Connect with us

វប្បធម៌ ជំនឿ

«មមី» តោងប្រយ័ត្នសុខភាពឲ្យមែនទែន ឆ្នាំ ២០២៣ អាជីពជួបរឿងច្របូកច្របល់ខ្លាំង

បានផុស

នៅ

យោងតាមហោរាសាស្ត្រ​ចិន ក្នុងឆ្នាំ ២០២៣ មមីនឹងជួបបញ្ហាចាក់ស្រេះដោយសារតែទទួលរងពីទេវតា Tai Sui (តារាអាយុ) ដែលអាចជះឥទ្ធិពលយ៉ាងខ្លាំងដល់ទ្រព្យសម្បត្តិផ្ទាល់ខ្លួន។ ឆ្នាំ​នេះ​នឹង​មាន​ការ​ឡើង​ចុះ​ខ្លាំង ហើយ​អ្នកក៏​ត្រូវ​តែ​ប្រុង​ប្រយ័ត្ន​បន្ថែម​ទៀត​ក្នុង​អាជីព​ការងារ​ដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជីព យោងតាមហោរាសាស្ត្ររបស់មនុស្សកើតក្នុងឆ្នាំមមី​ ​មានភាព​ច្របូកច្របល់​ខ្លាំង។ នាពេលនេះ​អ្នក​នឹង​មាន​ក្រុម​មនុស្ស​អាក្រក់​ជាច្រើន​ ដែលប៉ងមកប៉ះពាល់​ដល់​ជីវិត​របស់​អ្នក​នៅឆ្នាំនេះ។ សេះ​ដែល​ទើប​ចូល​មក​ធ្វើការ​ក្នុង​ឆ្នាំ​នេះ ​ត្រូវ​ប្រយ័ត្ន​ឲ្យ​បាន​ច្រើន ហើយ​កុំ​ផ្ដល់​ឱកាស​ដល់​អ្នក​ដែល​នឹង​បំផ្លាញ​អាជីព​ការងារ។ ក្នុងការងារប្រចាំថ្ងៃ អ្នកគួរតែយកចិត្តទុកដាក់ឲ្យបានល្អិតល្អន់​បន្ថែមទៀត ហើយអ្នកគួរតែប្រយ័ត្នក្នុងកិច្ចការក្រុមហ៊ុន។ សម្រាប់បុគ្គលដែលទើបចូលធ្វើការក្នុងក្រុមហ៊ុនបង្កើតថ្មី សមត្ថភាពរបស់អ្នកក្នុងការទប់ទល់នឹងការតូចចិត្តក្នុងកំឡុងឆ្នាំនេះនឹងខ្សោយ ដូច្នេះហើយ អ្នកគួរតែធ្វើរឿងមួយជំហានម្តងៗ។ ប្រសិនបើអ្នកធ្វេសប្រហែស ការខិតខំប្រឹងប្រែង និងការចាប់ផ្តើមអាជីវកម្មទាំងអស់នឹងត្រូវបំផ្លាញ។ ដោយឡែក​សម្រាប់អ្នកចាប់អាជីពជាតារា អ្នក​នឹង​ទទួល​បាន​ផល​ច្រើន​ជា​មិន​ខាន។ ដរាបណាអ្នកចាប់យកឱកាស នោះអ្នកអាចសម្រេចបានលទ្ធផលល្អមានឈ្មោះបោះសំឡេងក្នុងវិស័យនេះ។ សម្រាប់អ្នកប្រកបរបររកស៊ី រាសីអ្នក នឹងមានលាភច្រើនណាស់ក្នុងឆ្នាំនេះផងដែរ។

ស្នេហា ចំពោះ​បុគ្គល​នៅ​លីវ អ្នក​នឹង​មាន​សំណាង​ច្រើន​ក្នុង​ការ​ជួប​រឿង​ស្នេហា ហើយ​អាច​ទទួល​បាន​ទំនាក់ទំនង​ល្អ​មួយ។ ស្នេហា​នេះ​នឹង​ចាប់ផ្តើមពីទំនាក់ទំនងតិចៗរវាងគ្នា។ ទោះយ៉ាងណា ​អ្នក​ក៏​គួរ​តែ​ពិចារណា​ពី​ចរិតលក្ខណៈ និងតម្លៃរបស់ភាគីម្ខាងទៀត ហើយប្រសិនបើ​អ្នកយល់ថា​គាត់/នាង​សមរម្យ គួរតែព្យាយាមធ្វើឲ្យ​ទំនាក់ទំន​កកាន់តែស៊ីជម្រៅ​លើសមុន។ ចំពោះអ្នកមាន​គូគាប់​ទ្រនាប់​ចិត្ត បើ​ទំនាក់ទំនង​ល្អ​ គួរ​នាំមនុស្សជាទី​ស្រឡាញ់​ទៅ​ជួប​ចាស់ទុំ និង​ធ្វើ​ពិធី​ភ្ជាប់​ពាក្យ​ដើម្បីឲ្យ​​ទំនាក់ទំនង​កាន់តែ​រឹងមាំ ។ អ្នករៀបការហើយ ប្រសិនបើលក្ខខណ្ឌអនុញ្ញាត ត្រូវធ្វើដំណើរកម្សាន្តបន្ថែម ឬដំណើរទេសចរណ៍ដោយការបើកបរដោយខ្លួនឯងជាមួយដៃគូរបស់អ្នក ដែលអាចបង្កើនទំនាក់ទំនងកាន់តែរឹងមាំជាងមុន។ សម្រាប់អ្នក​ដែល​មាន​កូន អ្នក​គួរ​មាន​ចិត្ត​អត់​ធ្មត់​នឹង​កូន​ឲ្យ​បាន​ច្រើន ហើយ​ធ្វើ​ជា​គំរូ​ដល់​ពួកគេជានិច្ច។

ទ្រព្យសម្បត្តិ ក្នុងឆ្នាំនេះមនុស្សកើតក្នុងឆ្នាំមមី នឹងមានភាព​ច្របូកច្របល់​យ៉ាងខ្លាំង ​នៅក្នុងសំណាង​ផ្ទាល់ខ្លួន។ ដោយសារតែ​ឥទ្ធិពល​នៃភាពចលាចលក្នុង​អាជីព ប្រាក់ចំណូល​នឹងមិន​ស្ថិតស្ថេរ​ខ្លាំង ហើយវា​នឹងមានភាពងាយស្រួលសម្រាប់មនុស្សអាក្រក់​នៅកន្លែងធ្វើការ ប៉ះពាល់ដល់​អាជីពរបស់យើង ដែល​នាំឲ្យ​មានគំនិត​ផ្លាស់ប្តូរ​ការងារ។ ដូច្នេះហើយ អ្នកត្រូវយកចិត្តទុកដាក់​បន្ថែម​ទៀត​ចំពោះ​ពាក្យ​សម្ដី និង​ទង្វើ​នៅ​កន្លែង​ធ្វើការ ​កុំ​បង្ហាញ​ព័ត៌មាន​លម្អិត​ផ្ទាល់ខ្លួន (ពាក្យ​សម្ងាត់​ជា​ដើម) ទៅកាន់​អ្នកដទៃ​ឲ្យសោះ។ ក្នុង​ឆ្នាំនេះ​ហាម​បណ្ដាក់ទុន​ ព្រោះរាសីអ្នក​​មិនមាន​សុទិដ្ឋិនិយម​ទេ។ សម្រាប់​អ្នក​ដែល​ចូលចិត្ត​បណ្ដាក់ទុន និង​គ្រប់គ្រង​លុយ អ្នកត្រូវតែធ្វើកិច្ចការឲ្យ​បានល្អ ហើយកុំគិតពីការរកលុយ​ដោយ​ប្រើប្រាស់​ផ្លូវកាត់។ ដោយសារតែសំណាងទ្រព្យសម្បត្តិមិនល្អ អាចមានហានិភ័យ​នៃការខាតបង់ ឈានដល់​ការក្ស័យធនមិនខាន។

សុខភាព នៅពាក់កណ្តាលឆ្នាំ ២០២៣ ដោយសារតែឥទ្ធិពលរបស់ផ្កាយគ្រោះរបស់មមី អ្នកនឹង​ស្ថិតក្នុងស្ថានភាពកាយសម្បទា​ខ្សោយ ហើយថែមទាំងអាចរងទុក្ខដោយជំងឺទៀតផង។ ​គួរតែពិនិត្យរាងកាយឲ្យ​បានទៀងទាត់ ពង្រឹងទម្លាប់នៃការហាត់ប្រាណ​បន្ទាប់ពីធ្វើការ និង​បង្កើនភាពស៊ាំ។ លើស​ពី​នេះ​ទៀត អ្នក​ទំនង​ជា​មាន​របួស​រាង​កាយ​ដោយ​សារ​ការងារ​មមាញឹក។ ប្រសិនបើអ្នកជួប​ការលំបាកនៅកន្លែងធ្វើការ អ្នកនឹងត្រូវធ្វើអ្វីគ្រប់យ៉ាង​ដែលអាចធ្វើទៅបានដើម្បីយក​ឈ្នះ។ ដូច្នេះ អ្នក​គួរតែ​បង្កើត​ទម្លាប់​ធ្វើការ និង​សម្រាក​ឱ្យ​មាន​សុខភាព​ល្អ ញ៉ាំ និង​គេងឲ្យ​​ទាន់​ពេល។

សរុបមក ក្នុង​ឆ្នាំ​នេះ ដោយសារ​ឥទ្ធិពល​របស់​ទេវតា Tai Sui សុខភាព​រាង​កាយ​របស់​អ្នក​ត្រូវ​មិនសមប្រកបឡើយ​។ ទោះបី​នេះ​មិន​បង្ក​គ្រោះថ្នាក់​ដល់​ជីវិត​អ្នក​ក៏​ដោយ ក៏​នឹង​មាន​ជំងឺ​តូចៗ​ដែលតាមយាយីដូចគ្នា៕

គ្រូ ណុប

ចុចអាន៖ឆ្នាំ ២០២៣ «វក» ស្នេហាល្អប្រសើរជាងមុន តែមកជួបរឿងរកាំរកូសជាមួយការងារវិញ

ចុចអាន៖«មមែ» ឈប់ភ័យព្រួយ ឆ្នាំ ២០២៣ អាជីពការងារអ្នករលូនទៅមុខវិញហើយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣៣ នាទី មុន

មេបញ្ជាការ​អាវុធហត្ថ​ខេត្តកោះកុង អំពាវនាវ​ឱ្យ​ផ្តល់ព័ត៌មាន​ពិតប្រាកដ​ ករណីមន្ត្រីក្រោមឱវាទ​ គ្មានក្រមសីលធម៌ ឬ ប្រព្រឹត្តអំពើ​ល្មើសច្បាប់

ព័ត៌មានជាតិ២ ម៉ោង មុន

កសិករ​ភូមិ​ភ្នំ​រីករាយ​ សប្បាយចិត្ត​ប្រមូល​ផល​ម្រះ

ព័ត៌មានជាតិ៣ ម៉ោង មុន

រដ្ឋមន្ត្រីមហាផ្ទៃ៖ រដ្ឋផ្ទេរថវិកាជាង៤រយលាន ឱ្យរដ្ឋបាលក្រុង ស្រុក ខណ្ឌ ប្រើសម្រាប់ដំណើរការគ្រឹះស្ថានសិក្សា

ព័ត៌មានជាតិ៣ ម៉ោង មុន

ពលរដ្ឋថាមានការនាំចូលសាច់បង្កកខុសច្បាប់រាប់តោន ពីវៀតណាមចូលមកកម្ពុជាតាមច្រកត្រពាំងផ្លុង​

សន្តិសុខសង្គម៤ ម៉ោង មុន

សិស្សសាលា​៣​នាក់ ​ឆក់​ទូរសព្ទ​ពី​ស្ត្រី​ម្នាក់​បានសម្រេច​ ត្រូវ​បាន​សមត្ថកិច្ច​ឃាត់ខ្លួន​

សន្តិសុខសង្គម១ ថ្ងៃ មុន

ចាប់បានឃាតករំលោភសម្លាប់ស្ត្រីពោះធំ ៥ ខែ ប្លន់យកម៉ូតូ និងទូរស័ព្ទ រួចដុតសាកសពចោលក្នុងព្រៃ នៅខេត្តកណ្ដាល

បច្ចេកវិទ្យា៤ ថ្ងៃ មុន

វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា

ជីវិតកម្សាន្ដ៣ ថ្ងៃ មុន

តួកាច Benz ទម្លាយថា នាងធ្លាប់វាយរឹកដាក់អ្នកគាំទ្រ ពេលកេរ្តិ៍ឈ្មោះល្បីល្បាញខ្លាំងកាលវ័យជំទង់

ព័ត៌មានជាតិ៦ ថ្ងៃ មុន

សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា

ព័ត៌មានជាតិ២ ថ្ងៃ មុន

ទោះរមណីយដ្ឋានអន្លង់ផ្សោតព្រះរំកិលលែងមានសត្វផ្សោត តែភ្ញៀវទេសចរអាចទៅទស្សនាឆ្អឹងផ្សោតបាន

Sokha Hotels

ព័ត៌មានពេញនិយម