អភិបាលបណ្តោះអាសន្ន នៃកូនបំណុលក្រុមហ៊ុន King Technologies Co., Ltd (Opennet) សូមជូនដំណឹង ស្តីពី ការពន្យារពេលដាក់ពាក្យបណ្តឹងទាមទារ និងភស្តុតាងរហូតដល់ថ្ងៃទី ១១ ខែឧសភា ឆ្នាំ២០២២ និងពន្យារពេលបើកកិច្ចប្រជុំម្ចាស់បំណុល លើកដំបូងទៅធ្វើនៅថ្ងៃទី ១៨ ខែឧសភា ឆ្នាំ២០២២ វេលាម៉ោង ២រសៀល

(ភ្នំពេញ) ៖ សេចក្តីដូចមានចែងក្នុងកម្មវត្ថុ និងយោងខាងលើ អភិបាលបណ្តោះអាសន្ន នៃកូនបំណុល ក្រុមហ៊ុន King Technologies Co., Ltd (Opennet) សូមជូនដំណឹងដល់សាធារណជន និងម្ចាស់បំណុល ពាក់ព័ន្ធទាំងអស់នៃកូនបំណុលក្រុមហ៊ុន King Technologies Co., Ltd (Opennet) បានជ្រាបថា៖

– ថ្ងៃផុតកំណត់ដាក់ជូនភស្តុតាង នៃបណ្តឹងទាមទារដែលម្ចាស់បំណុល ត្រូវដាក់ជូនអភិបាលបណ្តោះ អាសន្ន ដែលមានអាសយដ្ឋាន អគារមជ្ឈមណ្ឌលភ្នំពេញ អគារH ជាន់ទី ៧ បន្ទប់លេខ ៧៨១ មហាវិថី ព្រះសីហនុ (២៧៤) កែងនឹងវិថីព្រះសុធារស (៣) សង្កាត់ទន្លេបាសាក់ ខណ្ឌចំការមន រាជធានីភ្នំពេញ ត្រូវបានតុលាការកំណត់ត្រឹម ថ្ងៃទី ០៤ ខែឧសភា ឆ្នាំ ២០២២ ហើយថ្ងៃផុតកំណត់ដាក់ជូនភស្តុតាង នៃបណ្តឹងទាមទារនេះ ត្រូវបានតុលាការពន្យារពេលទៅត្រឹម ថ្ងៃទី ១១ ខែឧសភា ឆ្នាំ ២០២២។

– កាលបរិច្ឆេទបើកកិច្ចប្រជុំម្ចាស់បំណុលលើកដំបូង ដែលតុលាការបានកំណត់ ធ្វើឡើងនៅថ្ងៃទី ១១ ខែឧសភា ឆ្នាំ ២០២២ វេលាម៉ោង ២ និង០០នាទីរសៀល ត្រូវបានតុលាការពន្យារពេល ទៅធ្វើនៅថ្ងៃទី ១៨ ខែឧសភា ឆ្នាំ ២០២២ វេលាម៉ោង ២ និង ០០នាទីរសៀល ទីកន្លែងប្រជុំស្ថិតនៅអាសយដ្ឋាន អគារមជ្ឈ មណ្ឌលភ្នំពេញ អគារ H ជាន់ទី ៧ បន្ទប់លេខ ៧៨១ មហាវិថីព្រះសីហនុ (២៧៤) កែងនឹងវិថី ព្រះសុធារស (៣) សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕