ព័ត៌មានជាតិ
បុគ្គលិកស្ថានទូតបរទេសចំនួន៧៤១នាក់ បានចាក់វ៉ាក់សាំងរួចរាល់ ហើយបុគ្គលិកអង្គការអន្តរជាតិចំនួន១.៦៧១នាក់ទៀត កំពុងដំណើរការ
ក្រសួងសុខាភិបាលបានឲ្យដឹងនៅថ្ងៃទី២៧ ខែមីនា នេះថា បុគ្គលិកស្ថានទូតបរទេសចំនួន១៨ នៅរាជធានីភ្នំពេញ បានចាក់វ៉ាក់សាំងរួចរាល់ ហើយអង្គការអន្តរជាតិចំនួន៤៤ កំពុងដំណើរការចាក់វ៉ាក់សាំង ក្នុងនោះក៏មានអង្គការមួយចំនួនទៀត នឹងចាប់ផ្តើមដំណើការ ចាប់ពីចុងខែមីនា ឆ្នាំ២០២១ តទៅផងដែរ។
ក្រសួងសុខាភិបាលបានបញ្ជាក់នៅក្នុងសេចក្តីប្រកាសរបស់ខ្លួនថា ស្ថានទូតចំនួន១៨ នៅរាជធានីភ្នំពេញ ដែលមានបុគ្គលិកសរុបចំនួន៧៤១នាក់ បានចាក់វ៉ាក់សាំងរួចរាល់នៅថ្ងៃទី២៦ ខែមីនា នៅមន្ទីរពេទ្យកុមារជាតិ ហើយអង្គការអន្តរជាតិចំនួន៤៤អង្គការ ដែលស្ថិតនៅក្រោមឆ័ត្ររបស់អង្គការសហប្រជាជាតិ មានបុគ្គលិកសរុបចំនួន១.៦៧១ នាក់ បាននឹងកំពុងដំណើរការចាក់វ៉ាក់សាំងនៅមន្ទីរពេទ្យកាល់ម៉ែត ចាប់ពីថ្ងៃទី២៦ ដល់ថ្ងៃទី៣១ ខែមីនា ឆ្នាំ២០២១ ចំណែកអង្គការអន្តរជាតិពហុភាគី និងទ្វេភាគីមួយចំនួនទៀត មានបុគ្គលិកចំនួន៤៤៣ នាក់នឹងត្រូវរៀបចំចាក់ជូនចាប់ពីថ្ងៃទី៣០ ខែមីនា ឆ្នាំ២០២១ តទៅនៅមន្ទីរពេទ្យព្រះអង្គឌួង។
បើតាមក្រសួងសុខាភិបាល នេះជាការយកចិត្តទុកដាក់លើសុខភាពរបស់ប្រជាពលរដ្ឋកម្ពុជា ក៏ដូចជាសុខភាពរបស់មនុស្សទូទៅ។ ជាមួយគ្នានោះ ក្រសួងសុខាភិបាល បានក្រើនរំលឹកដល់សាធារណជនទាំងអស់ ត្រូវបន្តអនុវត្តវិធានការសុខាភិបាលឱ្យបានខ្ជាប់ខ្ជួន ជាពិសេសត្រូវបន្តអនុវត្តវិធានការ *៣ការពារ និង៣កុំ” ហើយអញ្ជើញទៅចាក់វ៉ាក់សាំងតាមវេន ដែលបានកំណត់ ដោយអាជ្ញាធរ៕
អត្ថបទ ៖ កោះកែវ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ