ព័ត៌មានអន្ដរជាតិ
អាមេរិក ដាក់ទណ្ឌកម្មអ៊ីរ៉ង់ និងចិន ពាក់ព័ន្ធនឹងការផលិតមីស៊ីលបាលិស្ទិករបស់ក្រុងតេហេរ៉ង់
កាលពីថ្ងៃទី២៩ខែមេសាឆ្នាំ២០២៥ សហរដ្ឋអាមេរិក បានដាក់ទណ្ឌកម្មលើបណ្តាញអង្គភាពចំនួន ៦ និងបុគ្គលចំនួន ៦ ដែលមានមូលដ្ឋាននៅប្រទេសអ៊ីរ៉ង់ និងប្រទេសចិន ដោយចោទប្រកាន់ពួកគេថាបានទិញធាតុផ្សំសម្រាប់ផលិតមីស៊ីលបាលិស្ទិកជំនួសមុខឲ្យកងឆ្មាំបដិវត្តន៍អ៊ីស្លាមអ៊ីរ៉ង់ (IRGC)។
អង្គភាពដែលរងទណ្ឌកម្ម មានក្រុមហ៊ុនចំនួន៥ ដែលមានមូលដ្ឋាននៅក្នុងប្រទេសចិន និងក្រុមហ៊ុនចំនួន១ នៅក្នុងប្រទេសអ៊ីរ៉ង់ ខណៈដែលបុគ្គលទាំង៦នាក់សុទ្ធតែមានមូលដ្ឋាននៅអ៊ីរ៉ង់។
ក្រសួងរតនាគារអាមេរិក បានបញ្ជាក់ថា បណ្តាញក្រុមខាងលើ បានជួយសម្រួលដល់ការទិញសម្ភារដែលចាំបាច់សម្រាប់ការអភិវឌ្ឍមីស៊ីលបាលិស្ទិករបស់អ៊ីរ៉ង់។ ទណ្ឌកម្មទាំងនេះ មានគោលបំណងរំខានដល់ខ្សែសង្វាក់ផ្គត់ផ្គង់ដែលគាំទ្រសមត្ថភាពមីស៊ីលរបស់អ៊ីរ៉ង់ ដែលអាមេរិកចាត់ទុកថាជាការគំរាមកំហែងយ៉ាងខ្លាំងចំពោះសន្តិសុខក្នុងតំបន់ និងពិភពលោក។
រដ្ឋមន្ត្រីក្រសួងរតនាគារលោក Scott Bessent បាននិយាយថា៖ «ការអភិវឌ្ឍយ៉ាងខ្លាំងក្លារបស់អ៊ីរ៉ង់លើមីស៊ីល និងសមត្ថភាពអាវុធផ្សេងទៀត ធ្វើឲ្យប៉ះពាល់ដល់សុវត្ថិភាពរបស់សហរដ្ឋអាមេរិក និងដៃគូរបស់យើង»។ លោកបន្ថែមថា៖ «វាក៏ធ្វើឲ្យមជ្ឈិមបូព៌ាអស្ថិរភាព និងរំលោភលើកិច្ចព្រមព្រៀងសកលដែលមានបំណងទប់ស្កាត់ការរីកសាយភាយនៃបច្ចេកវិទ្យាទាំងនេះ។ ដើម្បីសម្រេចបាននូវសន្តិភាព រតនាគារនឹងបន្តចាត់វិធានការដែលមានទាំងអស់ ដើម្បីដកហូតសិទ្ធិចូលប្រើរបស់អ៊ីរ៉ង់ចំពោះធនធានដែលចាំបាច់សម្រាប់ជំរុញកម្មវិធីមីស៊ីលរបស់ខ្លួន»។
ការដាក់ទណ្ឌកម្មនេះ កើតឡើងចំពេលដែលកិច្ចចរចានុយក្លេអ៊ែរកំពុងបន្តរវាងអាមេរិក និងអ៊ីរ៉ង់ ដោយការអភិវឌ្ឍមីស៊ីលនៅតែជាបញ្ហាចម្រូងចម្រាស។ អ៊ីរ៉ង់បានបញ្ជាក់ថា កម្មវិធីមីស៊ីលរបស់ខ្លួនជាចំណុចជាប់គាំងចម្បងក្នុងកិច្ចពិភាក្សាដោយអះអាងពីសិទ្ធិនៅក្នុងការការពារខ្លួន។
អាមេរិកបន្តអនុវត្តទណ្ឌកម្មដើម្បីកម្រិតសមត្ថភាពមីស៊ីល និងយន្តហោះគ្មានមនុស្សបើករបស់អ៊ីរ៉ង់ ក្នុងគោលបំណងទប់ស្កាត់ឥទ្ធិពលរបស់ក្រុងតេហេរ៉ង់នៅមជ្ឈិមបូព៌ា និងការគាំទ្រក្រុមសកម្មប្រយុទ្ធដែលជាដៃជាជើងរបស់អ៊ីរ៉ង់៕
ដោយ៖ ឈាង
អាមេរិក ដាក់ទណ្ឌកម្មអ៊ីរ៉ង់ និងចិន ពាក់ព័ន្ធនឹងការផលិតមីស៊ីលបាលិស្ទិករបស់ក្រុងតេហេរ៉ង់
នគរបាលអំពាវនាវពលរដ្ឋ ទៅបន្តសុពលភាពអត្តសញ្ញាណប័ណ្ណ ដើម្បីទុកសម្រាប់ប្រើប្រាស់តាមតម្រូវការ
ពានរង្វាន់សម្ដេច ហ៊ុន សែន៖ ភ្នំពេញក្រោន ឬ វិសាខា ជាអ្នកទទួលបានជ័យជម្នះល្ងាចនេះ
សកម្មភាពរោងចក្រចិន ធ្លាក់ចុះនៅខែមេសា ជុំវិញពន្ធគយ
ប្រមុខរដ្ឋវៀតណាមបញ្ជាក់ពីការដឹងគុណកម្ពុជាដែលជួយដល់ការបង្រួបបង្រួមជាតិវៀតណាម
មន្ត្រីជាង ១០០នាក់បានលប់ឈ្មោះ ដាក់ឱ្យចូលនិវត្តន៍ និងលាឈប់ក្រោយសភាធ្វើកំណែទម្រង់អភិបាលកិច្ច
ស្វាយកែវល្មៀតគ្មានទីផ្សារ ធ្វើឱ្យពលរដ្ឋចាក់ចោលរាប់តោន
អាជីវករខ្មែរសម្រុកយកផ្សិតប៉ក់ទៅលក់នៅព្រំដែនអានសេះ ត្រូវអាជ្ញាធរថៃហាមឃាត់
រុស្ស៊ី ដាច់ចិត្ត ទម្លាយវីដេអូនៃការហ្វឹកហ្វឺនទ័ពកូរ៉េខាងជើង
អាវុធហត្ថខេត្តកំពង់ស្ពឺ ឃាត់ខ្លួនជនសង្ស័យ៦នាក់ ករណីចែកចាយគ្រឿងញៀន១៥៩ កញ្ចប់ និងដកហូតវត្ថុតាងមួយចំនួន
-
ចរាចរណ៍១ សប្តាហ៍ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
សន្តិសុខសង្គម៤ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ២ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
ព័ត៌មានជាតិ៦ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ៧ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៥ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៥ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ៧ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន