Park Seo Joon ប្រាប់ថា ការសម្ដែងភាពយន្តធ្វើឲ្យលោកមានទំនុកចិត្ត និងក្លាហាន

កាលពីថ្ងៃទី ០៧ ខែតុលា ប៉ុស្តិ៍ YouTube ‘Sung Si Kyung បានបង្ហាញវីដេអូមួយដែលមានចំណងជើងថា Sung Si Kyung’s Meeting Park Seo Joon ដែលមានតារាប្រុស Park Seo Joon ជាអ្នកផ្ដល់បទសម្ភាសន៍ប្រាប់អំពីរឿងរ៉ាវកាលពីមុន។

នៅក្នុងវីដេអូនោះ តារាប្រុសវ័យ៣៥ឆ្នាំបានចែករំលែកថា គាត់បានសម្រេចចិត្តបន្តការសម្ដែងកំឡុងពេលរៀននៅវិទ្យាល័យដំបូងរបស់ខ្លួន ដោយនិយាយថា កាលមុនខ្លួនជាមនុស្សខ្មាស់អៀនខ្លាំងណាស់កាលនៅក្មេង។ ជាពិសេសលោក​មិន​អាច​និយាយ​នៅ​ចំពោះ​មុខ​អ្នក​ដទៃ​បាន​ ហើយ​មាន​អារម្មណ៍​ថា​ដូច​ជា​មនុស្ស​ល្ងង់ម្នាក់យ៉ាងដូច្នោះ។

ទន្ទឹមនោះដែរ Park Seo Joon ក៏បានបើកចំហអំពីការត្រូវគេធ្វើបាបដោយបន្ថែមថា នៅទីបញ្ចប់ «​ខ្ញុំគិតថាអ្វីៗទាំងអស់មកលើការគោរពខ្លួនឯង និងទំនុកចិត្ត។ ពេល​នោះ ខ្ញុំ​ខ្វះ​ទំនុក​ចិត្ត​ព្រោះ​ខ្ញុំ​គិត​ថា​ខ្ញុំ​មិន​មាន​អ្វី​ពិសេស។ ប៉ុន្តែ​ពេល​ខ្ញុំ​ចាប់​ផ្ដើម​សម្ដែង ខ្ញុំ​មាន​ទំនុក​ចិត្ត ។ ការ​សម្ដែង​បាន​ជួយ​លោក​ឲ្យ​មាន​តម្លៃ​លើ​ខ្លួន​ឯង​ឡើង​វិញ។ ខ្ញុំមានអារម្មណ៍ថាមានជីវិតនៅពេលខ្ញុំសម្តែង ។ វា​មាន​អារម្មណ៍​ថា​ខ្ញុំ​ជា​មនុស្ស​តែ​ម្នាក់​គត់​នៅ​លើ​ពិភពលោក ដូច​ជា​ខ្ញុំ​នៅ​កន្លែង​ផ្សេង​គ្នា ហើយ​នោះ​ជា​អ្វី​ដែល​ធ្វើ​ឲ្យខ្ញុំ​បន្ត​សម្ដែង ខ្ញុំ​ញៀន​នឹង​អារម្មណ៍​នោះ»។

មិនត្រឹមតែប៉ុណ្ណឹងទេ តួឯកប្រុសក្នុងរឿង Itaewon Class បានបញ្ចាក់បន្ថែមទៀតដោយធ្វើការរៀបរាប់ពីភាពស្និទ្ធស្នាលរបស់គាត់ជាមួយ V (Taehyung) ដោយនិយាយថា “ចាប់តាំងពីខ្ញុំស្និទ្ធស្នាលជាមួយ Taehyung សមាជិកក្រុម BTS គ្រប់ពេលដែលខ្ញុំទៅការប្រគំតន្ត្រីរបស់គាត់ មានអ្នកគាំទ្រច្រើនមិនគួរឲ្យជឿ។ ជាអ្នកចម្រៀងត្រូវតែមានអារម្មណ៍នៅលើឆាកគឺជាអ្វីដែលខ្ញុំមិនធ្លាប់ជួបប្រទះក្នុងជីវិតរបស់ខ្ញុំ ដូច្នេះខ្ញុំចង់ដឹងថាតើអារម្មណ៍នោះទៅជាយ៉ាងណា។

យ៉ាងណា មតិនេះបានទាក់ទាញការចាប់អារម្មណ៍យ៉ាងខ្លាំងពីសំណាក់អ្នកគាំទ្រ Park Seo Joon ដោយម្នាក់ៗបានជំរុញឲ្យលោកកាន់តែក្លាហានជាងមុន។ ជាពិសេសអ្នកគាំទ្រក៏មនាការលើកទឹកចិត្តយ៉ាងខ្លាំងក្លាចំពោះលោកថា នោះហើយជាអ្វីដែលមនុស្សគ្រប់គ្នាត្រូវតែមុះមុតដើរចេញពីតំបន់ដែលធ្វើឲ្យយើងខ្មាសអៀន។

គួរបញ្ចាក់ថា Park Seo Joon បានបង្ហាញខ្លួនជាលើកដំបូងក្នុងឆ្នាំ ២០១១ ដោយបង្ហាញខ្លួនក្នុងវីដេអូចម្រៀង ហើយបានចាប់ផ្តើមអាជីពសម្តែងជាផ្លូវការជាមួយនឹងរឿងភាគ KBS2 ឆ្នាំ ២០១២ ‘Dream High 2។ ស្នាដៃគួរឲ្យកត់សម្គាល់មួយចំនួនរបស់គាត់រួមមានរឿងភាគ​ Kill Me, Heal Me,’ ‘What’s Wrong with Secretary Kim,’ ‘Itaewon Class,’ និង ‘Gyeongseong Creature’ (វគ្គ១និង២), ព្រមទាំងរឿង ‘Parasite’ និង ‘Concrete Utopia៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖Jiyeon ក្រុម T-ara នឹងបង្ហាញខ្លួនលើកដំបូង បន្ទាប់ពីមានព័ត៌មានលែងលះស្វាមី