ព័ត៌មានជាតិ
រឿងត្រូវដឹង ពេលទៅដើរលេងសមុទ្រ ចៀសវាងគ្រោះថ្នាក់ដល់ជីវិត
តំបន់សមុទ្រ ជាកន្លែងដ៏ពេញនិយមសម្រាប់ការកម្សាន្តនាចុងសប្តាហ៍របស់ទេសចរជាតិ ស្របពេលដែលបច្ចុប្បន្ន ការធ្វើដំណើរទៅកាន់តំបន់សមុទ្រកាន់តែងាយស្រួល និងប្រើរយៈពេលខ្លី ដោយសារតែការអភិវឌ្ឍផ្លូវខ្វាត់ខ្វែង ពិសេសផ្លូវល្បឿនលឿន។ ក្នុងអំឡុងខែមិថុនានេះ សម្រាប់កម្ពុជា អាចចាត់ទុកថាជាពេលវេលានៃទេសចរណ៍ពណ៌បៃតង ជាខែដែលមានភ្លៀងធ្លាក់ ធ្វើឱ្យរុក្ខជាតិរីកលូតលាស់ស្រស់បំព្រង ទាក់ទាញទេសចរជាតិ-អន្តរជាតិ មិនអាចខកខានឱកាសនេះបានឡើយ ពិសេសតំបន់ភ្នំ តំបន់កោះ និងមាត់ឆ្នេរ។
សម្រាប់រដូវភ្លៀវធ្លាក់នេះ ក្នុងចំណោមតំបន់ទេសចរណ៍ដូចជាកន្លែងទឹកធ្លាក់ តំបន់ភ្នំ និងតំបន់សមុទ្រ មានហានិភ័យ ណាស់ បើសិនជាយើងមិនបានដឹងពីរឿងរ៉ាវគ្រោះថ្នាក់ចៃដន្យមួយចំនួន ដែលអាចកើតមានឡើងភ្លាមៗ នៅតំបន់ទាំងនេះ។ នៅពេលនេះ កម្ពុជាថ្មីសូមចែករំលែកចំណេះដឹងមួយចំនួន នៅពេលទៅលេងតំបន់សមុទ្រ។
១. កុំមើលរំលងការជូនដំណឹងពីការព្យាករណ៍អាកាសធាតុ
មុននឹងធ្វើដំណើរទៅកាន់តំបន់សមុទ្រ ពិសេសតំបន់កោះ ដាច់ខាតកុំមើលរំលងសេចក្តីជូនដំណឹងនេះឱ្យសោះ ព្រោះសេចក្តីជូនដំណឹងនេះ ជាមគ្គទេសក៍សុវត្ថិភាពចម្បងទី១ ដែលជួយយើងបានដឹងពីស្ថានភាពគ្រោះថ្នាក់ បានមុនពេល និងជួយយើងឱ្យសម្រេចចិត្តបានត្រឹមត្រូវពីពេលវេលា ដែលអាចទៅលេងតំបន់កោះបានឬក៏អត់។
២. សុវត្ថិភាពក្នុងការលេងទឹក
រដូវវស្សា ជាពេលដែលឧស្សាហ៍មានភ្លៀង ខ្យល់ និងរលកខ្លាំង ដូច្នេះសម្រាប់ការលេងទឹក គប្បីមានការប្រុងប្រយ័ត្នខ្ពស់ ត្រូវមានអាវពោងសុវត្ថិភាព (បើអាច) ហើយកុំចូលទៅកន្លែងដែលជ្រៅ ពិសេសនៅពេលដែលមានរលកបោកបក់ខ្លាំង ព្រោះថានៅពេលកម្លាំងទឹកបោកខ្លាំង នឹងធ្វើឱ្យយើងបាត់ជំហរបានដោយងាយ។ គួរបញ្ជាក់ថា កម្លាំងរលកមិនបានច្រាន យើងទៅច្រាំងភ្លាមៗនោះទេ វាអាចទាញយើងឱ្យចូលទៅកន្លែងកាន់តែជ្រៅ ពិបាកសង្គ្រោះ។ លើសពីនេះ ដាច់ខាតកុំលេងទឹកក្រៅពោងសញ្ញា ដែលអជ្ញាធរដាក់ពង្រាយក្នុងទឹកក្បែរឆ្នេរឱ្យសោះ។
៣. ស្វែងយល់ពីចរន្តច្រៀក ឬគេហៅថាចរន្តមរណៈ
ចរន្តច្រៀក គឺជាស្ថានភាពទឹកដែលមិនមានរលកវិលចូល ហើយនៅពេលមាត់ច្រាំងមានស្ថានភាពបែបនេះ អ្នកជំនាញ ហាមដាច់ខាត មិនឱ្យចូលលេងត្រង់កន្លែងនោះឡើយ ព្រោះសូម្បីតែអ្នកជំនាញហែលទឹក ក៏ពិបាកគេចពីគ្រោះថ្នាក់នេះ ដែរ បើមិនដឹងវិធីរំដោះខ្លួន។ បើសិនជាលោកអ្នកចូលលេងទឹក ត្រង់កន្លែងដែលមានស្ថានភាពបែបនេះដោយចៃដន្យ សុខៗមានអារម្មណ៍ថាត្រូវបានអ្វីមួយស្រូបទាញ ពិបាកហែលមកកាន់ច្រាំងវិញ រឿងចម្បងទី១ ដែលអ្នកជំនាញតែងចែករំលែកវិធីសាស្ត្ររំដោះខ្លួន គឺមិនត្រូវស្លន់ស្លោឡើយ ហើយត្រូវហែលកាត់ទទឹងទឹក ដើម្បីគេចពីចរន្តច្រៀក។
៤. គ្រោះថ្នាក់ដែលអាចកើតមាន ពេលសង្គ្រោះនរណាម្នាក់ពីការលង់ទឹក
មុននឹងចូលទៅសង្គ្រោះជនរងគ្រោះ យើងត្រូវគិតពីសុវត្ថិភាពផ្ទាល់ខ្លួនជាមុនសិន ដើម្បីចៀសវាងក្លាយជាជនរងគ្រោះ ម្នាក់ទៀត។ ដូច្នេះមុនពេលចូលទៅជួយគេ គួរតែពាក់អាវពោង ឬមានជាខ្សែពួរចងភ្ជាប់ខ្លួន(បើអាច) ដើម្បីងាយស្រួល ឱ្យអ្នកដទៃជួយទាញយើង និងជនរងគ្រោះឡើងមកគោកវិញ៕
-
ជីវិតកម្សាន្ដ៤ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៧ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៤ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៧ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព
-
ជីវិតកម្សាន្ដ៧ ថ្ងៃ ago
តារាថៃ Wit បង្ហាញមុខមាត់ថ្មី ក្រោយកែសម្ផស្សលើកដំបូងក្នុងវ័យ ៥៤ ឆ្នាំ