ព័ត៌មានជាតិ

អាកាសយានដ្ឋានបាត់ដំបង ក្លាយជាកន្លែងលំហែនាពេលល្ងាច

បានផុស

២ years មុន

នៅ

ថ្ងៃចន្ទ ១០ មិថុនា ២០២៤

ដោយ

ក្នុងទីធ្លាអាកាសយាន្តដ្ឋានបាត់ដំបងបច្ចុប្បន្ន បានក្លាយជាកន្លែងដែលប្រជាពលរដ្ឋចាប់អារម្មណ៍ទៅលេងកម្សាន្តយ៉ាងកកកុញពិសេសនៅពេលល្ងាច ដើម្បីស្រូបខ្យល់អាកាស ជួបជុំញុំាអាហារ និងលេងកីឡាជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តបាត់ដំបង ជាខេត្តមួយក្នុងចំណោមបណ្តាខេត្តនានាដែលល្បីល្បាញទីតាំងទេសចណ៍ មានទាំងទេសចរណ៍បែបវប្បធម៌ ប្រវត្តិសាស្រ្ត និងទេសចរណ៍កែច្នៃ ដែលបានទាក់ទាញភ្ញៀវទេសចររាប់លាននាក់ទៅលេងកម្សាន្តក្នុងមួយឆ្នាំៗ។ ដោយឡែក នាពេលនេះទីធ្លានៅក្នុងបរិវេណអាកាសយានដ្ឋានខេត្តបាត់ដំបង កំពុងក្លាយជាកន្លែងទេសចរណ៍មួយទៀតសម្រាប់ពលរដ្ឋក្នុងខេត្ត ព្រោះនៅពេលល្ងាចតែងតែមានពលរដ្ឋនាំគ្នាទៅលេងកម្សាន្តយ៉ាងច្រើនកុះករ។

ពលរដ្ឋដែលទៅដើរកម្សាន្តភាគច្រើនជាលក្ខណៈគ្រួសារ ខ្លះនាំកូនចៅ សាច់ញាតិ ទៅក្រាលកន្ទេល អង្គុយលេងញ៉ាំអាហារ ដោយអង្គុយឃ្លាតៗពីគ្នា ដោយសារ ទីតាំងនេះមានទីធ្លាធំទូលាយ និង ខ្លះលេងកីឡា ដើរ រត់ និង ជិះកង់ជាដើម។

អាកាសយានដ្ឋានបាត់ដំបង បានបើកដំណើរការដំបូង កាលពីឆ្នាំ១៩៦៧ ហើយត្រូវបានបិទដំណើរការទាំងស្រុងត្រឹម ឆ្នាំ១៩៧៥ ខណៈដែលរបបខ្មែរក្រហមកាន់កាប់អំណាច។ ក្រោយពីរបបខ្មែរក្រហមបានដួលរលំ ព្រលានយន្តហោះខេត្តបាត់ដំបង បានបើកដំណើរការឡើងវិញ ប៉ុន្តែបម្រើឱ្យតែវិស័យអាកាសចរណ៍យោធាប៉ុណ្ណោះ ក្រោយមកទៀតនាអំឡុងឆ្នាំ១៩៩១ ចំណតអាកាសយានដ្ឋាននេះបានបិទដំណើរការរហូតមកដល់បច្ចុប្បន្ន៕