ព័ត៌មានអន្ដរជាតិ
ហ៊ូធី បាញ់មីស៊ីលដាក់អ៊ីស្រាអែល ក្រោយហ្គាហ្សាផ្ទុះអាវុធឡើងវិញស្លាប់មនុស្សជាង៤០០នាក់
ជាការឆ្លើយតបទៅនឹងការវាយប្រហារតាមអាកាសរបស់អ៊ីស្រាអែលទៅលើតំបន់ហ្គាហ្សាដែលបណ្តាលឲ្យមានជនជាតិប៉ាឡេស្ទីនស្លាប់ជាង៤០០នាក់ ក្រុមឧទ្ទាមហ៊ូធី បានបាញ់មីស៊ីលផ្លោងមួយគ្រាប់សំដៅទៅចំកណ្ដាលប្រទេសអ៊ីស្រាអែល កាលពីថ្ងៃអង្គារទី១៨ខែមីនាឆ្នាំ២០២៥។
មីស៊ីលដែលបាញ់ចេញពីប្រទេសយេម៉ែន បានបង្កជាសំឡេងស៊ីរ៉ែនវាយប្រហារតាមអាកាសនៅក្នុងទីក្រុង Tel Aviv និងតំបន់ជុំវិញ ដោយធ្វើឲ្យអ្នកនៅទីនោះត្រូវស្វែងរកទីជម្រកសុវត្ថិភាពជាបន្ទាន់។ យ៉ាងណាមិញ ខែលដែនអាកាសរបស់អ៊ីស្រាអែល (IAF) បានស្ទាក់ចាប់មីស៊ីលមួយគ្រាប់នោះជាប់ មុនពេលដែលវាអាចបណ្តាលឲ្យមានការខូចខាត ឬបាត់បង់ជីវិតមនុស្ស។
នេះជាការវាយប្រហារលើកដំបូងទៅលើអ៊ីស្រាអែលពីក្រុមហ៊ូធី ចាប់តាំងពីបទឈប់បាញ់នៅក្នុងសង្គ្រាមអ៊ីស្រាអែលនិងក្រុមហាម៉ាសនៅតំបន់ហ្គាហ្សាបានចូលជាធរមាននៅថ្ងៃទី១៩ខែមករា។
ហ៊ូធី ដែលគាំទ្រដោយអ៊ីរ៉ង់ ហើយធ្លាប់បានកំណត់គោលដៅលើអ៊ីស្រាអែលពីមុនៗមក បានថ្កោលទោសការវាយប្រហារជាថ្មីរបស់អ៊ីស្រាអែលលើតំបន់ហ្គាហ្សា ដោយប្ដេជ្ញាថានឹងបង្កើនការគាំទ្ររបស់ពួកគេសម្រាប់ប៉ាឡេស្ទីន។ កាលពីដើមខែមីនា ក្រុមហ៊ូធី បានគំរាមវាយប្រហារនាវាអ៊ីស្រាអែលនៅលើសមុទ្រក្រហម។
ការវាយប្រហារថ្មីៗរបស់អ៊ីស្រាអែល គឺជាការវាយប្រហារដ៏សាហាវបំផុតចាប់តាំងពីបទឈប់បាញ់បានអនុវត្ត ដែលបណ្តាលឲ្យមានអ្នកស្លាប់ជាង ៤០០នាក់នៅទូទាំងតំបន់ហ្គាហ្សា។ នេះបើយោងតាមក្រសួងសុខាភិបាលដែលគ្រប់គ្រងដោយក្រុមហាម៉ាស។
ក្រុមហ៊ូធី តែងតែបង្ហាញពីការប្រឆាំងនឹងសហរដ្ឋអាមេរិក និងអ៊ីស្រាអែល ហើយបានធ្វើការវាយប្រហារដោយយន្តហោះគ្មានមនុស្សបើក និងមីស៊ីលជាច្រើនលើកច្រើនដងនៅលើទឹកដីអ៊ីស្រាអែល និងនាវាឆ្លងកាត់សមុទ្រក្រហម ក្នុងអំឡុងពេលជម្លោះតំបន់ហ្គាហ្សា ដោយបង្ហាញពីការគាំទ្ររបស់ពួកគេចំពោះប៉ាឡេស្ទីន៕
ដោយ៖ ឈាង
ចុចអាន៖ មួយថ្ងៃសម្លាប់មនុស្សជាង៤០០នាក់ហើយ តែលោក Netanyahu ថា នេះគ្រាន់ជាការចាប់ផ្តើមប៉ុណ្ណោះ
-
សន្តិសុខសង្គម៧ ថ្ងៃ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ១៩ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១៩ ម៉ោង agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា