ជីវិតកម្សាន្ដ

បុរសគប់ទឹកកកលើលោក ជី ដេវីត ធ្វើលិខិតលាយលក្ខណ៍អក្សរសុំទោសជាថ្មី

បានផុស

៣ years មុន

នៅ

ថ្ងៃពុធ ៩ សីហា ២០២៣

ដោយ

ភ្នំពេញ ៖ នេះអាចចាត់ទុកថាជាគំរូមួយដែលបង្ហាញពីទំនូលខុសត្រូវ និងទទួលស្គាល់កំហុសរបស់ខ្លួនដែលបានប្រព្រឹត្តខុស ចំពោះអ្នកដទៃ ខណៈបុរសគប់ទឹកកកលោក ជី ដេវីត បានធ្វើលិខិតលាយលក្ខណ៍អក្សរសុំទោសជាថ្មីបន្ទាប់ពីចេញការសុំទោសម្តងរួចមកហើយនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃី ឆាយឡេង បានបង្ហោះរូបភាពដែលក្នុងដៃមានកាន់លិខិតសុំទោសលោកជី ដេវីត ដូច្នេះថាខ្ញុំបាទ ឃី ឆាយឡេង ជាម្ចាស់គណនីហ្វេសបុក ( Facebook) ឈ្មោះ Chhayleng KHY សូមធ្វើការទទួលនូវកំហុសគ្រប់យ៉ាងដែលខ្ញុំបាទ បានប្រព្រឹត្តទៅលើលោក ងួន ចាន់ដេវីត(Dit Way)និងធ្វើការសុំទោសជាសាធារណៈ តាមរយៈលិខិតលាយលក្ខណ៍អក្សរនេះដល់លោក ងួន ចាន់ដេវីត(Dit Way)និងអ្នកគាំទ្ររបស់លោក ព្រមទាំងសិល្បករសិល្បការិនីនៅក្នុងវិស័យសិល្បៈទាំងមូល។

លោកឃី ឆាយឡេង បានបញ្ជាក់ថា ”ខ្ញុំបាទសូមធ្វើការអះអាងនិងសន្យាថា ខ្ញុំបាទនឹងឈប់ប្រព្រឹត្តអំពើអសីលធម៌ដែលប្រាសចាកសេចក្តីថ្លៃថ្នូរទាំងឡាយដែលជះឥទ្ធិពលអាក្រក់ដល់សង្គមជាតិ ទោះក្នុងកាលៈទេសៈណាក៏ដោយ ប្រសិនបើក្នុងករណីមានទង្វើបែបនេះកើតឡើងបន្តទៀត ខ្ញុំបាទនឹង ទទួលខុសត្រូវចំពោះមុខច្បាប់ជាធរមានហើយលិខិតនេះត្រូវបានធ្វើឡើងដោយឆន្ទៈនិងស្មារតីទទួលកំហុសរបស់ខ្ញុំបាទផ្ទាល់ ដោយគ្មានការបង្ខិតបង្ខំនិងគំរាមកំហែងពីអ្នកណាឡើយ។

ជាមួយគ្នានេះលោក ឃី ឆាយឡេង ក៏បានអរគុណដល់លោក ជី ដេវីត និងអ្នកនាង ទេពបូព្រឹក្ស ព្រមទាំងក្រុមការងាររបស់គាត់ដែលបានអនុគ្រោះដល់រូបលោកផងដែរ។ សូមរំលឹកថា លោក ងួន ចាន់ដេវីត ហៅ ជី ដេវីត កាលពីថ្មីៗកន្លងទៅ ត្រូវបានបុរសខាងលើគប់ទឹកកកពេលកំពុងច្រៀងលើឆាកនៅក្នុងផាប់មួយកន្លែងនាខេត្តព្រះសីហនុ កាលពីយប់ថ្ងៃទី២៩ឈានចូលថ្ងៃទី៣០ ខែកក្កដា ឆ្នាំ២០២៣កន្លងទៅ៕

ដោយ ៖ ចាន់រ៉ា