ព័ត៌មានអន្ដរជាតិ
លោក ត្រាំ ប្រកាសថា កិច្ចព្រមព្រៀងជាមួយអ៊ីរ៉ង់ដាច់ខាតមិនឲ្យមានការចម្រាញ់អ៊ុយរ៉ាញ៉ូម
ប្រធានាធិបតី ដូណាល់ ត្រាំ បានប្រកាសជាសាធារណៈកាលពីថ្ងៃទី២ ខែមិថុនា ឆ្នាំ២០២៥ថា កិច្ចព្រមព្រៀងនុយក្លេអ៊ែរអនាគតណាមួយជាមួយប្រទេសអ៊ីរ៉ង់ នឹងហាមឃាត់ការចម្រាញ់សារធាតុអ៊ុយរ៉ាញ៉ូមទាំងស្រុង ដែលនេះគឺផ្ទុយពីសំណើថ្មីៗរបស់រដ្ឋបាលគាត់ដែលថានឹងបើកការអនុញ្ញាតឲ្យមានការចម្រាញ់មានកម្រិតសម្រាប់គោលបំណងស៊ីវិល។
នៅក្នុងសេចក្តីថ្លែងការណ៍មួយដែលត្រូវបានបង្ហោះនៅលើបណ្ដាញសង្គម Truth Social លោក ត្រាំ បានអះអាងថា «ក្រោមកិច្ចព្រមព្រៀងសក្តានុពលរបស់យើង – យើងនឹងមិនអនុញ្ញាតឲ្យមានការចម្រាញ់អ៊ុយរ៉ានីញ៉ូមណាមួយឡើយ»។ ការប្រកាសនេះផ្ទុយស្រឡះទៅនឹងសំណើដែលដាក់ជូនដោយបេសកជនពិសេសរបស់អាមេរិកលោក Steve Witkoff ដែលបានរាយការណ៍ថាបានអនុញ្ញាតឲ្យអ៊ីរ៉ង់បង្កើនសារធាតុអ៊ុយរ៉ាញ៉ូមដល់ទៅកម្រិត ៣% សម្រាប់ការប្រើប្រាស់ស៊ីវិល ជាមួយលក្ខខណ្ឌដែលថារោងចក្រក្រោមដីទាំងអម្បាលម៉ានរបស់អ៊ីរ់ង់ត្រូវតែបិទដំណើរការ និងបើកឲ្យមានវិធានការត្រួតពិនិត្យយ៉ាងតឹងរ៉ឹងពីអន្តរជាតិ។
ការចម្រាញ់សារធាតុអ៊ុយរ៉ាញ៉ូមនៅតែជាចំណុចសំខាន់នៃការឈ្លោះប្រកែកគ្នានៅក្នុងកិច្ចចរចាចំនួន៥លើកគិតចាប់តាំងពីខែមេសា ដើម្បីចុះហត្ថលេខាលើកិច្ចព្រមព្រៀងថ្មីមួយ ជំនួសឲ្យកិច្ចព្រមព្រៀងចាស់ដែលលោក ត្រាំ ធ្លាប់បានបោះបង់ចោលជាឯកតាភាគីក្នុងអំឡុងពេលអាណត្តិដំបូងរបស់គាត់កាលពីឆ្នាំ២០១៨។
ទីភ្នាក់ងារថាមពលអាតូមិកអន្តរជាតិ (IAEA) នាពេលថ្មីៗនេះ បានរាយការណ៍ថា អ៊ីរ៉ង់បានបង្កើនការចម្រាញ់សារធាតុអ៊ុយរ៉ាញ៉ូមដល់កម្រិតភាពសុទ្ធ ៦០% ដែលកៀកជិតដល់កម្រិត ៩០% ក្នុងការផលិតអាវុធនុយក្លេអ៊ែរ។ របាយការណ៍នេះបានបង្កើនការព្រួយបារម្ភក្នុងចំណោមមន្ត្រីអាមេរិក និងអ៊ីស្រាអែល ដោយលោក ត្រាំ បានព្រមានអំពីសកម្មភាពយោធាដែលអាចកើតមាន ប្រសិនបើកិច្ចខិតខំប្រឹងប្រែងការទូតត្រូវបរាជ័យ។
អ៊ីរ៉ង់ បានសង្កត់ធ្ងន់ថា បើអាមេរិកពិតជាចង់ស្វែងរកដំណោះស្រាយការទូត នោះត្រូវតែបោះបង់ចោលភាសាគំរាមកំហែង និងការដាក់ទណ្ឌកម្ម ដោយចាត់ទុកវោហាសាស្ត្របែបនេះថាជាអរិភាពបើកចំហប្រឆាំងនឹងផលប្រយោជន៍ជាតិរបស់អ៊ីរ៉ង់។ កន្លងមក អ៊ីរ៉ង់ទទូចលើសិទ្ធិរបស់ខ្លួន ក្នុងការបង្កើនសារធាតុអ៊ុយរ៉ាញ៉ូមក្រោមសន្ធិសញ្ញាមិនរីកសាយភាយនុយក្លេអ៊ែរ ហើយទាមទារការបន្ធូរបន្ថយទណ្ឌកម្មជាដំណាក់កាល រួមជាមួយនឹងការធានាប្រឆាំងនឹងការដកខ្លួនពីកិច្ចព្រមព្រៀងរបស់អាមេរិកជាឯកតោភាគីនាពេលអនាគត៕
ដោយ៖ ឈាង
លោក ត្រាំ ប្រកាសថា កិច្ចព្រមព្រៀងជាមួយអ៊ីរ៉ង់ដាច់ខាតមិនឲ្យមានការចម្រាញ់អ៊ុយរ៉ាញ៉ូម
រដ្ឋមន្ត្រីមហាផ្ទៃ ថា ចំណាត់ការបញ្ហាព្រំដែនជាមួយថៃ ស្ដែងឱ្យឃើញពីភាពចាស់ទុំលើកិច្ចការពារជាតិរបស់កម្ពុជា
ឧស្សាហកម្មអាកាសចរណ៍សកល រំពឹងបន្តទទួលផលចំណេញ ទោះសេដ្ឋកិច្ចសកលមិនសូវស្រួល
ផ្លូវថ្នល់ខ្វាត់ខ្វែងជាង ២០០ គីឡូម៉ែត្រ សាងសង់តភ្ជាប់ពីប្រាសាទតូចធំក្នុងរមណីយដ្ឋានអង្គរ
រដ្ឋដាក់ចេញគោលការណ៍ណែនាំ ៧ ចំណុច ដើម្បីគ្រប់គ្រងវិស័យល្បែងពាណិជ្ជកម្ម
យោធាថៃម្នាក់ស្លាប់ ក្នុងហេតុការណ៍ផ្ទុះគ្រាប់បែកនៅខេត្ត Pattani
ជាថ្មីម្ដងទៀត គ្រូបារមីស្នងរូប ៧ ភាសា ចុះកិច្ចសន្យាបញ្ឈប់សកម្មភាពប៉ះពាល់ តម្លៃព្រះពុទ្ធសាសនា និងសង្គម
ឈៀងម៉ៃ ត្រូវវាយប្រហារដោយគ្រោះរញ្ជួយដីកម្រិត ៤.៥ រ៉ិចទ័រ
សម្ដេចតេជោ ឈឺចាប់ខ្លាំងបំផុតនៅពេលទាហានថៃចូលមកបាញ់សម្លាប់ទាហានខ្មែរលើដីខ្មែរដែលសម្ដេចធ្លាប់ទៅដល់
ធនាគារ វីង និងធនាគារ ស៊ីអាយអិមប៊ី សិង្ហបុរី សហការជំរុញកំណើនសេវាហិរញ្ញវត្ថុរវាងកម្ពុជា និងសិង្ហបុរី
-
ព័ត៌មានជាតិ៥ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៣ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
ព័ត៌មានជាតិ១ សប្តាហ៍ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
នយោបាយ៣ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៥ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ៦ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៧ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី
-
សន្តិសុខសង្គម៥ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់