ព័ត៌មានជាតិ

ក្រសួងអប់រំ យុវជន និងកីឡា បើកវគ្គបណ្តុះបណ្តាលស្តីពីការប្រឆាំងសារធាតុដូប៉ាក្នុងវិស័យកីឡា

បានផុស

១ year មុន

នៅ

ថ្ងៃអង្គារ ១១ មីនា ២០២៥

ដោយ

មជ្ឈមណ្ឌលហ្វឹកហ្វឺនកីឡាកាលម្សិលមិញនេះ លោកស្រី គឹម សេដ្ឋានី លោក វ៉ាត់ ចំរើន បានអញ្ជើញជាអធិបតីភាពបើកវគ្គបណ្តុះបណ្តាលស្តីពីការប្រឆាំងសារធាតុដូប៉ា ក្នុងវិស័យកីឡារយៈពេល ៥ថ្ងៃដល់សិក្ខាកាម ៧៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី គឹម សេដ្ឋានី

លោកស្រី គឹម សេដ្ឋានី រដ្ឋលេខាធិការប្រចាំការ នៃក្រសួងអប់រំ យុវជន បានឲ្យដឹងថា វគ្គបណ្ដុះបណ្ដាលនេះធ្វើឡើងតាមគោលការណ៍កំណត់របស់ក្រមប្រឆាំងដូប៉ាអន្តរជាតិដែលតម្រូវឲ្យគ្រូបង្វឹក កីឡា និងអត្តពលិកទាំងអស់ នៃប្រទេសហត្ថលេខីបានសិក្សាស្វែងយល់អំពីការប្រឆាំងដូប៉ា ក្នុងវិស័យកីឡា និងទទួលបានវិញ្ញាបនបត្របញ្ជាក់អាដែល (ADEL) ទើបមានសិទ្ធស្របច្បាប់នៅក្នុងការចូលរួមប្រកួតជាលក្ខណៈអន្តរជាតិ។

លោក វ៉ាត់ ចំរើន

លោកស្រីបន្ថែមទៀតថា សិក្ខាកាមដែលបានមកសិក្សានៅពេលនេះសូមចែករំលែកបន្តដល់អ្នករួមអាជីព មន្ត្រីសហព័ន្ធ គ្រូបង្វឹក កីឡាករ ដើម្បីឲ្យទទួលបាននូវចំណេះដឹង និងអនុវត្តន៍បានជោគជ័យគ្រប់ភាគីពាក់ព័ន្ធទាំងអស់គ្នា។ ពិសេសនោះការត្រៀមលក្ខណៈឲ្យបានល្អសម្រាប់ការប្រកួតស៊ីហ្គេម លើកទី៣៣ ឯប្រទេសថៃនៅចុងឆ្នាំ២០២៥ នេះតែម្ដង។

បញ្ជាក់ដែរថា វគ្គបណ្ដុះបណ្ដាលស្ដីពីការប្រឆាំងសារធាតុដូប៉ា ក្នុងវិស័យកីឡានេះរៀបចំឡើងរយៈពេល ៥ថ្ងៃ ចាប់ពីថ្ងៃទី១០ ដល់ ១៤ ខែមីនា ឆ្នាំ២០២៥ ដែលមានសិក្ខាកាមចូលរួមសរុបចំនួន ៧៥នាក់ ជាគ្រូបង្វឹក មន្ត្រីកីឡា និងតំណាងសហព័ន្ធកីឡាជាតិចំនួន ៣៧នាក់៕