ព័ត៌មានអន្ដរជាតិ

ថៃព្រាងច្បាប់ ជំរុញការអភិវឌ្ឍគម្រោងស្ពានដីគោកភាគខាងត្បូង

បានផុស

៤ ខែ មុន

នៅ

ថ្ងៃចន្ទ ២៤ មីនា ២០២៥

ដោយ

ក្រសួងដឹកជញ្ជូនបានបង្ហាញសេចក្តីព្រាងច្បាប់ ដើម្បីបង្កើតតំបន់សេដ្ឋកិច្ចពិសេសភាគខាងត្បូងដែលនឹងត្រួសត្រាយផ្លូវសម្រាប់គម្រោងស្ពានដីគោកថៃ (Land Bridge) តម្លៃរាប់ពាន់លានដុល្លារ ដែលតភ្ជាប់សមុទ្រអង់ដាម៉ង់ និងឈូងសមុទ្រថៃ។ នេះបើតាមការចុះផ្សាយរបស់សារព័ត៌មាន Bloomberg។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីព្រាងច្បាប់ នឹងបង្កើតគណៈកម្មការដើម្បីពន្លឿនការអភិវឌ្ឍន៍ច្រករបៀងសេដ្ឋកិច្ចភាគខាងត្បូង (SEC) នៅក្នុងខេត្ត Chumphon ខេត្ត Ranong ខេត្ត Surat Thani និងខេត្ត Nakhon Si Thammarat ជាដើម។ នេះបើយោងតាមសេចក្តីថ្លែងការណ៍របស់ក្រសួង។

រដ្ឋមន្ត្រីក្រសួងដឹកជញ្ជូន លោក Suriya Jungrungreangkit បាននិយាយមុននេះថា លោកសង្ឃឹមថាច្បាប់ SEC ថ្មី អាចចូលជាធរមាននៅខែកញ្ញា ឆ្នាំ ២០២៥ នេះ។

គួរគូសបញ្ជាក់ថា រដ្ឋាភិបាលថៃ ដែលដឹកនាំដោយគណបក្សភឿថៃ បានកំពុងជំរុញគម្រោងស្ពានដីគោក ក្នុងតម្លៃប្រហែល ១ ទ្រីលានដុល្លារ (២៩ ប៊ីលានដុល្លារ) ដើម្បីភ្ជាប់កំពង់ផែសមុទ្រក្នុងសំណើចំនួន ២ ក្នុងខេត្ត Ranong និងខេត្ត Chumphon តាមរយៈការសាងសង់ផ្លូវប្រភេទហាយវេ និងផ្លូវដែកថ្មីមួយ។

គម្រោងស្ពានដី ១០០ គីឡូម៉ែត្រ នឹងកាត់បន្ថយពេលវេលាដឹកជញ្ជូនរវាងមហាសមុទ្រឥណ្ឌា និងប៉ាស៊ីហ្វិក ដែលជាធម្មតាឆ្លងកាត់ច្រកសមុទ្រម៉ាឡាកា ដែលជាផ្លូវសមុទ្រតូចចង្អៀតដ៏មមាញឹកបំផុតមួយរបស់ពិភពលោករវាងម៉ាឡេស៊ី និងសិង្ហបុរី។

អតីតនាយករដ្ឋមន្ត្រីលោក សេដ្ឋា ថាវីស៊ីន ធ្លាប់បានលើកគម្រោងសាងសង់ស្ពានដីគោក ទៅបង្ហាញដល់វិនិយោគិនក្រៅប្រទេសក្នុងអំឡុងពេលទស្សនកិច្ចនៅសហរដ្ឋអាមេរិក និងចិន កាលពីឆ្នាំមុន។ លោកទទួលបានការចាប់អារម្មណ៍ជាច្រើន ប៉ុន្តែមិនមានការអាប់ឌែតច្រើនទេ ចាប់តាំងពីពេលនោះមក។

មន្រ្តីថៃបាននិយាយថា ក្រសួងមានបំណងបញ្ចប់គម្រោងស្ពានដីគោក នៅឆ្នាំ ២០៣០។ អ្នកវិនិយោគបរទេស នឹងត្រូវបានអនុញ្ញាតឱ្យកាន់កាប់ភាគហ៊ុនជាង ៥០ ភាគរយ នៃការបណ្តាក់ទុនរួមគ្នាជាមួយក្រុមហ៊ុនក្នុងស្រុក ដើម្បីសាងសង់ហេដ្ឋារចនាសម្ព័ន្ធ៕