុងអាងទឹកកកប្រហែល ៣០ វិនាទី ប៉ុន្តែអ្នកជំនាញសុខភាពព្រមានពីការធ្វើបែកនេះគឺគ្រោះថ្នាក់ដល់សុខភាព ។

ភរិយារបស់តារាចម្រៀង Justin Bieber បានចែករំលែកនៅលើបណ្តាញសង្គមរបស់ថា”សូណា ត្រជាក់ជួយខ្ញុំឱ្យប្រសើរឡើងនូវអារម្មណ៍របស់ខ្ញុំ និងកាត់បន្ថយការថប់បារម្ភបានច្រើន” ។ក្រៅពី Hailey តារាសម្ដែង Josh Brolin, Zac Efron, Lady Gaga ជាដើមក៏រក្សាទម្លាប់នៃការត្រាំខ្លួនក្នុងទឹកកករយៈពេល ៥ទៅ១០ នាទីបន្ទាប់ពីការសម្តែងរបស់ពួកគេ។

ទោះបីជាយ៉ាងណាក៏ដោយ លោក Tracy Zaslow វេជ្ជបណ្ឌិតផ្នែកវេជ្ជសាស្ត្រមកពីវិទ្យាស្ថាន Ced ars-Sinai Kerlan-Jobe (សហរដ្ឋអាមេរិក) បាននិយាយថា មិនមានការស្រាវជ្រាវត្រឹមត្រូវអំពីរបៀប ដែលការត្រាំខ្លួនក្នុងទឹកកកនឹងជួយដល់សុខភាពរបស់មនុស្សនោះទេ។ ការត្រាំក្នុងទឹកកកគឺអាចបន្ធូរសាច់ដុំនៅពេលចលនាយូរម៉ោង ។

ទន្ទឹមនឹងនោះ សមាគមន៍សុខភាពបេះដូងនៅអាមេរិកក៏បានព្រមានថា ការជ្រមុជទឹកភ្លាមៗទៅក្នុងទឹកដែលមានសីតុណ្ហភាពទាបអាចបង្កឱ្យរាងកាយចុះត្រជាក់ភ្លាមៗនឹងមានប៉ះពាល់ដល់ការដកដង្ហើម ចង្វាក់បេះដូង និងសម្ពាធឈាម ងាយនឹងមានគ្រោះថ្នាក់នៃការលង់ទឹកប្រសិនបើអ្នកព្យាយាមរកដង្ហើមអំឡុងពេលជ្រមុជទឹក ។

យ៉ាងណាមិញ អ្នកជំនាញក៏បានសង្កត់ធ្ងន់ថា កុំប្រញាប់ប្រញាល់ធ្វើតាមវិធីសាស្រ្តថែទាំសុខភាពរបស់តារាល្បីដូចជា Hailey Bieber ប៉ុន្តែអ្នកត្រូវពិគ្រោះជាមួយវេជ្ជបណ្ឌិតដើម្បីធ្វើឱ្យប្រាកដថាអ្នក កំពុងធ្វើសកម្មភាពទាំងនេះ ប៉ះពាល់ដល់សុខភាព និងគ្មានគ្រោះថ្នាក់អ្វីឡើយ ៕

ប្រែសម្រួល៖នាងតូច

ចុចអាន៖អ្នកលេងអ៊ីនធឺណិតស្រឡាំងកាំងនឹងព័ត៌មានរបស់ Yoo Ah In ប្រើគ្រឿងញៀន ៨ ប្រភេទ