ព័ត៌មានអន្ដរជាតិ
ស្ថានីយរថភ្លើងដែល ចិន គ្រោងសាងសង់ រងការរិះគន់ថា មានរាងដូចសំឡីអនាម័យ
គេហទំព័រ todayonline កាលពីថ្ងៃទី២១ ខែមេសានេះបានរាយការណ៍ដោយដកស្រង់ពីប្រព័ន្ធផ្សព្វផ្សាយសង្គមចិនកំពុងរិះគន់យ៉ាងដំណំ បន្ទាប់ពីស្ថានីយរថភ្លើងថ្មីក្នុងទីក្រុងណានជីង នៃខេត្ត Jiangsu គ្រោងនឹងសាងសង់ បែរជាមានរូបរាងស្រដៀងទៅនឹងសំឡីអនាម័យស្រ្តី។
កន្លងមក ចិនបានប្រកាសថាខ្លួនគ្រោងនឹងសាងសង់ស្ថានីយរថភ្លើងថ្មីនៅណានជីង ហើយបានបង្ហាញគំនូរព្រាងដែលបំផុសគំនិតដោយ Plum Blossom ដែលជាផ្កាតំណាងឲ្យទីក្រុង ប៉ុន្តែអ្នកលេងអ៊ីនធឺណិតចិនជាច្រើនបានបញ្ចេញមតិក្នុងទិសដៅដូចគ្នាថា រូបភាពដែលគេបានឃើញមិនដូចផ្កា Plum ទេ ប៉ុន្តែដូចជាសំឡីអនាម័យរបស់ស្រ្តីច្រើនជាង។
ក្នុងនោះផងដែរ មានមតិខ្លះបញ្ចេញទាំងអស់សំណើចថា បើទោះបីជាស្ថាបត្យករព្យាយាមបកស្រាយយ៉ាងណា តែចំពោះភ្នែកមហាជនគ្រប់គ្នាសុទ្ធតែមើលឃើញដូចៗគ្នាថា វាជារូបរាងសំឡីអនាម័យ ហើយម្នាក់ៗថែមទាំងចោតសួរទៅវិញថា អ្នកសាងសង់គិតអ្វី? ឬមួយគេចង់ប្រើវាជាឱកាសធ្វើយុទ្ធនាការឲ្យសង្គមយល់ដឹងពីបញ្ហាបញ្ចប់ភាពអៀនខ្មាសពេលមករដូវ?”
យោងតាមរបាយការណ៍ដដែលក៏បានបញ្ចាក់ទៀតថា ស្ថានីយ៍រថភ្លើងនេះត្រូវបានអនុម័តសម្រាប់ការសាងសង់ដោយ រដ្ឋាភិបាលនៃខេត្ត Jiangsu និងក្រុមហ៊ុនផ្លូវដែករដ្ឋចិន។ វាគ្រោងនឹងចាប់ផ្តើមសាងសង់នៅត្រីមាសទីពីរនៃឆ្នាំ ២០២៤ ជាមួយនឹងថវិកាសាងសង់ចំនួន ២០ ពាន់លានយន់ គ្របដណ្តប់លើផ្ទៃដីជាង ៣៧.៦គីឡូម៉ែត្រការ៉េ។
ទោះជាយ៉ាងណាក៏ដោយ នេះមិនមែនជាលើកទីមួយទេដែលស្ថាបត្យកម្មនៅក្នុងប្រទេសត្រូវបានរិះគន់ ដោយសារតែចិនមានប្រវត្តិនៃអគារដែលមានរូបរាងចម្លែកៗច្រើន ដែលបង្កឲ្យមានការជជែកដេញដោលតាមអ៊ីនធឺណិតជារឿយៗ។កន្លងមកអគារ CCTV ក្នុងទីក្រុងប៉េកាំង ក៏ធ្លាប់ត្រូវបានគេមើលឃើញថា មើលទៅដូចជាខោខ្លីរបស់អ្នកប្រដាល់ផងដែរ៕
អត្ថបទ៖ សាង ស្រីល័ក្ខ
ចុចអាន៖ចិន ជំរុញកិច្ចសហប្រតិបត្តិការជាមួយ កម្ពុជា លើវិស័យសំខាន់ៗចំនួន ៦
-
ចរាចរណ៍៥ ថ្ងៃ ago
បើករថយន្តវ៉ាជែងក្នុងស្ថានភាពគ្រោះថ្នាក់ ក្រឡាប់របួសធ្ងន់ស្រាលជាង១០នាក់
-
ព័ត៌មានជាតិ៤ ថ្ងៃ ago
កម្ពុជា អាចនឹងមានភ្លៀងធ្លាក់លាយឡំជាមួយខ្យល់កន្ត្រាក់ចាប់ពីថ្ងៃទី១៨ ដល់២០មេសា
-
ព័ត៌មានជាតិ៥ ថ្ងៃ ago
តួលេខផ្លូវការ ទេសចរដើរលេងចូលឆ្នាំមានជាង ២១ លាននាក់ និងខេត្តចំនួន ៥ ឈានមុខគេ
-
សន្តិសុខសង្គម៣ ថ្ងៃ ago
មកដឹងពីចម្លើយសារភាពរបស់ជនដៃដល់ដែលចាក់សម្លាប់នារីរងគ្រោះក្នុងបុរីឈូកវ៉ា២
-
ព័ត៌មានអន្ដរជាតិ៤ ថ្ងៃ ago
ក្រុមហ៊ុន Toyota នៅ ជប៉ុន ប្រមូលរថយន្ត Prius ជុំវិញពិភពលោក ចាប់ពីសេរ៊ីឆ្នាំ ២០២២ ឡើងទៅចូលរោងចក្រវិញ
-
សន្តិសុខសង្គម៤ ថ្ងៃ ago
ព័ត៌មានបឋម៖ ចូលចាក់សម្លាប់ស្ត្រីម្នាក់ដល់ក្នុងផ្ទះ រួចអារកសម្លាប់ខ្លួនឯងតាមក្រោយ
-
ព័ត៌មានអន្ដរជាតិ៤ ថ្ងៃ ago
ថៃ ខឹងចិត្ត ក្រោយម្ហូបរបស់ខ្លួនជាប់ឈ្មោះលេខ ១ ជាអាហារអន់បំផុតលើលោក
-
ព័ត៌មានជាតិ៥ ថ្ងៃ ago
រយៈពេល៣ថ្ងៃសង្ក្រាន្តបាត់ដំបងទទួលបានភ្ញៀវទេសចរជាង១លាននាក់