ក្រុមការងារព្រឹត្តិការណ៍អង្គរសង្ក្រាន្ត បង្ហាញស្នាដៃតួអង្គនិមិត្តរូបតំណាងឆ្នាំមមី និងជំរុញសកម្មភាពមនុស្សធម៌

ក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងខិតចូលមកដល់នាពេលខាងមុខនេះ ក្រុមការងារព្រឹត្តិការណ៍អង្គរសង្ក្រាន្ត បានបង្ហាញ តួអង្គនិមិត្តរូបតំណាងឆ្នាំមមីថ្មី ដែលមកជាគូ ខណៈមិនត្រឹមដើម្បីជូនពរជ័យដល់ក្រុមគ្រួសារប៉ុណ្ណោះទេ តែជាការជំរុញសកម្មភាពមនុស្សធម៌ដ៏ធំធេង សម្រាប់ជនភៀសសឹកកម្ពុជាជាច្រើនគ្រួសារ។

ខុសពីឆ្នាំកន្លង ឆ្លៀតក្នុងឱកាសអបអរពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ ក្រុមការងារព្រឹត្តិការណ៍អង្គរសង្ក្រាន្ត បានរចនាតួអង្គតុក្កតានិមិត្តរូបឆ្នាំមមី ដល់ទៅ១គូ ខណៈមិនត្រឹមតែដើម្បីអបអរ និងជូនពរប៉ុណ្ណោះទេ តែគោលបំណងធំ គឺជំរុញសកម្មភាពមនុស្សធម៌ តាមរយៈការនាំយកថវិកាពីការលក់ គាំទ្រដល់ជនភៀសសឹកកម្ពុជា ដែលពុំទាន់អាចវិលទៅលំនៅដ្ឋានវិញបាន ព្រោះតែសៀមកំពុងទន្ទ្រានកាន់កាប់ដោយខុសច្បាប់។

ក្រុមការងារព្រឹត្តិការណ៍អង្គរសង្ក្រាន្ត ណែនាំថា តួអង្គនិមិត្តរូបតំណាងឆ្នាំមមីដ៏គួរឱ្យស្រលាញ់មួយគូនេះ នឹងមកជូនពរជ័យ សិរីសួស្តី ជ័យមង្គល វិបុលសុខ មហាប្រសើរដល់ក្រុមគ្រួសារខ្មែរទាំងអស់គ្នា ក្នុងឱកាសអបអរពិធីបុណ្យចូលឆ្នាំថ្មីប្រពៃណីជាតិខ្មែរខាងមុខនេះ៕