ព័ត៌មានអន្ដរជាតិ
អ៊ីស្រាអែល ប្តេជ្ញាកម្ទេចក្រុមហាម៉ាសឲ្យបាន ទោះត្រូវប្រឆាំងជាមួយពិភពលោកក៏ដោយ
នាយករដ្ឋមន្ត្រីអ៊ីស្រាអែលលោក Benjamin Netanyahu បានប្តេជ្ញាបន្តឈរនៅជាមួយទាហានរបស់គាត់ ដើម្បីធ្វើសង្គ្រាមកម្ចាត់ក្រុម ហាម៉ាស ដោយមិនអើពើនឹងសម្ពាធអន្តរជាតិ ដែលជំរុញឲ្យបន្ធូរដៃឬបញ្ឈប់ឡើយ ហើយលោកថែមទាំងអះអាងទៀតផងថា អ៊ីស្រាអែល នឹងប្រឆាំងជាមួយពិភពលោក បើសិនចាំបាច់។
ក្នុងសន្និសីទសារព័ត៌មានរួមគ្នាជាមួយរដ្ឋមន្ត្រីការពារជាតិ Yoav Gallant និងលោក Benny Gantz, លោក Netanyahu បានច្រានចោលការរិះគន់អន្តរជាតិលើតួលេខជនស៊ីវិលស្លាប់ក្នុងសង្គ្រាម។ លោកបានជំរុញឲ្យមេដឹកនាំបស្ចិមប្រទេស បន្តការគាំទ្រនៅពីក្រោយរដ្ឋជ្វីហ្វមួយនេះ ព្រោះជ័យជម្នះរបស់ខ្លួនគឺជាជ័យជម្នះសម្រាប់ ពិភពលោកសេរីទាំងមូលផងដែរ។
ស្របពេលជាមួយគ្នានោះ លោក Netanyahu ក៏បានចង្អុលបង្ហាញដែរថា អ៊ីស្រាអែលនឹងប្រឆាំងចំពោះការវិលត្រឡប់របស់អាជ្ញាធរប៉ាឡេស្ទីនទៅកាន់តំបន់ហ្គាហ្សា ក្រោយចប់សង្រ្គាម។
លើសពីនេះ នាយករដ្ឋមន្ត្រីអ៊ីស្រាអែលលោក បានចេញការព្រមានខ្លាំងៗ ទៅកាន់ក្រុមហេសបូឡារបស់ប្រទេសលីបង់ ទៀតផង។ លោក Netanyahu ព្រមានថា “សូមកុំសាងកំហុស ដោយចូលរួមក្នុងសង្គ្រាមឲ្យសោះ។ នោះនឹងក្លាយជាកំហុសពេញមួយជីវិតរបស់អ្នក ការចូលទៅក្នុងសង្រ្គាម នឹងបំផ្លាញជោគវាសនានៃប្រទេសលីបង់ទាំងមូល”។
ការព្រមាននេះកើតឡើង បន្ទាប់ពីមេដឹកនាំក្រុម ហេសបូឡា និយាយថា ក្រុមប្រដាប់អាវុធ បានប្រើប្រាស់អាវុធប្រភេទថ្មី និងវាយប្រហារគោលដៅថ្មីៗនៅក្នុងប្រទេសអ៊ីស្រាអែល ហើយប្តេជ្ញាថា ការប្រយុទ្ធប្រឆាំងអ៊ីស្រាអែលនឹង នៅតែបន្ត។
កាលពីថ្ងៃព្រហស្បតិ៍ទី៩ខែវិច្ឆិកា ក្រុមហេសបូឡា បានបើកការវាយប្រហារដោយគ្រាប់រ៉ុកកែតទៅលើអង្គភាពថ្មើរជើងរបស់អ៊ីស្រាអែល នៅក្នុងទីក្រុង Shomera ដែលមានទីតាំងនៅព្រំដែនជាប់ លីបង់។
ដោយឡែក មេដឹកនាំក្រុមហេសបូឡាលោក Hassan Nasrallah ក៏និយាយដែរថា សេណារីយ៉ូសង្រ្គាមទ្រង់ទ្រាយធំរវាងក្រុមប្រដាប់អាវុធរបស់ខ្លួនជាមួយអ៊ីស្រាអែល អាចកើតមានគ្រប់ពេល ហើយលោកថែមទាំងប្រកាសឲ្យក្រុមហេសបូឡា ត្រៀមខ្លួនសម្រាប់ការប្រឈមណាមួយជាមួយអ៊ីស្រាអែលផងដែរ៕
ប្រែសម្រួល៖ Vann Vann
ប្រភព៖ Times of Israel
ចុចអាន៖ ទារកជិត៤០នាក់ ប្រឈមស្លាប់នៅមន្ទីរពេទ្យក្នុងតំបន់ ហ្គាហ្សា ដោយសារកង្វះអុកស៊ីសែន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២០ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ