ជីវិតកម្សាន្ដ

កូនប្រុសជាប់បាក់ឌុប ខាត់ សុឃីម ថា ចិញ្ចឹមមិនអត់ប្រយោជន៍ទេ

បានផុស

២ years មុន

នៅ

ថ្ងៃសុក្រ ២៤ វិច្ឆិកា ២០២៣

ដោយ

បន្ទាប់ពីទទួលលទ្ធផលកូនប្រុសជាទីស្រលាញ់ប្រឡងជាប់បាក់ឌុប តារាចម្រៀងស្រីពហុជំនាញអ្នកនាង ខាត់ សុឃីម បានសម្ដែងអារម្មណ៍រំភើបខ្លាំង ខណៈអ្នកនាងចាត់ទុកថានេះជាលទ្ធផលដ៏ប្រសើរ និងជាទីមោទនៈសម្រាប់ក្រុមគ្រួសារ។

ក្រៅតែពីការបង្ហាញអារម្មណ៍ដ៏រំភើប តារាស្រីមានប្រជាប្រិយភាពអ្នកនាង ខាត់ សុឃីម និងស្វាមី ក៏បានរៀបចំការអបអរយ៉ាងសប្បាយរីករាយសម្រាប់កូនប្រុសរបស់ខ្លួនឈ្មោះ ស្កាយ ទៀតផង។ អ្នកនាង ខាត់ សុឃីម បានបង្ហាញស្នាមញញឹមភ្ជាប់ខ្លឹមសារថា កូនរបស់នាង ស្កាយ ពិតជាធ្វើបានល្អ ដោយមិនឲ្យនាងជាម្តាយអស់សង្ឃឹមឡើយ។

អ្នកនាង ខាត់ សុឃីម បានបញ្ជាក់ពីអារម្មណ៍ខ្លួនថា «កូនប្រុសខ្ញុំធ្វើបានហើយ កូនអើយពិតជាចិញ្ចឹមមិនអត់ប្រយោជន៍មែន កូនប្រុសម៉ាក់ប៉ា thank you my love»។ រឿងអ្នកគាំទ្រកត់សម្គាល់ និងសរសើរតារាពហុជំនាញជើងចាស់រូបនេះទៀតនោះ ព្រោះនាងជាម្តាយដែលចិញ្ចឹមកូនបានល្អ ស្តាប់តាមដំបូន្មានម្តាយ-ឪពុក ខណៈឆ្នាំនេះកូនប្រុសច្បងត្រូវបន្តការសិក្សាចូលសាកលវិទ្យាល័យផងដែរ។

សូមជម្រាបថា កាលពីថ្ងៃទី ២៣ ខែវិច្ឆិកា ឆ្នាំ ២០២៣ ក្រសួងអប់រំ យុវជន និងកីឡា បានប្រកាសលទ្ធផលប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ ២០២៣ ដោយមានបេក្ខជនជាប់សរុបចំនួន ៧២.៨៩ ភាគរយ ក្នុងនោះបេក្ខជនជាប់និទ្ទេស A ចំនួន ១,៦៧៣ នាក់, និទ្ទេស B ចំនួន ៦,៩៦៤ នាក់ និងនិទ្ទេស C ចំនួន ១៨,៣០៨ នាក់៕

អត្ថបទ ៖ ចាន់រ៉ា