ព័ត៌មានជាតិ
ទឹកស្អាតក្រុមហ៊ុនអានកូក្រុងកំពង់ឆ្នាំង ឡើងកករដីនិងភក់ ពលរដ្ឋបារម្ភប៉ះពាល់ដល់សុខភាព
ប្រជាពលរដ្ឋក្នុងក្រុងកំពង់ឆ្នាំងនិងស្រុករលាប្អៀរខេត្តកំពង់ឆ្នាំង បានត្អូញត្អែពីការបញ្ចេញទឹកស្អាតរបស់ក្រុមហ៊ុនអានកូក្រុងកំពង់ឆ្នាំងមានសភាពកខ្វក់ស្ទើររៀងរាល់ខែ ហើយពួកគាត់ព្រួយបារម្ភពីសុខភាពរបស់ក្រុមគ្រួសារសាច់ញាតិ និងឧបករណ៍ប្រើប្រាស់មួយចំនួនពាក់ព័ន្ធនឹងការប្រើទឹកមិនស្អាតបែបនេះ។
ប្រជាពលរដ្ឋជាច្រើននាក់បានលើកឡើងថា ក្នុងរយៈពេលជាង ២ ឆ្នាំមកនេះ ទឹកស្អាតក្រុមហ៊ុនអានកូបានបញ្ចេញទឹកល្អក់កករដូចភក់ឲ្យប្រជាពលរដ្ឋប្រើប្រាស់ស្ទើររៀងរាល់ខែ ដោយមិនមានការពិនិត្យត្រឹមត្រូវមុនបញ្ចេញមកឲ្យប្រើនោះឡើយ។ ជាក់ស្តែងកាលពីថ្ងៃទី១៩ និងថ្ងៃទី ២៥ ខែសីហា ឆ្នាំ២០២៣ ប្រជាពលរដ្ឋក្នុងក្រុងកំពង់ឆ្នាំងនិងមួយចំនួនទៀតក្នុងស្រុករលាប្អៀរខេត្តកំពង់ឆ្នាំង បានរអ៊ូរទាំនឹងក្រុមហ៊ុនទឹកស្អាតនេះបញ្ចេញទឹកកខ្វក់ឲ្យពួកគាត់ប្រើប្រាស់ព្រោះពេលបើកមកសុទ្ធតែកករដីនិងភក់តែម្តង ដែលទឹកកខ្វក់បែបនេះធ្វើឲ្យប៉ះពាល់យ៉ាងធ្ងន់ធ្ងរដល់សុខភាពប្រជាពលរដ្ឋជាអ្នកប្រើប្រាស់ទឹកនិងឧបករណ៍ប្រើប្រាស់មួយចំនួនទៀត។
ប្រធានគ្រប់គ្រងទឹកស្អាតរបស់ក្រុមហ៊ុនអានកូកំពង់ឆ្នាំងទទួលស្គាល់ថា មានទឹកមួយចំនួនមិនស្អាតពិតមែននោះក៏ព្រោះតែការជីកកសាងផ្លូវថ្មីរបស់អាជ្ញាធរខេត្តធ្វើឲ្យប្រព័ន្ធទឹកបានកាត់ផ្តាច់ឬធ្លាយ នៅពេលតភ្ជាប់រួចទឹកស្អាតនោះត្រូវល្អក់បែបនោះហើយដោយសារចូលដី។
ចំណែកបញ្ហាទឹកម្សិលមិញគឺមកពីដាច់ភ្លើងធ្វើឲ្យទឹកដាច់ទាំងអស់ ពេលភ្លើងមកវិញក៏ល្អក់បែបនេះទៅ។ បើសិនជាប្រជាពលរដ្ឋមានបញ្ហាសូមប្រាប់មកលោកនឹងចុះទៅមើលភ្លាម។
ប្រជាពលរដ្ឋជាអ្កនប្រើប្រាស់ទឹកស្អាតក្រុងកំពង់ឆ្នាំងនិងស្រុករលាប្អៀរបានសំណូមពរលោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង មេត្តាជួយពិនិត្យលើករណីទឹកស្អាតរបស់ក្រុមហ៊ុនអានកូនេះផង បើមិនដូចច្នោះទេឧបករណ៍ប្រើប្រាស់មួយចំនួនទៀតក៏ត្រូវខូចខាត ហើយសុខភាពប្រជាពលរដ្ឋនឹងអាចធ្លាក់ខ្លួនឈឺដោយសារតែការប្រើប្រាស់ទឹកនេះមិនខាន៕
អត្ថបទ៖ វ៉ាន់ សេដ្ឋា
-
សេដ្ឋកិច្ច១ សប្តាហ៍ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៤ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ព័ត៌មានអន្ដរជាតិ១ សប្តាហ៍ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ជីវិតកម្សាន្ដ១ សប្តាហ៍ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ២ ថ្ងៃ ago
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៧ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ១ សប្តាហ៍ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល