ព័ត៌មានជាតិ

អាជ្ញាធរខណ្ឌទួលគោក បន្តចុះរៀបចំសណ្ដាប់ធ្នាប់កំណាត់ផ្លូវ ជុំវិញមន្ទីរពេទ្យកុមារជាតិ

បានផុស

១ year មុន

នៅ

ថ្ងៃសុក្រ ១០ មករា ២០២៥

ដោយ

កម្លាំងគណៈបញ្ជាការឯកភាពខណ្ឌទួលគោក បានបន្តចុះរៀបចំសណ្ដាប់ធ្នាប់ និងចងខ្សែព័ទ្ធនៅកំណាត់ផ្លូវជុំវិញមន្ទីរពេទ្យកុមារជាតិ មិនអនុញ្ញាតឲ្យមានការចត ឬ តាំងលក់រំលោភលើចិញ្ចើមផ្លូវនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីព្រឹកថ្ងៃទី ១០ ខែមករា ឆ្នាំ ២០២៥ នេះ គណៈបញ្ជាការឯកភាពខណ្ឌទួលគោក ដឹកនាំដោយ លោក ស៊ឹម សុផង់ អភិបាលរងខណ្ឌទួលគោក បានចុះរៀបចំសណ្ដាប់ធ្នាប់នៅកំណាត់ផ្លូវលេខ ២៥៣ ផ្លូវលេខ ១២២ និងផ្លូវលេខ ២៥៧ ជុំវិញមន្ទីរពេទ្យកុមារជាតិ មូលដ្ឋានសង្កាត់ទឹកល្អក់ទី ១ ខណ្ឌទួលគោក។

លោក ស៊ឹម សុផង់ បានឲ្យដឹងថា កន្លងទៅ នៅកំណាត់ផ្លូវជុំវិញមន្ទីរពេទ្យកុមារជាតិនេះ កម្លាំងគណៈបញ្ជាការឯកភាពបានចុះរៀបចំ និងចងខ្សែ ម្ដងទៅពីរដងរួចមកហើយ។ តែអាជ្ញាធរមានភារកិច្ចរៀបចំកំណាត់ផ្លូវផ្សេងៗ ទៀត ដូច្នេះត្រូវបានប្រជាពលរដ្ឋ ក៏ដូចជាជនឆ្លៀតឱកាសយករថយន្តមកចត ក៏ដូចជាការតាំងលក់របស់របរនៅកំណាត់ផ្លូវជុំវិញមន្ទីរពេទ្យកុមារជាតិនេះឡើងវិញ។

លោកអភិបាលរង បានបញ្ជាក់ថា កម្លាំងគណៈបញ្ជាការឯកភាពមិនអនុញ្ញាតឲ្យមានការតាំងលក់ធ្វើឲ្យបាត់បង់សណ្ដាប់ធ្នាប់ បរិស្ថានអនាម័យ តាមផ្លូវសាធារណៈបន្តទៀតនោះឡើយ ដូច្នេះអាជ្ញាធរចុះនៅព្រឹកមិញនេះគឺបានចងខ្សែព័ទ្ធ ករណីនៅបន្តមានអ្នកមកចត ឬ តាំងលក់របស់របរទំនិញអ្វីទៀត នោះអាជ្ញាធរនឹងចាត់វិធានការរដ្ឋបាល។

ជាចុងក្រោយអាជ្ញាធរខណ្ឌទួលគោក សំណូមពរដល់ប្រជាពលរដ្ឋ ក៏ដូចជាអ្នកប្រកបអាជីវកម្មទាំងអស់ ចូលរួមសហការជាមួយអាជ្ញាធរ ដើម្បីរក្សាចិញ្ចើមផ្លូវ បរិស្ថានអនាម័យ សណ្ដាប់ធ្នាប់ ឲ្យមានរបៀបរៀបរយ៕

អត្ថបទ ៖ ម៉េង

Related Topics:សណ្ដាប់ធ្នាប់ខណ្ឌទួលគោក

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា