ព័ត៌មានជាតិ
ពលរដ្ឋ ២០០ នាក់ ប្រមូលផ្ដុំគ្នាបិទផ្លូវ អះអាងថា ចាញ់បោកក្រុមហ៊ុនប៊្រីលាន ស៊ី ធី
ពលរដ្ឋប្រមាណជា ២០០ នាក់ នៅព្រឹកថ្ងៃទី ១២ ខែកុម្ភៈឆ្នាំ២០២៤ មកពីបណ្តាខេត្តផ្សេងៗដែលអះអាងថា ចាញ់បោកអ្នកស្រីឧកញ៉ា ឡេង ចាន់ណា ប្រធានក្រុមហ៊ុនប៊្រីលាន ស៊ី ធី បាននាំគ្នាបិទផ្លូវ ទាមទារសុំឲ្យម្ចាស់ក្រុមហ៊ុនចេញមកដោះស្រាយ ករណីការដាក់លុយបានការប្រាក់ច្រើន និងផ្ទះល្វែងទិញភ្លាម ចំណេញភ្លាម។
ពលរដ្ឋលើកឡើងថា ពួកគាត់ខ្លះធ្វើដំណើរតាមរថយន្តតាក់ស៊ី ខ្លះរថយន្តផ្ទាល់ខ្លួន បានមកជួបជុំគ្នានៅក្នុងក្រុមហ៊ុនប៊្រី លាន ស៊ីធី ផ្ទះល្វែង និងចងការប្រាក់ ដើម្បីឲ្យអ្នកស្រីឧកញ៉ា ឡេង ចាន់ណា ចេញមកដោះស្រាយចំពោះមុខអតិថិជន។
ពលរដ្ឋបន្តថា ពួកគាត់បានយកលុយមកដាក់ឲ្យទៅក្រុមហ៊ុន ដែលមានអ្នកខ្លះ ២ម៉ឺនដុល្លារ រហួតទៅ៥ម៉ឺនដុល្លារ គេនឹងឲ្យការប្រាក់ខ្ពស់ ក្នុង១ម៉ឺនដុល្លារ បានចំនួន ៤០០ ដុល្លារ នៃការប្រាក់ ការប្រាក់ទាំងអស់នោះឋិតថេរបានត្រឹមរយៈពេល៣ខែគត់ ក្រៅពីនោះបានត្រឹមសន្យាពីក្រុមហ៊ុន តែប៉ុណ្ណោះ។
រហូតពួកគាត់ទ្រាំលែងបាន ដោយបំណុលតគ្នា ធនាគារគេចេះតែសង្កត់ និងគំរាមគំហែងយកនេះយកនោះពីពួកគាត់ ការសន្យារបស់ក្រុមហ៊ុន មិនមានប្រសិទ្ធភាព ទើបពួកគាត់នាំគ្នាមកក្រុមហ៊ុនដើម្បីឲ្យម្ចាស់ក្រុមហ៊ុនចូលខ្លួនដោះស្រាយតាមកិច្ចសន្យា។
ពាក់ព័ន្ធនឹងករណីនេះ ពលរដ្ឋសំណូមពរឲ្យអាជ្ញាធរពាក់ព័ន្ធមេត្តាជួយរកយុត្តិធម៌ឱ្យពួកគាត់ផង ព្រោះពួកគាត់កំពុងតែមានទុក្ខយ៉ាងធ្ងន់។
នៅរសៀលថ្ងៃទី ១២ ខែកុម្ភៈឆ្នាំ២០២៤នេះ កម្ពុជាថ្មី មិនអាចសុំការពន្យល់ពីអ្នកស្រីឧកញ៉ា ឡេង ចាន់ណា ប្រធានក្រុមហ៊ុនប៊្រី លាន ស៊ី.ធី បានទេដោយពួកគាត់នាំគ្នាជិះឡានគេចចេញពីពលរដ្ឋក៏ដូចជាអាជ្ញាធរ។
សូមរម្លឹកថា កន្លងទៅគេឃើញបុគ្គលិក ជាអ្នកដើរគៀងគរ ផ្សព្វផ្សាយតាមលំនៅដ្ឋានបងប្អូនប្រជាពលរដ្ឋ មិនថាតាមក្រុង ខេត្ត ជនបទផងនោះទេ គឺគេសន្យាដាក់លុយនឹងបានការប្រាក់ខ្ពស់៕
អត្ថបទ៖ជុន កុសល
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
សេចក្ដីជូនដំណឹង១៣ ម៉ោង ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ