ព័ត៌មានជាតិ
មន្ត្រីជាន់ខ្ពស់អប់រំ ៖ បច្ចេកវិទ្យាឌីជីថល ក្លាយជាកាតាលីករជំរុញកំណើនសេដ្ឋកិច្ច
មន្ត្រីជាន់ខ្ពស់ នៃក្រសួងអប់រំ យុវជន និងកីឡា បានលើកឡើងថា បច្ចេកវិទ្យាឌីជីថល កំពុងបោះជំហានយ៉ាងលឿន ហើយបានក្លាយជាកាតាលីករក្នុងការជំរុញកំណើនសេដ្ឋកិច្ច។
ថ្លែងក្នុងពិធីកម្មវិធីប្រកួតប្រជែងស្នាដៃយុវជនសតវត្សទី ២១ ឆ្នាំ ២០២៤ ក្រោមប្រធានបទ “STEM ក្នុងវិស័យថាមពលបៃតង” លោក ម៉ិល ផនសីហា ប្រធាននាយកដ្ឋានអប់រំ យុវជន និងកុមារ នៃអគ្គនាយកដ្ឋានយុវជន ក្រសួងអប់រំ យុវជន និងកីឡា បានមានប្រសាសន៍ថា «ខ្ញុំសូមក្រើនរំឭកដល់ប្អូនៗ យុវជនទាំងអស់ បច្ចុប្បន្ននេះ បច្ចេកវិទ្យាឌីជីថល កំពុងបោះជំហានយ៉ាងលឿន ហើយបានក្លាយជាកាតាលីករក្នុងការជំរុញកំណើនសេដ្ឋកិច្ច។ ទោះស្ថិតក្នុងកាលៈទេសៈណា ក៏បច្ចេកវិទ្យាឌីជីថលអាចមានសក្តានុពលខ្ពស់ និងទូលំទូលាយក្នុងការផ្តល់លទ្ធភាពឱ្យប្រទេសមួយអាចមានសេដ្ឋកិច្ចលូតលាស់ ឬអភិវឌ្ឍន៍បានយ៉ាងឆាប់រហ័ស និងប្រែក្លាយពីប្រទេសដែលពឹងផ្អែកលើឧស្សាហកម្មប្រពៃណី ទៅជាឧស្សាហកម្មទំនើបក្នុងរយៈពេលដ៏ខ្លីបាន។ ក្នុងនោះការសិក្សាមុខវិជ្ជា STEM (Science-វិទ្យាសាស្ត្រ, Technology-បច្ចេកវិទ្យា, Engineering-វិស្វកម្ម, Mathematic-គណិតវិទ្យា) បាននិងកំពុងដើរតួនាទីយ៉ាងសំខាន់ក្នុងការងារនេះ»។
លោក បានសង្ឃឹមថា បេក្ខជនទាំងអស់ នឹងប្រើប្រាស់សមត្ថភាពទេពកោសល្យឱ្យអស់ពីលទ្ធភាព ដើម្បីប្រកួតប្រជែងដណ្ដើមយកជ័យលាភីលេខ ១ លេខ ២ និងលេខ ៣ សម្រាប់ឆ្នាំ ២០២៤។ តែទោះយ៉ាងណា សូមកុំផ្តោតតែទៅលើការជាប់ធ្លាក់ ត្រូវចំណាយពេលវេលាដ៏ខ្លីនេះ ជាអនុស្សាវរីយ៍ និងជាការចងចាំដ៏ល្អសម្រាប់យើងទាំងអស់គ្នា ដូចជា ការបង្កើតទំនាក់ទំនងល្អរវាងយុវជនមកពីគ្រប់មជ្ឈដ្ឋាន ការចែករំលែកបទពិសោធ ចំណេះដឹង ចំណេះធ្វើ រួមមាន បំណិនការងារជាក្រុម ភាពជាអ្នកដឹកនាំ ភាពអត់ធ្មត់ ភាពជឿជាក់លើខ្លួនឯង ដែលអាចក្លាយជាទុនសម្រាប់ប្អូនៗ ទាំងអស់គ្នា យកទៅប្រើប្រាស់ជាប្រយោជន៍សម្រាប់ការរស់នៅប្រចាំថ្ងៃ។
គួរបញ្ជាក់ថា កម្មវិធីប្រកួតប្រជែងស្នាដៃយុវជនសតវត្សទី ២១ ប្រព្រឹត្តទៅចាប់ពីថ្ងៃទី ០២ ដល់ថ្ងៃទី ០៤ ខែវិច្ឆិកា ឆ្នាំ ២០២៤ ក្នុងគោលបំណង (១) ជំរុញសិស្សានុសិស្ស លោកគ្រូ-អ្នកគ្រូ ឱ្យបង្កើនការយកចិត្តទុកដាក់កាន់តែខ្លាំងលើការសិក្សា និងស្រាវជ្រាវមុខជំនាញទាក់ទងនឹងវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) (២) លើកទឹកចិត្តយុវជនឱ្យមានគំនិតផ្ដួចផ្ដើមបង្កើតថ្មី និងច្នៃប្រឌិត និង (៣) ផ្តល់ឱកាសឱ្យយុវជនបានចែករំលែកបទពិសោធ និងបង្ហាញស្នាដៃរបស់ខ្លួនទៅដល់យុវជនដទៃទៀត៕
អត្ថបទ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានអន្ដរជាតិ៥ ម៉ោង agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត