ព័ត៌មានអន្ដរជាតិ
អាមេរិកវេតូសេចក្ដីសម្រេចរបស់ក្រុមប្រឹក្សាសន្តិសុខ UN ដែលជំរុញឲ្យមានបទឈប់បាញ់ហ្គាហ្សា
សហរដ្ឋអាមេរិក បានប្រើអំណាចវេតូម្តងទៀតនៅក្រុមប្រឹក្សាសន្តិសុខអង្គការសហប្រជាជាតិ ដោយរារាំងសេចក្ដីសម្រេចដែលទាមទារបទឈប់បាញ់ជាបន្ទាន់ និងអចិន្ត្រៃយ៍នៅតំបន់ហ្គាហ្សាស្ទ្រីប ដែលកំពុងកើតមានវិបត្តិមនុស្សធម៌ដ៏សាហាវបំផុតមួយក្នុងសតវត្សទី២១នេះ។
សេចក្តីព្រាងសេចក្ដីសម្រេចដែលកំណត់ដោយអាល់ហ្សេរី និងគាំទ្រដោយសមាជិកក្រុមប្រឹក្សាសន្តិសុខចំនួន១៤ក្នុងចំណោម១៥ប្រទេស បានអំពាវនាវឲ្យបញ្ឈប់ជាបន្ទាន់នូវអរិភាព ការផ្តល់ជំនួយមនុស្សធម៌ដោយមិនមានការរារាំង និងការដោះលែងចំណាប់ខ្មាំងទាំងអស់។ អាមេរិកឈរតែម្នាក់ឯងក្នុងការប្រឆាំងនឹងវិធានការនេះ ដោយបោះវេតូក្នុងអំឡុងពេលសម័យប្រជុំកម្រិតខ្ពស់នៅល្ងាចថ្ងៃពុធទី៤ខែមិថុនាឆ្នាំ២០២៥។
នៅក្នុងសុន្ទរកថាទៅកាន់ក្រុមប្រឹក្សា ឯកអគ្គរដ្ឋទូតរងរបស់សហរដ្ឋអាមេរិកលោកស្រី Dorothy Shea បានការពារការសម្រេចចិត្តនេះ ដោយលើកហេតុផលថា សេចក្ដីសម្រេចបរាជ័យក្នុងការទទួលស្គាល់នូវអ្វីដែលទីក្រុងវ៉ាស៊ីនតោនចាត់ទុកថាជាឫសគល់នៃការកើនឡើងភាពតានតឹងនាពេលបច្ចុប្បន្ន ពោលគឺការវាយប្រហាររបស់ក្រុមហាម៉ាសលើប្រទេសអ៊ីស្រាអែលកាលពីថ្ងៃទី៧ខែតុលាឆ្នាំ២០២៣។ លោកស្រី Shea បាននិយាយថា «យើងមិនអាចគាំទ្រសេចក្ដីសម្រេចដែលមិនថ្កោលទោសក្រុមហាម៉ាស ឬតម្រូវឲ្យពួកគេទម្លាក់អាវុធចុះនោះទេ»។
ពាក់ព័ន្ធនឹងការវេតូនេះ ប្រទេសចិនបានចោទប្រកាន់អាមេរិកថាបានអនុញ្ញាតឲ្យបន្តការបង្ហូរឈាម ខណៈដែលរុស្ស៊ីបានរិះគន់អ្វីដែលខ្លួនហៅថា «ការការពារឯកតោភាគីនៃការឈ្លានពាន»។ បេសកជនប៉ាគីស្ថានបានហៅការវេតូនេះថាជា«ស្នាមប្រឡាក់អចិន្ត្រៃយ៍លើមនសិការរបស់ក្រុមប្រឹក្សា»។
ចក្រភពអង់គ្លេសដែលគាំទ្រសេចក្ដីសម្រេចនេះ ក៏បង្ហាញការមិនពេញចិត្តជាមួយទីក្រុងវ៉ាស៊ីនតោនដែរ ដោយថ្កោលទោសការរឹតបន្តឹងរបស់អ៊ីស្រាអែលលើជំនួយ និងយុទ្ធសាស្ត្រយោធាថា «មិនសមាមាត្រ និងបង្កផលវិបាក»។
ស្ថានការណ៍នៅហ្គាហ្សាបន្តធ្លាក់ចុះយ៉ាងឆាប់រហ័ស។ ប្រជាជនប៉ាឡេស្ទីនជាង ៥៤ ០០០នាក់ត្រូវបានសម្លាប់ចាប់តាំងពីការចាប់ផ្តើមយុទ្ធនាការយោធារបស់អ៊ីស្រាអែល។ នេះបើយោងតាមក្រសួងសុខាភិបាលរបស់ហ្គាហ្សា។ អង្គការជំនួយ រួមទាំងអ្នកដែលគាំទ្រដោយអាមេរិក បានផ្អាកប្រតិបត្តិការបន្ទាប់ពីមានការវាយប្រហារដ៏សាហាវនៅជិតមជ្ឈមណ្ឌលចែកចាយជំនួយ ដែលបង្កើនការភ័យខ្លាចនៃទុរ្ភិក្ស និងជំងឺរីករាលដាល។
សូមជម្រាបថា នេះជាលើកទី៦ចាប់តាំងពីខែតុលាឆ្នាំ២០២៣ ដែលអាមេរិកបានវេតូលើសេចក្ដីសម្រេចដែលទាក់ទងនឹងបទឈប់បាញ់ និងការរិះគន់ប្រតិបត្តិកការយោធាអ៊ីស្រាអែលនៅតំបន់ហ្គាហ្សា៕
ដោយ៖ ឈាង
អាមេរិកវេតូសេចក្ដីសម្រេចរបស់ក្រុមប្រឹក្សាសន្តិសុខ UN ដែលជំរុញឲ្យមានបទឈប់បាញ់ហ្គាហ្សា
ចុះបញ្ជីដីធ្លីជាប្រព័ន្ធទូទាំងប្រទេស សម្រេចបានជាង ១៣ លានក្បាលដី នៅសល់ជាង ៣០ ម៉ឺនក្បាលដីទៀត
អគ្គិភ័យឆាបឆេះសិប្បកម្មផលិតសាឡុង ពូក ០១ កន្លែង ខូចខាតសម្ភារៈមួយចំនួន នៅខណ្ឌមានជ័យ
ក្លិប Man City ចាយ ៨០ លានដុល្លារ រកបានអ្នកជំនួស De Bruyne ជាផ្លូវការ
កម្ពុជាបន្តទទួលបានការអនុគ្រោះពន្ធគយក្នុងអត្រាសូនភាគរយសម្រាប់ការនាំចេញទៅប្រទេសវៀតណាម
កូរ៉េខាងជើង លែងយកតង់បាំងនាវាចម្បាំងដែលលិច ក្រោយស្រង់ចេញពីទឹកបានពាក់កណ្ដាលមកវិញ
នគរបាលខណ្ឌ៧មករា ចុះណែនាំបណ្ដាទីតាំងយានដ្ឋាន កុំឱ្យលក់បំពង់សុីម៉ាំងឮខ្លាំង រំខានដល់ពលរដ្ឋ
ចាប់ខ្លួនជនដៃដល់ជាកូនបង្កើតក្រោយកាប់សម្លាប់ឪពុកខ្លួនឯងដោយសារខឹងមិនឲ្យប្រើគោយន្ដ
មហាអំណាចអឺរ៉ុប ២ប្រទេស ព្រមានអំពីការធ្វើសង្គ្រាមរបស់រុស្ស៊ី ក្នុងប្លុកនេះ ប៉ុន្មានឆ្នាំទៀត
ស្នងការរាជធានី កោះហៅមន្ត្រីនគរបាលចរាចរណ៍ និងអ្នកបើកបររថយន្ដដែលប៉ះទង្គិចគ្នានៅផ្លូវហាណូយមកសួរនាំ
-
ព័ត៌មានជាតិ៦ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៥ ថ្ងៃ agoនាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៥ ថ្ងៃ agoព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
ព័ត៌មានជាតិ៧ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
សេចក្ដីជូនដំណឹង៥ ថ្ងៃ agoការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
ព័ត៌មានជាតិ១ សប្តាហ៍ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៧ ថ្ងៃ agoសមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
ព័ត៌មានជាតិ៦ ថ្ងៃ agoវិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ