សេដ្ឋកិច្ច

កិច្ចសន្យាបន្ថែមជិត ៧ លានដុល្លារ ធ្វើឡើងនៅកំពង់ធំ សម្រាប់ផ្គត់ផ្គង់ស្រូវសែនក្រអូប និងស្រងែស្រាល

បានផុស

៦ ខែ មុន

នៅ

ថ្ងៃចន្ទ ៥ មករា ២០២៦

ដោយ

កិច្ចសន្យាបន្ថែមទំហំជិត ៧ លានដុល្លារ ត្រូវបានធ្វើឡើងរវាងក្រុមហ៊ុន និងសហគមន៍កសិកម្មទំនើបចំនួន ២ នៅខេត្តកំពង់ធំ សម្រាប់ការផ្គត់ផ្គង់ស្រូវសែនក្រអូប និងស្រូវស្រងែស្រាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក ឃឹម ហ្វីណង់ អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី០៥ ខែមករា ឆ្នាំ២០២៦ នេះ បានឱ្យដឹងថា កិច្ចសន្យាបន្ថែមតម្លៃជិត ៧ លានដុល្លារនេះ គឺធ្វើឡើងរវាងក្រុមហ៊ុនបៃតង និងសហគមន៍កសិកម្មទំនើបចំនួន ២ ផ្សេងទៀតនៅខេត្តកំពង់ធំ សម្រាប់ការផ្គត់ផ្គង់ស្រូវសែនក្រអូប និងស្រូវស្រងែស្រាលនៅលើផ្ទៃដីប្រមាណ ៦០០០ ហិកតា ដែលធ្វើឱ្យបរិមាណស្រូវសរុបដែលបានចុះកិច្ចសន្យាជាមួយក្រុមហ៊ុនបៃតងកើនដល់ជាង ៤ ម៉ឺនតោន ស្មើនឹង ៩,២ លានដុល្លារ។

ទន្ទឹមនេះ អ្នកនាំពាក្យរូបនេះបានបញ្ជាក់ដែរថា រហូតមកដល់ពេលនេះ ក្រសួងកសិកម្មបានបញ្ចប់ការតភ្ជាប់ទីផ្សារទាំងស្រុងជូនដល់សហគមន៍កសិកម្មទំនើបដំណាំស្រូវទាំងអស់នៅក្នុងរដូវកាលនេះ ជាមួយនឹងការធានាតម្លៃសមរម្យទុកជាមុន។

បន្ថែមជាមួយគ្នានេះ ក្រសួងក៏បានសម្របសម្រួលឱ្យកសិករជាសមាជិកប្រមាណ ២០០០ គ្រួសារទទួលបានកម្ចីដើមទុនដែលមានការប្រាក់ទាប សម្រាប់ការធ្វើផលិតកម្មស្រូវលើផ្ទៃដីជិត ១៥០០០ ហិកតា នៅក្នុងខេត្តបាត់ដំបង បន្ទាយមានជ័យ សៀមរាប កំពង់ធំ និងកំពង់ឆ្នាំង៕