ព័ត៌មានអន្ដរជាតិ
រុស្ស៊ីបិទព្រលានយន្តហោះ៤កន្លែងនៅមូស្គូដោយបញ្ហាសន្តិសុខ ខណៈសង្គ្រាមកាន់តែកញ្ជ្រោលខ្លាំង
រុស្ស៊ីដែលកំពុងធ្វើសង្គ្រាមជាមួយអ៊ុយក្រែនកាន់តែខ្លាំងក្នុងចុងឆ្នាំ២០២៤នេះ បានផ្អាកប្រតិបត្តិការជាបណ្ដោះអាសន្នទីតាំងអាកាសយានដ្ឋានចំនួនបួនកន្លែងក្នុងមូលដ្ឋានទីក្រុងមូស្គូ ខណៈវាជាសកម្មភាពដែលមិនធ្លាប់មានពីមុនមក និងបង្ហាញពីការកើនឡើងនៃជម្លោះអ៊ុយក្រែនចូលទៅក្នុងទឹកដីរុស្ស៊ី។
ទីភ្នាក់ងារដឹកជញ្ជូនផ្លូវអាកាសសហព័ន្ធ (Rosaviatsia) បានបញ្ជាឱ្យបិទអាកាសយានដ្ឋាន Sheremetyevo, Domodedovo, Vnukovo និង Zhukovsky របស់ទីក្រុងមូស្គូ រួមជាមួយនឹងអាកាសយានដ្ឋាន Kaluga ដែលស្ថិតនៅចម្ងាយប្រហែល១៦១គីឡូម៉ែត្រភាគនិរតីនៃរដ្ឋធានីនេះ ប៉ុន្តែក្រោយមក អាកាសយានដ្ឋាន Kaluga បានដំណើរការឡើងវិញបន្ទាប់ពីការបិទក្នុងរយៈពេលខ្លី។
ការបិទនេះធ្វើឡើងស្របពេលជាមួយនឹងរបាយការណ៍នៃការពង្រឹងសកម្មភាពការពារដែនអាកាសនៅទូទាំងតំបន់ជាច្រើនរបស់រុស្ស៊ី។ មន្ត្រីក្នុងតំបន់ Kursk បានរាយការណ៍ថា បានស្ទាក់ចាប់មីស៊ីលរបស់អ៊ុយក្រែនចំនួន ៣ គ្រាប់ ខណៈសំឡេងស៊ីរ៉ែនវាយប្រហារតាមអាកាសបានបន្លឺឡើងនៅ Oryol, Sevastopol នៅ Crimea និង Taganrog ក្នុងតំបន់ Rostov ជាប់ព្រំដែនអ៊ុយក្រែន។
ជាមួយគ្នានេះការបិទព្រលានយន្តហោះក៏បានស្របពេលដែលមានការធ្លាក់យន្តហោះនៅ អាស៊ែបៃហ្សង់ នាពេលថ្មីៗនេះ សម្លាប់អ្នកដំណើរ ៣៨ នាក់ក្នុងចំណោម ៦៧ នាក់ផងដែរ។ លោក Matthew Borie ប្រធានផ្នែកចារកម្មនៅ Osprey Flight Solutions បានលើកឡើងថា ឧបទ្ទវហេតុនេះអាចពាក់ព័ន្ធនឹងប្រព័ន្ធការពារដែនអាកាសរបស់រុស្ស៊ី ទោះបីជាវិមានក្រឹមឡាំងប្រឆាំងនឹងលើកឡើងបែបនេះក៏ដោយ។
គួរបញ្ជាក់ថា អ៊ុយក្រែនបានបង្ហាញសមត្ថភាពកាន់តែខ្លាំងក្នុងការវាយប្រហារក្នុងទឹកដីរុស្ស៊ី ដោយកាលពីខែមុនវាបានវាយប្រហារដ៏ធមបំផុតដោយប្រើយន្តហោះគ្មានមនុស្សបើកលើទីក្រុងមូស្គូ ចាប់តាំងពីការកើនឡើងនៃសង្រ្គាមនៅឆ្នាំ ២០២២។ ទោះយ៉ាងណាជនស៊ីវិលអ៊ុយក្រែនបានប្រឈមមុខនឹងបញ្ហាជាច្រើនពីការវាយប្រហាររបស់រុស្ស៊ីដែរ ដោយការវាយប្រហាររបស់រុស្ស៊ីលើហេដ្ឋារចនាសម្ព័ន្ធថាមពលបានធ្វើឱ្យមនុស្សជាច្រើនមិនមានថាមពលប្រើប្រាស់ក្នុងអំឡុងពេលប្រារព្ធពិធីបុណ្យណូអែលកាលពីថ្ងៃពុធ ហើយជម្លោះដែលកំពុងបន្តនេះកំពុងប៉ះពាល់ដល់មនុស្សធម៌។
គួររម្លឹកថាសង្រ្គាមរុស្ស៊ី-អ៊ុយក្រែនដែលបានចាប់ផ្តើមជាមួយនឹងការលុកលុយរបស់រុស្ស៊ីក្នុងឆ្នាំ ២០២២ នៅតែបន្តកើនឡើងដោយភាគីទាំងពីរបង្ហាញពីការពង្រឹងសមត្ថភាពយោធា និងការផ្លាស់ប្តូរយុទ្ធសាស្ត្ររបស់ពួកគេដើម្បីវាយប្រហារក្នុងជម្លោះ៕
អត្ថបទ៖ ប៊ុន សុភាព
-
សន្តិសុខសង្គម៦ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៤ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៣ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៥ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ៣ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានជាតិ៧ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
កីឡា៣ ថ្ងៃ agoអ្នកគាំទ្រប្រមាណ ៧ ពាន់នាក់ទស្សនាការប្រកួតមិត្តភាព រវាងក្រុមតារាកម្ពុជា និងសសយក ខេត្តបន្ទាយមានជ័យ