ថៃ បញ្ជាក់ មានពលរដ្ឋ ១២នាក់ស្លាប់ និង១១នាក់ ត្រូវក្រុមហាម៉ាស់ ចាប់យកទៅ

បន្ទាប់ពីទៅដល់ទីក្រុងហុងកុងកាលពីរសៀលថ្ងៃអាទិត្យទី៨ខែតុលា នាយករដ្ឋមន្ត្រីថៃ និយាយថា ជនជាតិថៃ ១២ នាក់ បានស្លាប់ក្នុងអំឡុងការវាយប្រហាររបស់ក្រុមហាម៉ាស់ លើប្រទេសអ៊ីស្រាអែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សេដ្ឋា ថាវីស៊ីន បានលើកឡើងថា លោកបានទទួលរបាយការណ៍នេះ ពីលោកស្រី Pannabha Chandraramya ឯកអគ្គរាជទូតថៃប្រចាំទីក្រុង Tel Aviv។

លោកស្រីឯកអគ្គរាជទូតនិយាយថា មនុស្សជាតិសាសន៍ខុសៗគ្នា ត្រូវបានចាប់ជាចំណាប់ខ្មាំងដោយពួកសកម្មប្រយុទ្ធហាម៉ាស់ ហើយការប្រយុទ្ធកំពុងបន្តនៅតាមបណ្តោយព្រំដែននៃតំបន់ហ្គាហ្សាស្ទ្រីប។

ស្របពេលជាមួយគ្នានោះដែរ រដ្ឋមន្ត្រីក្រសួងការបរទេសថៃ លោក Parnpree Bahiddha-Nukara អះអាងថា ជនជាតិថៃ ៨ នាក់ក៏រងរបួសផងដែរ ហើយ ១១ នាក់ត្រូវក្រុមហាម៉ាស់ ចាប់ខ្លួន។

លើសពីនេះ ប្រទេសថៃ កំពុងត្រៀមយន្តហោះរបស់កងទ័ពអាកាស ដើម្បីជម្លៀសប្រជាជនរបស់ខ្លួន ចេញពីប្រទេសអ៊ីស្រាអែលផងដែរ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ទីបំផុត អ៊ីស្រាអែល ប្រកាសសង្គ្រាមជាផ្លូវការជាមួយក្រុម ហាម៉ាស់