ព័ត៌មានអន្ដរជាតិ
អាមេរិកសួរ “លក់ឬក៏បិទ” តែ TikTok ឆ្លើយថា “អត់”
ក្រុមហ៊ុន ByteDance បានប្រកាសនៅលើបណ្ដាញសង្គមផ្លូវការរបស់ខ្លួនថា ក្រុមហ៊ុនមិនមានគម្រោងលក់ TikTok ដែលជាក្រុមហ៊ុនបុត្រសម្ព័ន្ធ ទៅឲ្យសហរដ្ឋអាមេរិកនោះឡើយ បើទោះជាមហាអំណាចមួយនេះចេញច្បាប់ថ្មីគំរាមបិទកម្មវិធី TikTok នៅលើទឹកដីខ្លួនក៏ដោយ។
ការបញ្ជាក់ច្បាស់ៗបែបនេះ ធ្វើឡើងបន្ទាប់ពីមានការចុះផ្សាយមួយចំនួនថា ByteDance កំពុងស្វែងរកជម្រើសលក់ TikTok ឲ្យអាមេរិក ដោយវិធីសមស្របណាមួយ។ “របាយការណ៍ប្រព័ន្ធផ្សព្វផ្សាយបរទេសទាំងនោះអំពី ByteDance លក់ TikTok គឺមិនពិតសោះឡើយ” នេះជាអ្វីដែលក្រុមហ៊ុន ByteDance បានប្រាប់។
គួររំឮកថា វិធានការច្បាប់ “លក់ឬក៏បិទ” TikTok ត្រូវបានចូលជាធរមានហើយកាលពីថ្ងៃ២៤ ខែមេសា ដោយមានការយល់ព្រមពីប្រធានាធិបតីអាមេរិកលោក ចូ បៃឌិន។ ចំណាត់ការនេះ ផ្តោតសំខាន់លើការព្រួយបារម្ភថា TikTok ប្រហែលជាលួចចែកចាយទិន្នន័យអ្នកប្រើប្រាស់ឲ្យទៅរដ្ឋាភិបាលចិន។
ក្នុងច្បាប់ថ្មីនេះ ByteDance មានពេលចំនួន៩ខែ ដើម្បីលក់ជំនួញរបស់ខ្លួនឲ្យទៅអាមេរិក។ បើមិនលក់នោះទេ TikTok នឹងត្រូវបិទមិនឲ្យប្រជាជនអាមេរិកប្រើនោះឡើយ។ មុនបិទ អាមេរិកនឹងទុកពេល៣ខែបន្ថែមទៀតទៅ TikTok ក្នុងការបញ្ចប់ជំនួញទាំងស្រុងរបស់ខ្លួន។
បើតាមរបាយការណ៍ទិន្នន័យនៅលើវិបសាយ Statista បានឲ្យដឹងថា បច្ចុប្បន្ន សហរដ្ឋអាមេរិកឈរនៅលេខរៀងទី១ ដែលមានអ្នកប្រើប្រាស់បណ្ដាញសង្គម TikTok ច្រើនជាងគេ។ ត្រឹមខែមករា ឆ្នាំ២០២៤ ទិន្នន័យបង្ហាញថា អ្នកប្រើ TikTok នៅអាមេរិក មានចំនួនជិត ១៥០លាននាក់ តាមពីក្រោយដោយ ឥណ្ឌូណេស៊ី (១២៦លាននាក់) និង ប្រេស៊ីល (៩៨លាននាក់)។ ដោយគ្រាន់តែអាមេរិកមួយ TikTok អាចរកបានចំណូលដល់ ១៦ពាន់លានដុល្លារឯណោះកាលពីឆ្នាំ២០២៣កន្លងទៅ៕
ដោយ៖ ឈាង
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៥ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ៥ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ