វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍ដល់កូនវីរៈកងទ័ព និង ពលករខ្មែរមកពីថៃ

វិទ្យាស្ថានពហុបច្ចេកទេសភូមិភាគតេជោសែនស្វាយរៀង ប្រកាសផ្តល់អាហារូបករណ៍ដល់កូនៗរបស់វីរកកងទ័ព និងពលករខ្មែរដែលត្រឡបើមកពីប្រទេសថៃវិញ ១០០%។

ដើម្បីចូលរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍមូលធនមនុស្សក្នុងវិស័យអប់រំបណ្តុះ បណ្តាលបច្ចេកទេស និងវិជ្ជាជីវៈ ក៏ដូចជាសម្រាលបន្ទុក និងលើកទឹកចិត្តដល់វីរៈកងទ័ពកម្ពុជាដែលបានពលី ជីវិត ឬពិការដែលបាត់បង់លទ្ធភាពសេដ្ឋកិច្ច ព្រមទាំងពលករខ្មែរដែលត្រឡប់មកពីប្រទេសថៃវិញ វិទ្យាស្ថានពហុបច្ចេកទេសភូមិភាគតេជោសែនស្វាយរៀង ផ្តល់អាហារូបករណ៍ដូចខាងក្រោម៖

១. ផ្តល់ជូនអាហារូបករណ៍១០០% ដល់កូនវីរៈកងទ័ពកម្ពុជាដែលបានពលីជីវិត ឬពិការដែលបាត់បង់ លទ្ធភាពសេដ្ឋកិច្ច កម្រិតសញ្ញាបត្របច្ចេកទេស និងវិជ្ជាជីវៈ១,២,៣ និងកម្រិតសញ្ញាបត្រជាន់ខ្ពស់ បច្ចេកទេស ឬបរិញ្ញាបត្ររង ។ ២.ផ្តល់ជូនអាហារូបករណ៍១០០% ទៅលើការសិក្សាជំនាញភាសា ជូនដល់ពលករ ខ្មែរដែលបានត្រឡប់ មកពីប្រទេសថៃ។

ហេតុនេះ ក្រុមគ្រួសារវីរកងទ័ពកម្ពុជាដែលបានពលីជីវិត ឬពិការ ដែលបាត់បង់លទ្ធភាពសេដ្ឋកិច្ច ព្រមទាំងពលករខ្មែរដែលត្រឡប់មកពីប្រទេសថៃ ទំនាក់ទំនងសួរព័ត៌មានបន្ថែមតាម រយៈលេខទូរសព្ទ 096 939 9698 /088 613 2123 /010 547 778៕

ដោយ៖ភក្ដី