នយោបាយ
ប្រធានព្រឹទ្ធសភាស្នើឱ្យជប៉ុនជំរុញទៅថៃឱ្យក្លាហានឡើងតុលាការអន្តរជាតិជាមួយកម្ពុជា
ប្រធានព្រឹទ្ធសភាកម្ពុជា សម្ដេចតេជោ ហ៊ុន សែន នៅបន្តលើកឡើងថា «មានតែចោរទេដែលខ្លាចតុលាការ» និងស្នើឱ្យជប៉ុនជំរុញទៅប្រទេសថៃឱ្យមានភាពក្លាហានហ៊ានឡើងទៅតតាំងនៅតុលាការយុត្តិធម៌អន្តរជាតិជាមួយកម្ពុជា។
ថ្លែងក្នុងជំនួបជាមួយនាយសេនាធិការកងស្វ័យការពារជប៉ុន នាយឧត្តមសេនីយ៍ Morishita Tasunori នៅវិមានព្រឹទ្ធសភា ព្រឹកថ្ងៃទី២៥ ខែមិថុនា ឆ្នាំ២០២៥ សម្ដេចតេជោ ហ៊ុន សែន បានថ្លែងថាប្រទេសកម្ពុជាជាប្រទេសស្រលាញ់សន្ដិភាព មិនចង់ឃើញការផ្ទុះអាវុធ ឬសង្គ្រាមជាមួយអ្នកជិតខាងនោះទេ ដូច្នេះហើយទើបប្រើប្រាស់ច្បាប់អន្តរជាតិដើម្បីដោះស្រាយទំនាស់ជាមួយថៃ។ សម្ដេចក៏បានលើកឡើងពីបំណងចង់ឱ្យលោក Morishita ជំរុញទៅថៃឱ្យមានភាពក្លាហានឡើងតុលាការផងដែរ។ នេះបើតាមការឱ្យដឹងពីអ្នកនាំពាក្យព្រឹទ្ធសភាលោក ជា ធីរិទ្ធ។
លោក ជា ធីរិទ្ធថា៖ «សម្ដេចតេជោបញ្ជាក់ថាកម្ពុជាមិនមានអ្វីក្រៅពីចង់ឱ្យជប៉ុនជួយឱ្យភាគីនៃជម្លោះដោះស្រាយបញ្ហាដោយសន្ដិវិធីហើយឈរលើគោលការណ៍នៃច្បាប់អន្តរជាតិ ជំរុញឱ្យភាគីថៃចូលរួមដោះស្រាយទៅតាមនិយាមឬច្បាប់អន្តរជាតិ»។
សម្ដេចតេជោក៏បានពន្យល់ទៅលោក Morishita ផងដែរថាបញ្ហាដែលកើតឡើងរវាងកម្ពុជា-ថៃនោះគឺកើតឡើងដោយសារថៃជាអ្នកចាប់ផ្ដើមដោយឱ្យទាហានឆ្លងដែនមកបាញ់សម្លាប់ទាហានខ្មែរ បិទព្រំដែនដោយឯកតោភាគី និងធ្វើសកម្មភាពជាច្រើនទៀតរំលោភបំពានលើកម្ពុជា។
នាយសេនាធិការកងស្វ័យការពារជប៉ុន លោក Morishita បានធ្វើទស្សនកិច្ចរយៈពេល៤ថ្ងៃនៅកម្ពុជា មុននឹងបន្តទស្សនកិច្ចនៅថៃនៅថ្ងៃទី២៥ ខែមិថុនា ឆ្នាំ២០២៥នេះ។
លោកនាយឧត្តមសេនីយ៍ Morishita Tasunori បានចូលរួមរម្លែកទុក្ខចំពោះការបាត់បង់ជីវិតយុទ្ធជនកម្ពុជាលោកព្រឹន្ទបាលទោ សួន រ៉ោន ព្រមទាំងបានអរគុណចំពោះការបញ្ជាក់ពីមូលហេតុពិតនៃបញ្ហាព្រំដែនកម្ពុជា-ថៃ និងបញ្ជាក់គាំទ្រចំពោះយន្តការដោះស្រាយទំនាស់ដោយសន្តិវិធីរបស់កម្ពុជាផងដែរ។
កម្ពុជាបានដាក់បញ្ជូនលិខិតជូនដំណឹងទៅកាន់តុលាការយុត្តិធម៌អន្តរជាតិ នាទីក្រុងឡាអេ ប្រទេសហូឡង់ កាលពីថ្ងៃទី១៥ ខែមិថុនា ឆ្នាំ២០២៥ ដើម្បីឱ្យតុលាការការនេះសម្រេចសេចក្ដីលើសំណុំរឿងព្រំដែនកម្ពុជា-ថៃនៅតំបន់ប្រាសាទតាមាន់តូច តាមាន់ធំ តាក្របី និងតំបន់មុំបី បើទោះបីថៃបដិសេធក្នុងការឡើងទៅតតាំងក្ដីក៏ដោយ។ ក្រសួងការបរទេសថៃបានចេញសេចក្ដីប្រការព័ត៌មានមួយកាលពីថ្ងៃទី១៥ ខែមិថុនា ដោយថាខ្លួនមានការខកចិត្តដែលកម្ពុជាលើយកករណីនេះទៅកាន់តុលាការយុត្តិធម៌អន្តរជាតិ។
អ្នកតាមដានភូមិសាស្ត្រនយោបាយ លោកបណ្ឌិត ជ័យ តិច ធ្លាប់ប្រាប់កម្ពុជាថ្មីថា ការដែលថៃមិនចង់ទៅដោះស្រាយនៅតុលាការយុត្តិធម៌អន្តរជាតិដោយសារថៃដឹងមុនថាគ្មានសង្ឃឺមឈ្នះកម្ពុជា ព្រោះអ្វីដែលយកមកសំអាងព្រំដែនជាមួយកម្ពុជាគឺជាឯកសារដែលថៃធ្វើនិងទទួលស្គាល់ដោយខ្លួនឯងប៉ុណ្ណោះ៕
អត្ថបទដោយ ហ៊ុន សិរីវឌ្ឍន៍
កម្ពុជា-ចិន រៀបចំពិព័រណ៍ការងារ ដើម្បីផ្សារភ្ជាប់សហគ្រាស និងអ្នកស្វែងរកការងារ និងអភិវឌ្ឍន៍ជំនាញរបស់យុវជន
ក្រុមហ៊ុនចិន Xingtai គ្រោងវិនិយោគលើថាមពលស្អាត និងកកើតឡើងវិញនៅកម្ពុជា
កងទ័ពអ៊ុយក្រែនបាត់បង់យន្តហោះចម្បាំងបារាំង«Dassault Mirage 2000» លើកដំបូង
កម្ពុជា លើកទឹកចិត្តឱ្យកាតា បណ្តាក់ទុនលើវិស័យកសិកម្មរបស់កម្ពុជា ដើម្បីបង្កើនការនាំចេញ
ក្រសួងព័ត៌មាន និងមជ្ឈមណ្ឌលអាស៊ាន-ចិន ពិភាក្សាពីការបង្កើនកិច្ចសហប្រតិបត្តិការប្រឆាំងព័ត៌មានក្លែងក្លាយ
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
ដំបូង ថៃថា មីនដែលទាហានខ្លួនជាន់ ជាមីនចាស់ពិបាករាវរក ចុះម្តេចឥឡូវរកឃើញមីនថ្មីៗ ស្រួលម្ល៉េះ?
ថៃលេងល្បិចថ្មី នៅប្រាសាទតាមាន់ធំ ដើម្បីបោកអន្តរជាតិ
ភូមិភាគ២ថៃ ប្តូរវិធីសាស្រ្តល្បាត ប្រហែលខ្លាចជាន់មីន បង្កប់ដោយខ្លួនឯង
តុលាការថៃ សម្រេចដាក់ពន្ធនាគារទាហាន ២ រូបដែលវាយសម្លាប់កូនទាហានខ្លួនឯង
-
ព័ត៌មានអន្ដរជាតិ៣ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ១ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា១ សប្តាហ៍ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៤ ម៉ោង agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង