ថ្ងៃ ពុធ សុក្រ សៅរ៍ បុរាណហាម​ធ្វើរឿងទាំង ៣នេះ ដាច់ខាត

ជំនឿអរូបី ហាក់បីនៅឆ្ងាយពីសង្គមឌីជីថលក៏ពិតមែន ប៉ុន្តែវាមិនអាចកាត់ផ្ដាច់ពីការរស់នៅរបស់មនុស្សសម័យប្ចុប្បន្នបានឡើយ។ មុនមានវិទ្យាសាស្ត្រ​ជឿនលឿន ចាស់ៗតែងផ្ដាំ និងជឿតៗគ្នាថា ការប្រារព្ធពិធីនានា អាចនាំលាភសំណាង បើធ្វើត្រូវថ្ងៃ ហើយនឹងនាំភាពស៊យឬចង្រៃឧបទ្រព ប្រសិនរើសថ្ងៃខុស។ តួយ៉ាងថ្ងៃ ពុធ សុក្រ និងសៅរ៍ ចាស់បុរាណ ហាមប្រារព្ធពិធីទាំង ៣ ខាងក្រោមនេះដាច់ខាត!

ហាមបូជាសព នៅថ្ងៃសុក្រ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្ងៃសុក្រ ជាថ្ងៃដែលបុរាណ ហាមប្រាមដាច់ខាត មិនឱ្យបូជាសពនោះទេ ព្រោះ​ថ្ងៃនេះ ត្រូវ​បាន​គេ​ចាត់​ទុក​ជា​ថ្ងៃរងទុក្ខជាទីបំផុតសម្រាប់អ្នកនៅរស់។ ជំនឿមួយទៀត ដោយសារតែ ភព Venus ឬភពសុក្រ ត្រូវបានតំណាងឱ្យអទិទេពនៃសុភមង្គលបំផុតលើលោក ដូច្នេះហើយ សកម្មភាពដែល​នាំ​ឲ្យ​កើតទុក្ខ ​ដូចជាការ​បូជាសព​ មិនគួរប្រារព្ធឡើយ។

ហាមចូលផ្ទះថ្មី នៅថ្ងៃសៅរ៍

ថ្ងៃសៅរ៍មិនសក្តិសមក្នុងការចាប់ផ្តើមចូលនៅផ្ទះថ្មី ឬរុះរើគេហដ្ឋាននោះទេ។ ប្រសិនបើបើកហាងថ្មី គេជឿថា គ្មានភាពចម្រុងចម្រើនទាល់តែសោះ។ ម្យ៉ាងដោយសារ ភពសៅរ៍ ជាភពតំណាងឱ្យអទិទេពនៃសេចក្តីទុក្ខ ដូច្នេះ វាមិនសក្តិសមទេ ក្នុងការចូលនៅផ្ទះថ្មី បើកហាងថ្មី ព្រោះវាមិនអាចនាំមកនូវសុភមង្គលឡើយ។

ហាមរៀបអាពាហ៍ពិពាហ៍ នៅថ្ងៃពុធ

ថ្ងៃ​ពុធ​ជា​ថ្ងៃ​ដែល​ពិធី​រៀប​អាពាហ៍​ពិពាហ៍​ត្រូវ​បាន​ហាម​ឃាត់ ​ព្រោះភពពុធ ឬ Mercury​ ជាទេវតំណាងឱ្យភាព​ប្រែប្រួល។ ហេតុនេះ ថ្ងៃពុធ មិនអាចផ្ដល់ភាពប្រាកដប្រជា ឬចំណងស្នេហ៍យូរអង្វែងដល់គូស្វាមីភរិយាថ្មោងថ្មីបានទេ។ អាពាហ៍ពិពាហ៍​គួរតែ​ជា​ពិធី​មួយ​ដែល​ផ្ដល់នូវភាព​ចម្រុងចម្រើន និងសិរីសួស្ដី​ ដូចនេះប្រសិនបើដេញវេលារៀបការ គួរចៀសថ្ងៃពុធឱ្យបាន។

ទោះជាយ៉ាងនេះក្ដី កូនកំលោះ ក្រមុំខ្លះ មិនឆុងជាមួយថ្ងៃពុធទេ ដូច្នេះពួកគេអាចរៀបការបាន តាមការគុណគូរនៃគ្រូហោរ៕

អត្ថបទ៖ សន្យា

ចុចអាន៖ វត្ថុ​ ៣យ៉ាង រក្សាទុកក្នុងផ្ទះ ដូចហៅសំណាងអាក្រក់មកដាក់ខ្លួន

ចុចអាន៖ កាដូឲ្យមនុស្សជាទីស្រលាញ់មិនមែនទិញតាមចិត្ត ត្រូវមើលថ្ងៃកើតត្រូវជំនឿ ចៀសវាងនាំបែកបាក់គ្នា