សេដ្ឋកិច្ច

ឥណ្ឌាវ៉ាដាច់គូប្រជែងនៅអាស៊ីផ្សេងទៀត ក្លាយជាមជ្ឈមណ្ឌលទិន្នន័យធំផុត បន្ទាប់ពីចិន

បានផុស

២ years មុន

នៅ

ថ្ងៃចន្ទ ៣ មិថុនា ២០២៤

ដោយ

របាយការណ៍ឧស្សាហកម្មថ្មី បានបង្ហាញថា ប្រទេសឥណ្ឌានឹងវ៉ាដាច់ជប៉ុន សិង្ហបុរី និងហុងកុង លើការវិនិយោគមជ្ឈមណ្ឌលទិន្នន័យ ដោយសារការប្តេជ្ញាចិត្តផ្តល់មូលនិធិសំខាន់ៗដោយក្រុមហ៊ុនយក្ស Amazon និងក្រុមហ៊ុនក្នុងស្រុកដូចជា Reliance Industries ជាដើម។ នេះបើតាមការចុះផ្សាយរបស់កាសែត Nikkei Asia ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការសិក្សាស្រាវជ្រាវរបស់ក្រុមហ៊ុនអចលនទ្រព្យ និងវិនិយោគអាមេរិក CBRE ប្រទេសឥណ្ឌានឹងបន្ថែមសមត្ថភាពមជ្ឈមណ្ឌលថ្មីរហូតដល់ ៨៥០ មេហ្គាវ៉ាត់ នៅក្នុងរយៈពេល ៣ ឆ្នាំរហូតដល់ឆ្នាំ ២០២៦។

បើមិនរាប់បញ្ចូលចិន ដែលនាំមុខគេ ការបន្ថែមសមត្ថភាពមជ្ឈមណ្ឌលទិន្នន័យនេះ នឹងធ្វើឱ្យឥណ្ឌានាំមុខគូប្រជែងក្នុងតំបន់ផ្សេងៗ រួមមានកូរ៉េខាងត្បូង ដែលគ្រោងបន្ថែម ៤៩៥ មេហ្គាវ៉ាត់ក្នុងរយៈពេលដូចគ្នា ជប៉ុន (៤០៧ មេហ្គាវ៉ាត់) និងអូស្រ្តាលី (៣១៤ មេហ្គាវ៉ាត់)។

គេមើលឃើញថា ភាពរីកចម្រើននៃវិស័យមជ្ឈមណ្ឌលទិន្នន័យឥណ្ឌា រីកចម្រើនកាន់តែខ្លាំងឡើង ដោយវត្តមានរបស់ក្រុមហ៊ុនបច្ចេកវិទ្យាពពក Amazon Web Services ដែលបានប្តេជ្ញាវិនិយោគ ១២,៧ ប៊ីលានដុល្លារក្នុងអាជីវកម្មកុំព្យូទ័រឥណ្ឌាត្រឹមឆ្នាំ ២០៣០ និងបានដំណើរការមជ្ឈមណ្ឌលទិន្នន័យនៅក្រុងបុមបៃ និងនៅក្រុងភាគខាងត្បូង Hyderabad ។

ក្រៅពីនេះ ក្រុមហ៊ុនផ្ដល់មជ្ឈមណ្ឌលទិន្នន័យ ST Telemedia Global Data Centres ដែលមានមូលដ្ឋាននៅសិង្ហបុរី ក៏បានដាក់ការវិនិយោគឱ្យបាន ៩០០ លានដុល្លារចូលទៅក្នុងប្រទេសឥណ្ឌានៅឆ្នាំ ២០៣៣។ ក្រុមហ៊ុនធំៗរបស់ឥណ្ឌាផ្សេងៗរួមមាន Adani Group និង Reliance Industries ក៏ចូលរួមប្រកួតលើវិស័យនេះផងដែរ។

គួរគូសបញ្ជាក់ថា តម្រូវការសម្រាប់ការប្រើប្រាស់ទិន្នន័យកំពុងកើនឡើងជាសកល ប៉ុន្តែល្បឿនកំណើនគឺលឿនខ្លាំងជាគេនៅឥណ្ឌា ដោយសារតែចំនួនប្រជាជនដ៏ច្រើន និងកំណើនសេដ្ឋកិច្ចលឿន។ អ្នកវិភាគបាននិយាយថា ការរីកដុះដាលនៃមជ្ឈមណ្ឌលទិន្នន័យរបស់ឥណ្ឌាគឺជៀសមិនរួចនោះទេ ដោយសារតែចំនួនប្រជាជនចេះប្រើអ៊ិនធឺណិតច្រើន ដែលជួយបង្កើនល្បឿននៃការប្រើប្រាស់ ពាណិជ្ជកម្មតាមអេឡិចត្រូនិក និងសេវាកម្មឌីជីថលផ្សេងទៀត។ ក្រៅពីនេះ ធនធានរបស់ប្រទេស ក៏ទាក់ទាញក្រុមហ៊ុនបច្ចេកវិទ្យានានាឱ្យដាក់ការិយាល័យរបស់ខ្លួននៅឥណ្ឌា៕

Related Topics:ប្រទេសឥណ្ឌា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា