ព័ត៌មានជាតិ

សម្ដេចធិបតី ហ៊ុនម៉ាណែត អនុញ្ញាតឱ្យលោកឧបការីរដ្ឋមន្ត្រីក្រសួងការបរទេសអាមេរិក លោកKritenbrink ចូលជួបសម្ដែងការគួរសម

បានផុស

២ years មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

នាថ្ងៃទី២៦ ខែកុម្ភៈ ឆ្នាំ២០២៤ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអនុញ្ញាតឱ្យលោក Kritenbrink ឧបការីរដ្ឋមន្ត្រីក្រសួងការបរទេសសហរដ្ឋអាមេរិកនិងលោក Royal ឧបការីរងជាន់ខ្ពស់រដ្ឋមន្ត្រីក្រសួងការពារជាតិសហរដ្ឋអាមេរិក ទទួលបន្ទុកកិច្ចការសន្តិសុខនៅតំបន់ឥណ្ឌូប៉ាស៊ីហ្វិក ចូលជួបសម្ដែងការគួរសម និង ពិភាក្សាអំពីការធ្វើឲ្យទំនាក់ទំនងទ្វេភាគី សហរដ្ឋអាមេរិក កម្ពុជា មានភាពស៊ីជម្រៅ និងដើម្បីដោះស្រាយបញ្ហាដែលជាកង្វល់រួម នេះបើយោងតាមទំព័រហ្វេសបុកផ្លូវការរបស់ស្ថានទូតអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះភាគីទាំងពីរ បានពិភាក្សាអំពីកិច្ចសហប្រតិបត្តិការដែលកំពុងមាន ហើយលោកឧបការីរដ្ឋមន្ត្រីក្រសួងការបរទេស បានបញ្ជាក់ជំហរថា សហរដ្ឋអាមេរិកនៅតែមានការប្តេជ្ញាចិត្តចំពោះប្រជាជនកម្ពុជា និងបំណងប្រាថ្នារបស់គេ ក្នុងការចង់ឲ្យប្រទេសរបស់គេមានវិបុលភាព លទ្ធិប្រជាធិបតេយ្យ និងឯករាជ្យ ដែលក្នុងនោះ សំឡេងទាំងអស់ត្រូវបានគេស្តាប់ និងគោរព ហើយអធិបតេយ្យភាពរបស់កម្ពុជាត្រូវបានការពារ។

ជាមួយគ្នានេះដែរ លោកឧបការីរដ្ឋមន្ត្រីការបរទេស Kritenbrink ថែមទាំងបានជួបប្រាស្រ័យជាមួយយុវជនកម្ពុជា ក្នុងគម្រោងស្តីពីគំនិតផ្តួចផ្តើមនៃមេដឹកនាំយុវជនវ័យក្មេងនៅតំបន់អាស៊ីអាគ្នេយ៍ (YSEALI) ក្នុងន័យអបអរខួបលើកទី ១០ នៃកម្មវិធីផ្លាស់ប្តូរថ្នាក់តំបន់៕