ព័ត៌មានជាតិ
អគ្គមេបញ្ជាការកងទ័ព ប្រាប់កុំឲ្យខ្វល់ កុំឲ្យឈឺក្បាល ជាមួយអ្នកនិយាយ !
នាយឧត្តមសេនីយ៍ វង្ស ពិសេន អគ្គមេបញ្ជាការ នៃកងយោធពលខេមរភូមិន្ទបានអះអាងថា វត្តមានកូនប្រុសសម្តេចអគ្គមហាសេនាបតីតេជោ ហ៊ុន សែន និងថ្នាក់ដឹកនាំ ក្រសួងការពារជាតិ ដែលបានចាក់វ៉ាក់សាំងនាពេលនេះ គឺជាសារមួយសម្រាប់ប្រជាពលរដ្ឋ នៅទូទាំងប្រទេស ដូច្នេះយើងកុំឈឺក្បាល កុំខ្វល់ជាមួយអ្នកនិយាយ ពីព្រោះបច្ចុប្បន្ន មានជាង៥០ប្រទេសហើយ ដែលគេផលិតវ៉ាក់សាំងនេះ ហើយផលិតមិនទាន់សេចក្តីត្រូវការផង។
នាយឧត្តមសេនីយ៍ វង្ស ពិសេន លើកឡើងថា ដោយមានការយកចិត្តទុកដាក់របស់សម្តេចអគ្គមហាសេនាបតីតេជោ ហ៊ុន សែន និងសម្តេចពិជ័យសេនា ទៀ បាញ់ វ៉ាក់សាំងប្រឆាំងជំងឺកូវីដ-១៩ បានមកដល់កម្ពុជាហើយ ដូច្នេះគ្មានអ្វីត្រូវភ័យខ្លាចនោះទេ ហើយទោះជាមានលុយក៏ដោយ ក៏មិនចេះតែទិញបានដែរ ពីព្រោះការផលិតនៅមានកំរិត ហើយការប្រើប្រាស់នៅមានកំណត់ ដូច្នេះកងទ័ពគ្មានអ្វីត្រូវសង្ស័យទេ លើកលែងតែប្រការមួយចំនួនប៉ុណ្ណោះ ដែលក្រសួងសុខាភិបាលបានហាម ក្រៅពីនោះ គឺត្រូវតែចាក់ទាំងអស់គ្នា។
ឆ្លើយតបសំណួររបស់អ្នកសារព័ត៌មាន ទាក់ទងនិងការលើកឡើងរបស់ជនអគតិមួយចំនួនអំពីការចាក់វ៉ាក់សាំង ដែលជាអំណោយរបស់សាធារណរដ្ឋប្រជាមានិតចិន គឺជាការធ្វើតេស្តនោះ នាយឧត្តមសេនីយ៍ វង្ស ពិសេន បានបញ្ជាក់ថា “តេស្តស្អី ៥៣ប្រទេសហើយ ដែលគេផលិត ផលិតមិនទាន់ទៀត សព្វថ្ងៃផលិតមិនទាន់សេចក្តីត្រូវការ ដូចខ្ញុំនិយាយ មិញចឹង រឿងអ្នកនិយាយឲ្យវានិយាយទៅ ។ ឥឡូវថា នាំគ្នាធ្វើតេស្តម៉េច ទី១ សម្តេចអគ្គមហាសេនាបតីតេជោ ហ៊ុន សែន លោកឲ្យកូនរបស់លោកផ្ទាល់ នេះគឺជាសារមួយជូនទៅដល់ប្រជាពលរដ្ឋយើងទាំងមូល ខ្ញុំក៏ជាសាមួយ ឯកឧត្តមរដ្ឋមន្រ្តីក្រសួងការពារជាតិ ក៏ជាសារមួយ ដើម្បីបង្ហាញកងទ័ពយើងទាំងមូល ក៏ដូចជាប្រជាពលរដ្ឋយើងទាំងមូលនៅទូទាំងប្រទេស រឿងអ្នកឯងនិយាយវជតែនិយាយទៅ យើងមិនទៅឈឺក្បាលវិលមុខជាមួយទេ”។
សូមបញ្ជាក់ថា ការលើកឡើងរបស់នាយឧត្តមសេនីយ៍ វង្ស ពិសេន បានធ្វើឡើង ខណៈលោកបានអញ្ជើញចាក់វ៉ាក់សាំងបង្ការជំងឺកូវីដ-១៩ នៅមន្ទីរពេទ្យកេតុមាលា នារសៀលថ្ងៃទី១០ ខែកុម្ភៈ ឆ្នាំ២០២១ នេះ ហើយសម្រាប់ថ្ងៃ១០ ខែកុម្ភៈ នេះដែរ មានថ្នាក់ដឹកនាំមួយចំនួនរបស់កម្ពុជា ក៏ដូចជាកងទ័ព និងអ្នកសារព័ត៌មាន ដែលមានអាយុចន្លោះពី១៨ ទៅ៥៩ឆ្នាំ បានទៅចាក់វ៉ាក់សាំងបង្ការជំងឺកូវីដ-១៩ ដែលជាជំនួយរបស់រដ្ឋាភិបាលចិន។
ការទទួលវ៉ាក់សាំងបង្ការជំងឺកូវីដ-១៩ ឈ្មោះ សីណូហ្វាម (Sinopharm) ធ្វើឡើងតាមគោលការណ៍ស្ម័គ្រចិត្ត នៅទីតាំងចំនួន៤ រួមមាន៖ ទី១, មន្ទីរពេទ្យកាល់ម៉ែត សម្រាប់ឥស្សរជនជាទេសរដ្ឋមន្ត្រី រដ្ឋមន្ត្រី រដ្ឋលេខាធិការ ឬមានឋានៈស្មើ ទី២, មន្ទីរពេទ្យព្រះអង្គឌួង សម្រាប់ឥស្សរជន ជាអនុរដ្ឋលេខាធិការ ឬមានឋានៈស្មើ ទី៣, មន្ទីរពេទ្យមិត្តភាពខ្មែរ-សូវៀត សម្រាប់ឥស្សរជនជាអភិបាលនៃគណៈអភិបាលរាជធានី-ខេត្ត និងទី៤, មន្ទីរពេទ្យកុមារជាតិ សម្រាប់អ្នកសារព័ត៌មាន៕
កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង